ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵡⵍⵉⵡⴻⵍ ⴷ ⵜⴻⵖⵔⵉ ⵉ ⵓⵙⵙⴻⵄⵊⴻⵍ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵡⵍⵉⵡⴻⵍ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵏⵏⴻⵔⵏⴰ ⵓⵙⵙⴰⵏ-ⴰ ⵎⵉ ⴷ-ⵍⵍⴰⵏⵜ ⴰⵟⴰⵙ ⵏ ⵜⵉⴽⵍⵉⵡⵉⵏ ⴷⴻⴳ ⵓⵎⴰⴹⴰⵍ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵎⴹⴻⴱⴱⵔⴻⵏ ⵉⵚⴻⵃⵔⴰⵡⵉⵢⴻⵏ ⴷ ⵢⵉⵎⴻⵖⵏⴰⵙⴻⵏ ⵉⴳⵔⴰⵖⵍⴰⵏⴻⵏ ⵙⵙⵓⴳⴳⵜⴻⵏ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵄⴰⵡⴷⴻⵏ ⴰⴷ ⴷ-ⵙⴷⵓⵇⵇⵙⴻⵏ ⵍⴻⵎⵛⴰⵡⵕⴰⵜ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵓⵣⴻⴽⴽⴰ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷ ⵓⴼⴰⴽⵉ ⵏ 40 ⵏ ⵢⵉⵙⴻⴳⴳⴰⵙⴻⵏ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ.

ⵜⴰⵎⵙⴻⵜⵍⴻⵍⵜ-ⴰ (ⵜⴰⴹⴰⵎⵓⵏ) ⴷ ⵢⵉⵚⴻⵃⵔⴰⵡⵉⵢⴻⵏ ⵢⴻⵍⵍⴰ-ⴷ ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵎⴹⴻⴱⴱⵔⴻⵏ ⵉⵚⴻⵃⵔⴰⵡⵉⵢⴻⵏ ⴳⵔⴻⵏ-ⴷ ⵜⵉⵖⵔⵉ ⵉ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⴳ ⵛⵛⵖⴻⵍ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵖⵔⴻⴼ ⴰⵚⴻⵃⵔⴰⵡⵉ ⴰⵢ ⵢⴻⴷⴷⵔⴻⵏ 40 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⴷⴷⴰⵡ ⵓⵣⴰⴳⵍⵓ ⴰⵎⴻⵕⵕⵓⴽⵉ, ⵢⴻⵔⵏⴰ ⵙⵙⵓⵜⵔⴻⵏ ⵢⵉⵎⴹⴻⴱⴱⵔⴻⵏ-ⴰ ⴰⴷ ⴷ-ⵜⵉⵍⵉ ⵜⵙⴻⴼⵔⴰⵏⵜ ⵉ ⴼⴻⵔⵔⵓ ⵏ ⵓⵣⴻⴽⴽⴰ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵓⵍⴰ ⵎⴰ ⵎⴻⵕⵕⵓⴽ ⵜⴻⵙⵜⴻⵏⵢⴰ ⵍⵄⵓⵀⵓⴷ ⵙⴷⴰⵜ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ, ⵎⴰⵣⴰⵍ-ⵉⵜⵜ ⵓⵔ ⵜⴻⴼⴽⵉ ⴰⵔⴰ ⴰⵣⴰⵍ ⵉ ⵍⵄⵓⵀⵓⴷ-ⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⵜⴻⵎⵙⴰⵍⵜ-ⴰ.

ⵙ ⵡⴰⵢⴰ, ⵢⴻⵔⵣⴰ ⵓⴳⴻⵍⵍⵉⴷ ⵏ ⵎⴻⵕⵕⵓⴽ, ⵎⵓⵃⴻⵎⵎⴻⴷ ⵡⵉⵙ 6, ⵖⴻⴼ ⵜⴻⵎⴷⵉⵏⵜ ⵏ ⵍⴻⵄⵢⵓⵏ ⵢⴻⵜⵜⵡⴰⴹⴹⴼⴻⵏ, ⵜⴰⵎⴰⵏⴻⵖⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⴰⵙⵙ ⵏ 6 ⵏⵡⴻⵎⴱⴻⵕ ⵢⴻⵣⵔⵉⵏ, ⵢⴻⵔⵏⴰ ⵢⴻⵏⵏⴰ-ⴷ ⵓⵏⴰⴱⴰⴹ (ⵃⵓⴽⵓⵎⴰ) ⴰⵚⴻⵃⵔⴰⵡⵉ ⴷ ⴰⴽⴽⴻⵏ ⴰⵢⴰ ⴷ ⴰⵙⵓⵔⵉⴼ ⴰⴷ ⴷ-ⵢⴻⴳⵍⵓⵏ ⵙ ⵍⵎⴰⴹⴻⵔⵔⴰ. ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⵙⵙ ⵏ ⵙⵙⴻⴱⵜ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵎⵧⵀⴰⵎⴻⴷ ⵙⴰⵍⴻⵎ ⵙⴰⵎⴻⴽ, ⴷ ⴰⴽⴽⴻⵏ ⵎⴻⵕⵕⵓⴽ ⵓⵔ ⵜⴻⵙⵄⵉ ⴰⵔⴰ ⴰⴽⴽ ⴰⵣⵔⴻⴼ ⴰⴷ ⴷ-ⵜⵃⴻⵜⵜⴻⵎ ⵍⴻⵃⴽⴻⵎ-ⵏⵏⴻⵙ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ.

