ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⵕⵓⴼⵜ: ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⵜⵓⴽⴽⵙⴰ ⵏ ⵍⵉⵙⵜⵉⵄⵎⴰⵕ
ⴱⵔⵓⵅⴻⵍⵍⴻⵙ – ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ), ⵖⴻⴼ ⵡⴰⴽⴽⴻⵏ ⴰⵢ ⵄⴰⵡⴷⴻⵏ ⵡⴻⴽⴽⴷⴻⵏ-ⴷ ⵢⵉⵎⴰⵣⵣⴰⵢⴻⵏ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴰⵢ ⵢⴻⵎⵍⴰⵍⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⵎⵏⵉ (ⴱⴰⵔⵍⴰⵎⴰⵏ) ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⴱⵔⵓⵅⴻⵍⵍⴻⵙ ⵉ ⵍⵎⴻⵏⴷ ⵏ ⵓⵙⴰⵔⴰⴳ ⵖⴻⴼ « ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵓⵇⴰⴷⴻⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ».
« ⵓⵍⴰ ⵎⴰ ⵎⴻⵕⵕⵓⴽ ⵜⴻⴱⵖⴰ ⴰⴷ ⵜⴻⵔⵔ ⵜⴰⵍⵓⴼⵜ-ⴰ ⴷ ⵜⴰⵎⵙⴰⵍⵜ ⵏ ⴱⴻⴹⴹⵓ ⵏ ⵜⵎⵓⵔⵜ, ⵜⴰⵎⵙⴰⵍⵜ-ⴰ ⵜⴱⴰⵏ ⴷ ⴰⴽⴽⴻⵏ ⴷ ⵜⵉⵏ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ. ⴰⵢⴰ ⵓⵔ ⵢⴻⵣⵎⵉⵔ ⴰⴷ ⵢⴻⵜⵜⵡⴰⵏⴽⴻⵕ », ⵖⴻⴼ ⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⴰⴽⴽ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ-ⴰ ⴰⵢ ⴷ-ⵢⴻⵍⵍⴰⵏ ⵙ ⵕⵕⴰⵢ ⵏ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵍⵇⴰⵏⵓⵏ ⵉ ⵍⵎⴻⵏⴷ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵍⴻⵎⵄⴰⵡⵏⴰ ⵏ ⵜⴻⴳⵔⴰⵡⵜ ⵜⴰⵣⴻⵍⵎⴰⴹⵜ ⴷ ⵜⴻⴳⵔⴰⵡⵜ ⵜⵓⵛⵔⵉⴽⵜ ⵉ ⵍⵎⴻⵏⴷ ⵉ ⵓⵏⴻⵥⵔⵓⴼ ⵓⵜⵔⵉⵎ ⵏ ⵓⵎⵏⵉ ⵓⵕⵓⴼⵉ.
« ⴰⵏⴻⵥⵔⵓⴼ ⵓⵜⵔⵉⵎ ⵡⴻⵔⴵⵉⵏ ⵢⴻⵍⵍⵉ ⴷⴷⴰⵡ ⵜⵏⴰⵢⴰ (ⵙⵉⵢⴰⴷⴰ) ⵜⴰⵎⴻⵕⵕⵓⴽⵉⵜ, ⴷⵖⴰ ⴷ ⴰⵡⴻⵣⵖⵉ ⴰⴷ ⵏⴻⵃⵙⴻⴱ ⴰⵢⴰ ⴷ ⵜⴰⵎⵙⴰⵍⵜ ⵏ ⴱⴻⴹⴹⵓ ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⴷ ⴰⴽⴽⴻⵏ ⴰⵏⴻⵥⵔⵓⴼ ⵓⵜⵔⵉⵎ ⴷ ⵢⵉⵡⴻⵏ ⵙⴻⴳ 17 ⵏ ⵢⵉⴽⴰⵍⴻⵏ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ) ⴰⵢⵢⴻⵙ ⵙⵜⴻⵄⵕⴼⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
« ⴰⵙⵙ-ⴰ, ⵜⵉⴼⵔⴰⵜ ⵜⴰⵡⵃⵉⴷⵜ ⵉ ⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵏⴻⵜⵜⴰⵜ ⴷ ⵜⵓⴽⵛⵉ ⵏ ⵓⵣⵔⴻⴼ ⵓⵔ ⵢⴻⵜⵜⵡⴰⵏⴽⴰⵕⴻⵏ ⵉ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵎⴰⴷ ⴰⵙⵒⴻⵏⵢⵓⵍⵉ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ, ⵔⴰⵓⵍ ⵔⵧⴷⵔⵉⴳⵓⴻⵣ ⵎⴰⴳⴷⴰⵍⵉⵏⵧ.
ⴷⴻⴳ ⵜⴻⵣⵡⴰⵔⴰ ⵏ ⵢⵉⵙⴻⴳⴳⴰⵙⴻⵏ ⵏ 1990, ⵎⴻⵕⵕⵓⴽ ⴷ ⵒⵧⵍⵉⵙⴰⵔⵉⵧ ⵇⵓⴷⵔⴻⵏⵜ ⴰⵃⴱⴰⵙ-ⵏⵙⴻⵏⵜ ⵏ ⵢⵉⵎⴻⵏⵖⵉ, ⵢⴻⵔⵏⴰ ⵜⴻⵜⵜⵡⴰⵙⵙⴻⴱⴷⴻⴷ-ⴷ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵜⴻⴳ ⵜⴰⵙⴻⴼⵔⴰⵏⵜ (ⵉⵙⵜⵉⴼⵜⴰ’) ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵎⴰⵛⴰ ⴰⵔ ⴰⵙⵙ-ⴰ ⵓⵔ ⵜⴻⵙⵙⴰⵡⴻⴹ ⴰⵔⴰ ⴰⴷ ⵜⴻⴳ ⴰⵢⴰ.
