ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴽⴰⵍ ⵏ ⵍⵍⵓⵣⵉⵏⴰⵜ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ ⴰⵔⴰ ⴰⴷ ⵢⴻⵜⵜⵡⴰⴽⴽⴻⵙ ⵉ ⵡⵉⴷ ⵓⵎⵉ ⵢⴻⵜⵜⵡⴰⴼⵔⴻⵇ

ⵄⵉⵏ ⴷⴷⴻⴼⵍⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⴰⴱⴷⴻⵙⵍⴰⵎ ⴱⵧⵓⵛⵀⵧⵓⴰⵔⴻⴱ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵄⵉⵏ ⴷⴷⴻⴼⵍⴰ, ⴷ ⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⴰⴷ ⴷ-ⵜⴻⵔⵔ 60% ⵙⴻⴳ ⵡⴰⴽⴰⵍ ⵏ ⵍⵍⵓⵣⵉⵏⴰⵜ ⴰⵢ ⵢⴻⵜⵜⵡⴰⴼⴻⵔⵇⴻⵏ ⵏⴰⵇⴰⵍ ⵉ ⵢⵉⵎⵙⴻⴼⵜⵉⵢⴻⵏ, ⵎⴰⵛⴰ ⵡⴻⵔⵄⴰⴷ ⵓⵔ ⵢⴻⵜⵜⵡⴰⵖⴻⵍⵍⴻⵜ ⴰⵔ ⴰⵙⵙ-ⴰ, ⵢⴻⵔⵏⴰ ⴰⴷ ⵉⵄⴰⵡⴻⴷ ⴰⴷ ⵢⴻⵜⵜⵡⴰⴼⵔⴻⵇ ⵡⴰⴽⴰⵍ-ⴰ ⵉ ⵢⵉⵎⵙⴻⴼⵜⵉⵢⴻⵏ ⵏⵉⴹⴻⵏ.

« 60% ⵙⴻⴳ ⵡⴰⴽⴰⵍ ⴰⵎⴳⵓⵔⴰⵏ (ⵚⵉⵏⴰⵄⵉ) ⴰⵢ ⵢⴻⴼⵔⴻⵇ ⵓⵡⴰⵏⴰⴽ ⵉ ⵢⵉⵎⴻⵙⴻⴼⵜⵉⵢⴻⵏ ⵢⴻⵔⵏⴰ ⵡⴻⵔⵄⴰⴷ ⵓⵔ ⵢⴻⵜⵜⵡⴰⵖⴻⵍⵍⴻⴷ, ⴰⴷ ⵜ-ⵉⴷ-ⵢⴻⵔⵔ ⵓⵡⴰⵏⴰⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵢⵉⵎⵙⴻⴼⵜⵉⵢⴻⵏ ⵏ ⵜⴻⵎⵏⴰⴹⵜ-ⴰ, ⴷⴻⴼⴼⵉⵔ ⵎⴰ ⵉⴼⵓⴽ ⵜⵉⵔⵣⵉ-ⵏⵏⴻⵙ ⵏ ⵓⵙⵙⴻⴼⵇⴻⴷ ⵏ ⵡⴰⵟⴰⵙ ⵏ ⵍⵍⵓⵣⵉⵏⴰⵜ ⴷⴻⴳ ⵜⵡⵉⵍⴰⵢⵜ-ⴰ.