ⴷⴻⴳ Ɣⵓⵛⵜ ⵏ 1974, ⵙⵒⴻⵏⵢⵓⵍ, ⴰⵢ ⵢⴻⵍⵍⴰⵏ ⵜⴻⵙⵙⴻⵀⵔⴻⵙ (ⵜⴻⵙⵜⴻⵄⵎⴻⵕ) ⴰⵏⴻⵥⵔⵓⴼ ⵓⵜⵔⵉⵎ, ⵜⴻⴵⴵⴰ ⴰⵙⴻⵏⴼⴰⵔ-ⵏⵏⴻⵙ ⴰⵢⴷⴻⴳ ⵜⴻⵙⵙⴻⴼⵔⴰ ⴰⴷ ⵜⴻⴼⴽ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ) ⵉ ⵜⵎⵓⵔⵜ-ⴰ, ⵢⴻⵔⵏⴰ ⵜⵅⴻⴱⴱⴻⵔ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⴰⴽⴽⴻⵏ ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴻⴳ ⵜⴰⵙⴻⴼⵔⴰⵏⵜ ⵉ ⴼⴻⵔⵔⵓ ⵏ ⵓⵣⴻⴽⴽⴰ ⵏ ⵜⵎⵓⵔⵜ-ⴰ ⴷⴻⴳ ⵓⵣⴳⴻⵏ ⵡⵉⵙ ⵙⵉⵏ ⵏ 1975. ⵛⵛⵕⴻⵄ ⴰⴳⵔⴰⵖⵍⴰⵏ ⵏ ⵍⴰ ⵀⴰⵢⴻ ⵢⴻⵍⵀⴰ-ⴷ ⴷ ⵜⴻⵎⵙⴰⵍⵜ-ⴰ ⴰⴽⴽⴻⵏ ⴰⴷ ⵉⵥⴻⵔ ⴷ ⴰⵛⵓ-ⵜ ⵓⵥⴰⵢⴻⵔ ⵓⵙⴹⵉⴼ (ⵡⴰⴹⵄ ⵇⴰⵏⵓⵏⵉ) ⴰⴷ ⵢⴻⵙⵄⵓ ⵡⴰⴽⴰⵍ-ⴰ ⴰⵢ ⵜⴻⴹⴹⴻⴼ ⵙⵒⴻⵏⵢⵓⵍ ⴷⴻⴳ 1884.

ⴷ ⴰⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵙⵙⵓⵜⵔⴻⵏ ⵙⴻⴳ ⵛⵛⵕⴻⵄ ⵏ ⵍⴰ ⵀⴰⵢⴻ ⴰⴷ ⵢⴻⴳ ⴰⵢⴰ ⵙ ⵜⵏⴻⵖⵜⵓⵙⵜ (ⵇⴰⵔⴰⵔ) ⴰⵢ ⵢⴻⵜⵜⵡⴰⴷⴷⵎⴻⵏ ⴰⵙⵙ ⵏ 13 ⵏⵡⴻⵎⴱⴻⵕ 1974. ⴷⴻⴳ ⵡⴰⵙⵙ ⵏ 16 ⵜⵓⴱⴻⵕ 1975, ⵢⴻⵙⵙⵓⴼⴼⴻⵖ-ⴷ ⵛⵛⵕⴻⵄ ⵏ ⵍⴰ ⵀⴰⵢⴻ ⵕⵕⴰⵢ-ⵏⵏⴻⵙ ⵢⴻⵔⵏⴰ ⵢⴻⴼⵔⴰ-ⵜⵜ-ⵉⴷ ⴷ ⴰⴽⴽⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵙⵄⴰ ⴰⵣⵔⴻⴼ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ).

