ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵙⵏⵓⵍⴼⴰ-ⴷ ⴰⵏⵙⴻⵊ ⴰⵎⴻⵍⵢⵓⵏ ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ
ⵇⵙⴻⵏⵟⵉⵏⴰ – ⵜⴻⵙⵙⴰⵡⴻⴹ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⴻⴷⵀⴻⵍⵜ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ (ⴰⵏⵙⴻⵊ) ⴰⴷ ⴷ-ⵜⴻⵙⵏⵓⵍⴼⵓ ⴰⵎⴻⵍⵢⵓⵏ ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⵓⵍⴼⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵇⵙⴻⵏⵟⵉⵏⴰ ⵓⵏⴻⵖⵍⴰⴼ ⵏ ⵓⵎⴰⵀⵉⵍ (ⵄⴰⵎⴰⵍ), ⵎⵧⵀⴰⵎⴻⴷ ⴻⵍ ⴳⵀⴰⵣⵉ.
ⴰⵏⴻⵖⵍⴰⴼ, ⴰⵢ ⵉⵃⴻⴷⵕⴻⵏ ⴷⴻⴳ ⵓⵅⵜⴰⵎ ⵏ ⵜⵎⴻⵙⵔⵉⵜ (ⵚⴰⵍⵓⵏ) ⵜⴰⵖⴻⵍⵏⴰⵡⵜ ⵜⴰⵎⴻⵣⵡⴰⵔⵓⵜ ⵏ ⵜⴽⴻⴱⴱⴰⵏⵉⵜ ⵜⴰⵎⴻⵥⵢⴰⵏⵜ ⵉⵅⴻⴷⴷⵎⴻⵏ ⴷⴻⴳ ⵢⵉⴷⵍⴻⵙ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵛⵖⴰⵍ ⴰⵢ ⵍⴰ ⵢⴻⵜⵜⴻⴳ ⵓⵡⴰⵏⴰⴽ (ⴷⴰⵡⵍⴰ) ⵉ ⵍⵎⴻⵏⴷ ⵏ ⵓⵙⵙⵉⴼⵙⴻⵙ ⵏ ⵜⵉⴼⵉⵏ ⵏ ⵓⵎⴰⵀⵉⵍ ⵉ ⵢⵉⵍⴻⵎⵥⵉⵢⴻⵏ ⵓⵔ ⵃⴻⴱⴱⵙⴻⵏ ⴰⵔⴰ ⵖⴻⴼ ⵍⴵⴰⵍ ⵏ ⵓⵃⵕⴰⵙ ⵏ ⵓⵎⴻⵚⵔⵓⴼ.
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵍⴻⵎⵥⵉⵢⴻⵏ ⵉⴷⵣⴰⵢⵔⵉⵢⴻⵏ ⴰⴽⴽⴻⵏ « ⴰⴷ ⴷ-ⵙⵏⵓⵍⴼⵓⵏ ⵜⵉⴽⴻⴱⴱⴰⵏⵉⵢⵉⵏ-ⵏⵙⴻⵏ ⵜⵉⵎⴻⵥⵢⴰⵏⵉⵏ ⵏⴻⵖ ⵜⵉⵍⴻⵎⵎⴰⵙⵉⵏ ⵡⴰⵔ ⴰⴽⵓⴽⵔⵓ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⵙ ⵜⵉⴷⴻⵜ ⴷⴻⴳ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⴰⴷⴰⵎⵙⴰⵏ ⵏ ⵜⵎⵓⵔⵜ ».
ⵎⴰⵙⵙ ⴻⵍ ⴳⵀⴰⵣⵉ ⴰⵢ ⵢⴻⵔⵣⴰⵏ ⵖⴻⴼ ⵜⵎⴻⵙⵔⵉⵜ-ⴰ ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ ⵏ ⵢⵉⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴷ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵉⴷⵉⴳⴰⵏⴻⵏ (ⵎⴰⵃⴰⵍⵍⵉⵢⵉⵏ), ⵉⵡⴻⴽⴽⴻⴷ-ⴷ ⴷⴰⵖ ⴷ ⴰⴽⴽⴻⵏ ⵜⵉⴽⴻⴱⴱⴰⵏⵉⵢⵉⵏ ⴰⵢ ⴷ-ⵢⴻⵏⵏⵓⵍⴼⴰⵏ ⵢⴻⵔⵏⴰ ⵔⴻⴱⵃⴻⵏⵜ ⵙ ⵜⵜⴰⵡⵉⵍ-ⴰ ⵙⵙⴰⵡⴹⴻⵏⵜ ⴰⴷ ⴷ-ⵙⵏⵓⵍⴼⵓⵏⵜ, ⴷⴻⴳ ⵜⵍⴻⵎⵎⴰⵙⵜ, 50 ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⴷⵍⴻⵙ ⴷ ⴰⴽⴽⴻⵏ ⵢⵓⵎⴰⵔ (ⵢⴻⴼⵕⴻⵃ) ⵙ ⵔⵔⴱⴻⵃ ⵏ ⵜⵎⴻⵙⵔⵉⵜ-ⴰ ⵜⴰⵎⴻⵣⵡⴰⵔⵓⵜ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴷⵢⴰⵏⵜ-ⴰ ⴷ ⴰⵙⵓⵔⵉⴼ ⴰⵎⴻⵣⵡⴰⵔⵓ ⵉⴳⴻⵔⵔⵣⴻⵏ ⵉ ⵍⵎⴻⵏⴷ ⵏ ⵓⵀⴻⵢⵢⵉ ⵏ ⵓⵙⴰⵔⴰⴳ ⴰⵖⴻⵍⵏⴰⵡ ⵏ ⵜⴽⴻⴱⴱⴰⵏⵉⵢⵉⵏ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⵏ ⵢⵉⴷⵍⴻⵙ, ⴷ ⴰⵙⴰⵔⴰⴳ ⴰⴷ ⴷ-ⵢⵉⵍⵉⵏ ⴰⵙⵙ ⵏ 22 ⵏⵡⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