ⴷⵖⴰ ⵙ ⵡⴰⵢⴰ ⴰⵢ ⴷ-ⵉⵅⴻⴱⴱⴻⵔ ⴷ ⴰⴽⴽⴻⵏ ⴰⵡⴰⵏⴰⴽ ⴰⵜⴰⵏ ⵍⴰ ⵉⵅⴻⴷⴷⴻⵎ ⴷ ⵢⵉⵡⴰⵍⵉⵢⴻⵏ ⴰⴽⴽⴻⵏ « ⴰⴷ ⴷ-ⵙⵙⴰⵍⵉⵏ ⵍⴻⵃⵙⴰⴱ ⵏ ⵜⵊⵓⵎⵎⴰ (ⵎⵉⵙⴰⵃⴰ) ⵏ ⵡⴰⴽⴰⵍ-ⴰ, ⴰⴽⴽⴻⵏ ⴰⴷ ⵜ-ⵉⴷ-ⵢⴻⵔⵔ ⵓⵡⴰⵏⴰⴽ ⵢⴻⵔⵏⴰ ⴰⴷ ⵢⴻⵜⵜⵡⴰⴼⵔⴻⵇ ⵉ ⵢⵉⵎⵙⴻⴼⵜⵉⵢⴻⵏ ⴰⵢ ⵢⴻⴱⵖⴰⵏ ⴰⴷ ⵙⴼⴻⵄⵍⴻⵏ ⵉⵙⴻⵏⴼⴰⵔⴻⵏ-ⵏⵙⴻⵏ ⵎⴰⵛⴰ ⵓⵔ ⴷ-ⵓⴼⵉⵏ ⴰⵔⴰ ⴰⴽⴰⵍ ⵉ ⵡⴰⵢⴰ ».

« ⵎⴰⵛⵉ ⴷ ⴰⵢⴻⵏ ⵢⴻⵜⵜⵡⴰⵇⴱⴰⵍⴻⵏ ⴰⴷ ⵢⴻⵇⵇⵉⵎ ⵡⴰⴽⴰⵍ 15 ⵏ ⵢⵉⵙⴻⴳⴳⴰⵙⴻⵏ ⵓⵔ ⵢⴻⵜⵜⵡⴰⵖⴻⵍⵍⴰⵜ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵍⵍⴰⵏ ⵎⴻⴷⴷⴻⵏ ⴰⵢ ⵢⴻⴱⵖⴰⵏ ⴰⴷ ⵜ-ⵖⴻⵍⵍⵜⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ ⴰⴷ ⵉⴼⴰⴽ ⵡⵓⴳⵓⵔ-ⴰ.

ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⵓⴳⵓⵔ ⵏ ⵍⴻⵅⵚⴰⵚ ⵏ ⵡⴰⴽⴰⵍ ⴰⵎⴳⵓⵔⴰⵏ ⴰⴷ ⵢⴻⴼⵔⵓ ⴷⴻⴳ 6 ⵏ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ », ⵙ ⵓⵇⴰⴷⴻⵔ ⵏ ⵍⵄⴰⵀⴻⴷ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⴰⵍⵍ, ⴰⵙⵎⵉ ⴰⵢ ⴷ-ⵉⴳⴰ ⵜⵉⵔⵣⵉ-ⵏⵏⴻⵙ ⵏ ⵓⵙⵙⴻⴼⵇⴻⴷ ⴷ ⵓⵅⴻⴷⴷⵉⵎ ⴷⴻⴳ ⵍⴻⴱⵍⵉⴷⴰ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⴷⴰⵖ ⵙ ⵓⴼⴰⴽⵉ ⵏ ⵍⴻⴱⵏⵉ ⵏ 18 ⵏ ⵜⴻⵎⵏⴰⴹⵉⵏ ⵜⵉⵎⴳⵓⵔⴰⵏⵉⵏ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016, ⴷ ⵜⵉⵎⵏⴰⴹⵉⵏ ⴰⴷ ⵢⴻⴹⴹⴼⴻⵏ 5000 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ.

ⵜⵉⵎⵏⴰⴹⵉⵏ-ⴰ ⴰⴷ ⵔⵏⵓⵏⵜ ⵖⴻⵔ 31 ⵏ ⵜⴻⵎⵏⴰⴹⵉⵏ ⵜⵉⵎⴳⵓⵔⴰⵏⵉⵏ ⴰⵢ ⵢⴻⵍⵍⴰⵏ ⵢⴰⴳⵉ ⵢⴻⵔⵏⴰ ⴹⴹⴼⴻⵏⵜ ⴰⵊⴻⵎⵎⴰⵍ ⵏ 8000 ⵏ ⵢⵉⵇⴻⵟⵟⴰⵔⴻⵏ.