ⴰⴽⴽⴻⵏ ⴰⴷ ⵢⴻⵙⵙⴻⵄⵔⴻⵇ ⴰⴱⵔⵉⴷ ⵉ ⵛⵛⵖⴻⵍ-ⴰ, ⵢⴻⵏⵏⴰ-ⴷ ⵓⴳⴻⵍⵍⵉⴷ ⵏ ⵎⴻⵕⵕⵓⴽ, ⵃⴰⵙⴰⵏ ⵡⵉⵙ 2 ⵏ, ⴷ ⴰⴽⴽⴻⵏ ⵜⴻⴱⴷⴰ-ⴷ ⵜⵉⴷⴷⵉⵜ ⵜⴰⵣⴻⴳⵣⴰⵡⵜ ⴰⵢⴷⴻⴳ ⵜⵜⴻⴽⴰⵏ 350 000 ⵏ ⵢⵉⵎⴻⵕⵕⵓⴽⵉⵢⴻⵏ ⴰⵢ ⵢⴻⴷⴷⴰⵏ ⵖⴻⵔ ⵓⵏⴻⵥⵔⵓⴼ ⵓⵜⵔⵉⵎ ⴰⴽⴽⴻⵏ ⴰⴷ ⴹⴹⴼⴻⵏ ⵜⴰⵎⵓⵔⵜ-ⴰ ⵢⴻⵔⵏⴰ ⴰⴷ ⵜⵜ-ⵉⴷ-ⵇⵇⵏⴻⵏ ⵖⴻⵔ ⵎⴻⵕⵕⵓⴽ.

ⵙ ⵡⴰⵢⴰ, ⵢⴻⴱⴷⴰ ⵓⵏⴰⴱⴰⴹ ⴰⵎⴻⵕⵕⵓⴽⵉ ⵉⴼⴻⵔⵔⴻⵏ-ⴷ ⵉⵎⴻⵕⵕⵓⴽⵉⵢⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⵉⴷⴷⵉⵜ-ⴰ. ⵢⴰⵍ ⵜⵉⵏⴻⴱⴹⵉⵜ (ⵎⵓⵇⴰⵟⴰⵄⴰ) ⴷⴷⵎⴻⵏ ⵙⴻⴳ-ⵙ ⵍⴻⵃⵙⴰⴱ ⵉⴱⴰⵏⴻⵏ ⵏ ⵢⵉⵎⴷⴰⵏⴻⵏ, ⵢⴻⵔⵏⴰ ⵉⵎⴷⴰⵏⴻⵏ-ⴰ ⵜⵜⵡⴰⴼⴻⵔⵏⴻⵏ ⵖⴻⴼ ⵍⴻⵃⵙⴰⴱ ⵏ ⵛⵛⵓⵔⵓⴹ ⵢⴻⵇⵇⵏⴻⵏ ⴰⵎⴰ ⵖⴻⵔ ⵜⵜⴰⵡⵉⵍ, ⴰⵎⴰ ⵖⴻⵔ ⵜⵙⴻⵔⵜⵉⵜ.

ⴷ ⴰⵢⴰ ⴰⵢ ⵢⴻⴵⴵⴰⵏ ⴰⵏⴰⴱⴰⴹ ⴰⵎⴻⵕⵕⵓⴽⵉ ⵓⵔ ⵉⴼⴻⵔⵔⴻⵏ ⴰⵔⴰ ⴰⵟⴰⵙ ⵏ ⵎⴻⴷⴷⴻⵏ ⵙⴻⴳ ⵜⴻⵎⴷⵉⵏⵉⵏ ⴰⵢⴷⴻⴳ ⴰⴳⴻⵍⵍⵉⴷ ⵓⵔ ⵢⴻⵜⵜⵡⴰⵃⴻⵎⵎⴻⵍ ⴰⵔⴰ ⴰⵟⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴷⵓⴽⵜⵓⵔⵜ ⴽⴻⵍⵜⵧⵓⵎ ⵉⵔⴱⴰⵀ, ⴰⵢ ⵉⵅⴻⴷⴷⵎⴻⵏ ⴷ ⵜⴰⵙⴻⵍⵎⴰⴷⵜ ⴷⴻⴳ ⴳⴻⵏⴻⵠⴰ ⴱⵓⵙⵉⵏⴻⵙⵙ ⵙⵛⵀⵧⵧⵍ (ⴷⴻⴳ ⵙⵙⵡⵉⵙ) ⴷⴻⴳ ⵢⵉⵡⴻⵏ ⵏ ⵓⵎⴰⴳⵔⴰⴷ ⵢⴻⵙⵄⴰⵏ ⴰⵣⵡⴻⵍ ⵏ « ⵜⵉⴷⴷⵉⵜ ⵜⴰⵣⴻⴳⵣⴰⵡⵜ: ⴷ ⴰⵍⵍⴰⵍ ⵏ ⵜⵓⵇⵇⵏⴰ ⵏ ⵡⴰⴽⴰⵍ » ⴰⵚⴻⵃⵔⴰⵡⵉ ⵖⴻⵔ ⵎⴻⵕⵕⵓⴽ ⵢⴻⵔⵏⴰ ⵢⴻⴼⴼⴻⵖ-ⴷ ⴷⴻⴳ ⵓⵖⵎⵉⵙ ⵏ ⵍⵉⴱⴻⵔⵜⴻ.