ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵄⵕⴰⴱⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ: ⴳⵙ ⵒⴻⵜⵔⵧⵍⵉⴻⵔⵙ ⵜⴻⵔⵏⴰ ⵙⵀⴰⴱⴰⴱ ⵏ ⵍⵉⵎⴰⵕⴰⵜ

ⴷⵓⴱⴰⵉ – ⵜⵄⴻⴷⴷⴰ ⵜⴻⵖⵍⴰⵎⵜ ⵏ ⴳⵙ ⵒⴻⵜⵔⵧⵍⵉⴻⵔⵙ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵏ ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵜⴻⵖⵍⴰⵎⵉⵏ ⵜⵉⵍⵖⵓⵖⵉⵏ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ (ⵉⵔⴳⴰⵣⴻⵏ) ⴷⴻⴼⴼⵉⵔ ⵎⴰ ⵜⴻⵔⵏⴰ ⵜⴰⵅⵚⵉⵎⵜ-ⵏⵏⴻⵙ ⵏ ⵍⵉⵎⴰⵕⴰⵜ, ⵙⵀⴰⴱⴰⴱ, ⵙ 88 ⵖⴻⵔ 83, ⴷⴻⴳ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⴷⵓⴱⴰⵉ.

ⵏⴰⵇⴰⵍ, ⴷⴻⴳ ⵜⴻⵣⵡⴰⵔⴰ ⵏ ⵜⴻⵎⵍⵉⵍⵉⵜ, ⴷ ⵙⵀⴰⴱⴰⴱ ⴰⵢ ⵢⴻⵔⵏⴰⵏ ⵉⴷⵣⴰⵢⵔⵉⵢⴻⵏ ⵙ 7 ⵏ ⵜⴻⵏⵇⵉⴹⵉⵏ (12-5) ⴷⴻⴳ 5 ⵏ ⵜⴻⴷⵇⵉⵇⵉⵏ ⵜⵉⵎⴻⵣⵡⵓⵔⴰ, ⵎⴰⵛⴰ ⵙⵙⴰⵡⴹⴻⵏ ⵢⵉⴷⵣⴰⵢⵔⵉⵢⴻⵏ ⴰⴷ ⴷ-ⵔⴻⴼⴷⴻⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⴰⴳⵎⵓⴹ ⵖⴻⵔ 20-20, ⵓⵇⴱⴻⵍ ⵎⴰ ⵅⴻⵜⵎⴻⵏ ⵜⵉⵙ 4-ⵏⵏⵉ ⵏ ⵡⴰⴽⵓⴷ ⵙ 27 ⵉ ⴳⵙ ⵒⴻⵜⵔⵧⵍⵉⴻⵔⵙ ⵖⴻⵔ 22 ⵉ ⵙⵀⴰⴱⴰⴱ.

ⴷⴻⴳ ⵜⵉⵙ-ⴽⵓⵥⴻⵜ-ⵏⵏⵉ ⵜⵉⵙ ⵙⵏⴰⵜ, ⵙⵙⴰⵡⴹⴻⵏ ⵢⵉⵎⴰⵔⵉⵔⴻⵏ ⵏ ⴳⵙ ⵒⴻⵜⵔⵧⵍⵉⴻⵔⵙ ⴰⴷ ⴷ-ⴳⴻⵏ ⴰⴳⵎⵓⴹ ⵏ 52 ⵖⴻⵔ 43.

ⴷⴻⴳ ⵜⵉⵙ-ⴽⵓⵥⴻⵜ ⵜⵉⵙ 3, ⵢⴻⵍⵍⴰ-ⴷ ⵍⴻⵅⵚⴰⵚ ⴷⴻⴳ ⵜⴻⵎⵃⴰⴷⴷⵉⵜ ⵏ ⴳⵙ ⵒⴻⵜⵔⵧⵍⵉⴻⵔⵙ ⴰⵎ ⵡⴰⴽⴽⴻⵏ ⴰⵢ ⵙⵕⵓⵃⴻⵏ ⵜⴰⵛⵉⵔⵜ ⴰⵛⵃⴰⵍ ⴷ ⵜⵉⴽⴽⴻⵍⵜ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵎⴰⵔⵉⵔⴻⵏ ⵉⵎⴰⵕⴰⵜⵉⵢⴻⵏ ⴰⴷ ⵔⴻⴱⵃⴻⵏ ⴰⵃⵔⵉⵛ-ⴰ ⵙ 67 ⵖⴻⵔ 66.

