ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⵎⴰⴳⴻⵔ ⵖⴻⴼ ⵜⴰⵍⵡⵉⵜ ⴷ ⵍⴰⵎⴰⵏ ⴷⴻⴳ ⵜⴻⴼⵔⵉⵇⵜ: ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ
ⴷⴰⴽⴰⵔ – ⴰⵃⴻⵣⵣⴻⴱ ⴷ ⵓⵙⵙⴻⴼⵔⴻⴽ ⵏ ⵜⵍⵓⴼⴰ ⴷⴻⴳ ⵜⴻⴼⵔⵉⵇⵜ, ⵜⴰⴱⴷⴰⵎⵎⴰⵙⵜ (ⵡⴰⵙⴰⵟⴰ) ⴷ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵏⵉⵜⴻⵏⵜⵉ ⴰⵢ ⴷ ⵜⵉⵎⵙⴰⵍ ⵜⵉⵎⴻⵇⵔⴰⵏⵉⵏ ⴰⵢⵖⴻⴼ ⴷ-ⵢⴻⵍⵍⴰ ⵡⴰⵡⴰⵍ ⴷⴻⴳ ⵓⵏⵎⴰⴳⴻⵔ ⴰⴳⵔⴰⵖⵍⴰⵏ ⵖⴻⴼ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ ⴰⵢ ⵉⴽⴻⵎⵎⵍⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴷⴰⴽⴰⵔ ⵙ ⵓⵜⵜⴻⴽⴽⵉ ⵏ ⵢⵉⵎⴷⴰⵏⴻⵏ ⵏ ⵓⵙⵡⵉⵔ ⵓⵏⵏⵉⴳ.
ⴷⴻⴳ ⵜⴻⵥⵔⵉⴳⵜ-ⴰ (ⵟⴰⴱⵄⴰ) ⵜⵉⵙ ⵙⵏⴰⵜ ⵏ ⵓⵏⵎⴰⴳⴻⵔ ⵏ ⴷⴰⴽⴰⵔ, ⴰⵣⴰⵍ ⵏ 800 ⵏ ⵢⵉⵎⵜⵜⴻⴽⴽⵉⵢⴻⵏ (ⴳⴰⵔ-ⴰⵙⴻⵏ ⵓⵍⴰ ⴷ ⵉⵎⴹⴻⴱⴱⵔⴻⵏ) ⴷ ⵢⵉⵎⴰⵙⴰⵢⴻⵏ ⵏ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⴻⵏ ⴷ ⵜⴻⵎⵏⴰⴹⴰⵏⵉⵏ, ⵉⵙⴻⵔⴷⴰⵙⴻⵏ ⴷ ⵢⵉⵎⵏⴰⴷⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵙⴰⵔⴰⴳⴻⵏ ⴷ ⵜⵏⴻⵎⵙⴰⵍ ⵏ ⵜⴻⴷⵢⴰⵏⵜ-ⴰ.
ⴷⵖⴰ ⴷⴻⴳ ⵜⴻⴳⵏⵉⵜ-ⴰ, ⵉⵡⴻⴽⴽⴻⴷ-ⴷ ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴷ ⴰⴽⴽⴻⵏ ⵍⴻⵣⵣⴰⵢⴻⵔ « ⵜⴻⵔⵏⴰ ⵔⵔⴻⴱⵔⴰⴱ ⵙⴻⴳ ⵢⵉⴷⵉⵙ ⴰⵙⵓⴷⴷⵙⴰⵏ (ⵉⵙⵜⵔⴰⵜⵉⴵⵉ) ⵙ ⵓⵙⴼⴻⵍ ⴰⵢ ⵢⴻⴼⴽⴰ ⵢⵉⴳⴻⵏ (ⴵⴰⵢⵛ) ⴰⵖⴻⵍⵏⴰⵡ ⴰⵖⴻⵔⴼⴰⵏ ⴰⵢ ⵉⵚⴻⴳⴳⵎⴻⵏ ⵉⵖⴰⵍⵍⴻⵏ-ⵏⵏⴻⵙ ⵢⴻⵔⵏⴰ ⵉⵄⴻⵡⵡⴻⵍ ⴰⴷ ⵢⴻⵏⵏⴰⵖ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵡⴰⵢⴰ ⵙ ⵓⵄⴰⵡⴻⵏ ⴷ ⵓⵄⴻⵡⵡⴻⵍ ⵏ ⵓⵖⵔⴻⴼ ⴰⴷⵣⴰⵢⵔⵉ ».
