ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵟⵟⴰⴼⴰⵕ ⵢⴰⵍ ⴰⵙⵙ ⴰⵟⴻⴱⴱⴰⵇ ⵏ ⵡⴰⵀⵉⵍ-ⵉⵏⴻⵙ
ⴱⵍⵉⴷⴰ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵟⵟⴼⴰⵕ "ⵢⴰⵍ ⴰⵙⵙ" ⴰⵕⴻⵚⵚⵉ ⴷ ⵓⵟⴻⴱⴱⴰⵇ ⵏ ⵡⴰⵀⵉⵍ-ⵉⵏⴻⵙ, ⵡⵉⵏ ⵢⴻⵅⵜⴰⵕ ⵡⴻⵖⵕⴻⴼ", ⵉⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⵉ ⵍⴻⴱⵍⵉⴷⴰ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.
"ⴷ ⵡⴰⴳⵉ ⵉ ⴷ ⴰⴱⵔⵉⴷ ⵉⵖ-ⴷ-ⵢⴻⵜⵜⵓⵏⴻⴼⴽⴻⵏ ⵡⵉⵏ ⵏⴻⵜⵜⵇⴰⴷⴰⵕ ⵓ ⵏⵅⴻⴷⴷⴻⵎ ⵙ ⵜⴻⵣⴷⴻⴳ ⵙ ⵜⵎⵓⵖⵍⵉ ⵏ ⵢⴰⵍ ⴰⵙⵙ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⵎⴽⴻⵍⵍⴻⴼ ⴰⵡⵃⵉⴷ ⵏ ⵜⵓⴷⴻⵔⵜ ⵏ ⴷⴷⴻⵡⵍⴰ ⴰⵎ ⵡⴰⴽⴽⴻⵏ ⵢⴻⵍⵍⴰ ⴷⵉ ⵜⵎⴻⵏⴷⴰⵡⵜ",ⵉⴷ-ⵢⴻⵏⵏⴰ ⵎⴰⵙ ⵙⴻⵍⵍⴰⵍ ⵍⴰⵡⴰⵏ ⵏ ⵜⴻⵎⵍⵉⵍⵉⵜ ⴰⴽⴽ ⴷ ⵢⵉⵎⵙⴻⴼⵜⴰⵢⴻⵏ ⵏ ⵜⵡⵉⵍⴰⵢⵜ.
ⵢⴻⵙⴻⴼⵀⴻⵎ-ⴷ ⴱⴻⵍⵍⵉ ⴰⵀⵉⵍ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵜⵜⴰⵡⵉ, "ⵙ ⵜⴻⵣⴷⴻⴳ, ⵖⴻⵔ ⵓⵕⴻⵚⵙⵉ ⵏ ⵜⴷⴰⵎⵙⴰ ⵉⴳⴻⵎⵎⵓⵏ, ⴰⵙⴻⵎⵖⴻⵔ ⵏ ⵜⵊⵓⵎⵎⴰ ⵏ ⵡⴰⴽⴰⵍ ⵢⴻⵜⵜⵡⴰⵅⴷⴰⵎⴻⵏ ⵖⴻⵔ ⵓⵎⴻⵍⵢⵓⵏ ⵏ ⵢⴻⵇⴹⴰⵕⴻⵏ ⴷ ⵓⵙⵏⴻⵔⵏⵉ ⵓⵏⴻⴳⵎⵓ ⵏ ⵡⴻⵃⵔⵉⵛ ⵏ ⵜⵎⴻⵔⵔⵉⵜ".
"ⴷⴻⴳ ⵡⴰⴽⴽⴻⵏ ⵜⵜⵡⴰⵍⵉⵖ ⵓⵔ ⵢⴻⵍⵍⵉ ⵡⵉⵏ ⵉⴱⴻⴷⴷⴻⵏ ⵉⴱⴻⴳⴳⵙⴻⵏ, ⴷⵉ ⵜⵎⵓⵔⵜ-ⵏⵏⴻⵖ, ⵖⴻⴼ ⵜⵍⴻⵍⵍⵉ ⵏ ⵜⵎⵓⵔⵜ ⴰⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ. ⵎⴰⵄⵉ ⴷ ⵏⴻⵜⵜⴰ ⴷ-ⵉⴱⴻⵔⵃⴻⵏ ⴰⵛⵃⴰⵍ ⵏ ⵜⵉⴽⴽⵡⴰⵍ ⴷ ⴰⴽⴽⴻⵏ ⴷⴷⴻⵡⵍⴰ ⴰⴷ ⵜⴻⵟⵟⴻⴼ ⵉⵅⴻⴼ ⵏ ⵡⴻⵎⵔⴰⵔ ⴷⴻⴳ ⵡⴻⵃⵔⵉⵛ ⵏⵜⴷⴰⵎⵙⴰ",ⵉⴷ-ⵢⴻⵙⵙⵓⵜⴻⵔ.
"ⵓⵍⴰⵛ ⵡⵉⵏ ⵉⴷ-ⵉⴱⴻⴷⵔⴻⵏ ⵏⴻⵖ ⵉⵙⴻⵇⵙⴰ ⴰⵛⵓⵖⴻⵔ ⵓⵔ ⵏⴻⵙⵍⴻⵍⵍⵓⵢ ⴰⵔⴰ ⵜⴰⴷⴰⵎⵙⴰ ⵍⴰⵡⴰⵏ ⴷⴻⴳ ⵏⴻⴼⴽⴰ ⴰⴼⵓⴷ ⵉ ⵓⵙⴻⴼⵜⵉ, ⴰⵛⵓⵖⴻⵕ ⵉ ⵎⴰⵣⴰⵍ ⵏⴻⵜⵜⵄⴰⵡⴰⵏ ⴷⴻⴳ ⵡⴰⵣⴰⵍ ⵏ ⵍⴻⵙⵡⴰⵎ ⵍⴰⵡⴰⵏ ⴷⴻⴳ ⵏⴻⵜⵜⵄⴰⵡⴰⴷ ⵜⴰⵎⵓⵖⵍⵉ ⵏ ⴽⵔⴰ ⵉⵙⵓⴼⴰⵔ?",ⵉⴷ-ⵢⴻⵏⵏⴰ ⵎⴰⵙ ⵙⴻⵍⵍⴰⵍ.