ⵎⴰⵛⴰ, ⴷⴻⴳ ⵜⵉⵙ-ⴽⵓⵥⴻⵜ ⵜⵉⵙ 4, ⵓⵖⴰⵍⴻⵏ-ⴷ ⵢⵉⴷⵣⴰⵢⵔⵉⵢⴻⵏ ⵏ ⴳⵙ ⵒⴻⵜⵔⵧⵍⵉⴻⵔⵙ ⵖⴻⵔ ⵓⵏⵔⴰⵔ ⵙ ⵡⵓⵔⴰⵔ ⴰⴷⴰⵅⵍⵉ ⵢⴻⵔⵏⴰ ⵙ ⵜⴻⵎⵃⴰⴷⴷⵉⵜ ⵜⴰⵡⴻⵄⵕⴰⵏⵜ, ⴷⵖⴰ ⴷ ⴰⵢⴰ ⴰⵢ ⵜⴻⵏ-ⵢⴻⴵⴵⴰⵏ ⴰⴷ ⴼⴰⴽⴻⵏ ⵜⵉⵎⵍⵉⵍⵉⵜ ⵙ 88 ⵖⴻⵔ 83.

ⵙ ⵡⴰⵢⴰ, ⵜⴻⵙⵙⴰⵡⴻⴹ ⴳⵙ ⵒⴻⵜⵔⵧⵍⵉⴻⵔⵙ ⴰⴷ ⵜⵄⴻⴷⴷⵉ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴰⵏⴷⴰ ⴰⴷ ⵜⵇⴰⴱⴻⵍ ⵜⴰⵖⵍⴰⵎⵜ ⴰⴷ ⵉⵔⴻⴱⵃⴻⵏ ⴷⴻⴳ ⵜⴻⵎⵍⵉⵍⵉⵜ ⵜⴰⵏⴻⴳⴳⴰⵔⵓⵜ ⵏ ⵜⵉⵙ 4 ⵏ ⵜⵏⴻⴳⴳⴰⵔⵓⵜ, ⴷⵖⴰ ⵜⴻⵣⵎⴻⵔ ⴰⴷ ⵜⵉⵍⵉ ⵢⴰ ⴷ ⵜⴰⵖⵍⴰⵎⵜ ⵏ ⴰⵍ ⵔⴰⵢⴰⵏ ⵏⴻⵖ ⴷ ⵜⵉⵏ ⵏ ⴰⵍ ⵊⴰⵉⵙⵀ (ⴷⴻⴳ ⵙⵏⴰⵜ ⵢⵉⴷ-ⵙⴻⵏⵜ ⵙⴻⴳ ⵇⴰⵟⴰⵔ).

ⵉⴳⵎⴰⴹ ⵏ ⵜⵉⵙ 4 ⵏ ⵜⵏⴻⴳⴳⴰⵔⵓⵜ:

ⴰⵍ ⴰⵀⵍⵢ ⵏ ⵟⵔⴰⴱⵍⴻⵙ (ⵍⵉⴱⵢⴰ) - ⵉⵜⵔⵉ ⵏ ⵙⵙⴰⵃⴻⵍ (ⵜⵓⵏⴻⵙ) 76-88

ⵙⵀⴰⴱⴰⴱ (ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ) - ⴳⵙ ⵒⴻⵜⵔⵧⵍⵉⴻⵔⵙ (ⵍⴻⵣⵣⴰⵓⴻⵔ) 83-88

ⵓⵙ ⵎⵓⵏⴰⵙⵜⵉⵔ (ⵜⵓⵏⴻⵙ) – ⵜⴰⵎⵙⵓⵍⵜⴰ [ⵛⵓⵔⵟⴰ] (ⵄⵉⵔⴰⵇ) 76-74

ⴰⵍ ⵔⴰⵢⴰⵏ (ⵇⴰⵟⴰⵔ) - ⴰⵍ ⵊⴰⵉⵙⵀ (ⵇⴰⵟⴰⵔ) ⵡⴻⵔⵄⴰⴷ

ⴰⵀⵉⵍ ⵏ ⵜⴻⵎⵍⵉⵍⵉⵢⵉⵏ ⵏ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ (ⵍⵊⴻⵎⵄⴰ – ⴰⴽⵓⴷ ⵏ ⵍⴻⵣⵣⴰⵓⴻⵔ):

4ⵙ00 ⵏ ⵜⵎⴻⴷⴷⵉⵜ: ⵉⵜⵔⵉ ⵏ ⵙⵙⴰⵃⴻⵍ (ⵜⵓⵏⴻⵙ) - ⵓⵙ ⵎⵓⵏⴰⵙⵜⵉⵔ (ⵜⵓⵏⴻⵙ)

4ⵙ00 : ⴳⵙ ⵒⴻⵜⵔⵧⵍⵉⴻⵔⵙ (ⵍⴻⵣⵣⴰⵓⴻⵔ) – ⵜⵉⵏ ⴰⴷ ⵉⵔⴻⴱⵃⴻⵏ (ⴰⵍ ⵔⴰⵢⴰ ⵏⴻⵖ ⴰⵍ ⵊⴰⵉⵙⵀ).