ⵉ ⵍⵎⴻⵏⴷ ⵏ ⵡⴰⵢⴰ, ⵉⵇⴻⴷⴷⴻⵎ-ⴷ ⵎⴰⵙⵙ ⵍⴰⵎⴰⵎⵔⴰ ⵜⵜⴻⵊⵕⵉⴱⴰ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵔⵔⴱⴻⵃ-ⴰ ⵢⴻⵍⵍⴰ-ⴷ ⵙ « ⵜⵙⴻⵔⵜⵉⵜ ⵏ ⵓⴼⵓⵙ ⵢⴻⵥⵥⵍⴻⵏ ⵉ ⵡⵉⴷ ⴰⵢ ⵢⴻⵜⵜⵡⴰⵖⵓⵔⵔⴻⵏ » ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵚⴰⵍⴻⵃ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴰ ⵍⴻⵣⵣⴰⵢⴻⵔ ⴰⵔⴽⴰⵡⴰⵍ (ⵎⵉⵜⴰⵇ) ⵏ ⵓⵎⵙⵓⵖⴰⵍ ⴰⵖⴻⵍⵏⴰⵡ ⴰⵢ ⵉⴼⵓⴽⴻⵏ ⵛⵛⵡⴰⵍ, ⵢⴻⵔⵏⴰ ⴷ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵢ ⴷ-ⵢⴻⵙⵙⵓⵎⵔⴻⵏ ⴰⵢⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵖⴻⴼ ⵡⵓⵙⵙⵉⵙ « ⵢⴻⵜⵜⴽⴻⵎⵎⵉⵍⴻⵏ » ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴽⴽⵙⴰ ⵏ ⵜⵉⴹⴹⵓⵔⴼⴰ ⴷ ⵢⵉⵎⴻⵏⵖⵉ ⵎⴳⴰⵍ ⵡⴰⵢⴰ ⴰⵎⴰ ⴷⴰⵅⴻⵍ ⵜⵎⵓⵔⵜ, ⵏⴻⵖ ⴷⴻⴳ ⵜⴻⵎⵏⴰⴹⵜ, ⵏⴻⵖ ⴷⴻⴳ ⵓⵎⴰⴹⴰⵍ, ⵙ ⵓⵙⵙⴻⴼⵜⵉ ⴷⴻⴳ ⵓⵙⵙⴻⴳⵎⵉ (ⵜⴰⵔⴱⵉⵢⴰ) ⴷ ⵓⵙⵙⴻⵍⵎⴻⴷ ⵏ « ⵡⴰⵣⴰⵍⴻⵏ ⵏ ⵜⵉⴷⴻⵜ ⵏ ⵍⵉⵙⵍⴰⵎ » ⵉ ⵢⵉⵍⴻⵎⵥⵉⵢⴻⵏ, ⵍⴰⴷⵖⴰ ⵉⵎⵉ « ⵜⵉⵔⴳⴰⵡⵉⵏ ⵜⵉⵔⴻⴱⵔⴰⴱⵉⵏ ⵍⴰ ⵄⴻⵔⵔⴹⴻⵏⵜ ⴰⴷ ⵛⴻⵎⵎⵜⴻⵏⵜ ⴰⵣⴰⵍⴻⵏ-ⴰ ».
