ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⴻⴱⴳⴻⵙ ⴰⴽⴽⴻⵏ ⵉⵡⴰⵜⴰ ⵉ ⵓⵙⴷⵉⵍⴻⵖ ⵏ ⵢⴻⵍⵎⴻⵥⵢⴻⵏ ⵏ ⵜⴻⴼⵔⵉⵇⵜ
ⵍⴻⵣⵣⴰⵢⴻⵔ- ⴰⵙⴻⵍⵡⴰⵢ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ (ⴰⵒⵏ) ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⴼⴽⴰ ⴰⴼⵓⴷ ⴰⴽⴽⴻⵏ ⵉⵍⴰⵇ, ⵙⴻⴳ ⵜⵉⵎⵎⵓⵏⴻⵏⵜ ⴰⵔ ⴰⵙⵙ-ⴰ, ⴷⴻⴳ ⵓⵙⵉⵍⴻⵖ ⵏ ⵢⴻⵍⵎⴻⵥⵢⴻⵏ ⵏ ⵜⴻⴼⵔⵉⵇⵜ ⴷⴻⴳ ⵢⴻⵃⵔⵉⵛⴻⵏ ⵢⴻⵎⵅⴰⵍⵍⴰⴼⴻⵏ.
"ⵍⴻⵣⵣⴰⵢⴻⵔ, ⵜⴻⵣⴳⴰ ⵜⴻⵜⵜⴰⴽ ⴰⴼⵓⴷ ⵙⴻⴳ ⵜⵉⵎⵎⵓⵏⴻⵏⵜ ⴰⵔ ⴰⵙⵙ-ⴰ ⴷⴻⴳ ⵓⵙⵉⵍⴻⵖ ⵏ ⵉⴳⵉⵎⴰⵏ ⵏ ⵢⴻⵍⵎⴻⵥⵢⴻⵏ ⵉⴼⵔⵉⵇⵉⵢⴻⵏ ⴷⴻⴳ ⵢⴻⵃⵔⵉⵛⴻⵏ ⵢⴻⵎⵅⴰⵍⵍⴰⴼⴻⵏ", ⵉⴷ-ⵢⴻⵏⵏⴰ ⵎⴰⵙ ⵧⵓⵍⴷ ⴽⵀⴻⵍⵉⴼⴰ ⵍⴰⵡⴰⵏ ⵏ ⵡⴰⵙⵙ ⴰⴱⴻⵔⵍⴰⵎⴰⵏⵉ ⵢⴻⵔⵣⴰⵏ ⵉⵍⵎⴻⵥⵢⴻⵏ ⵏ ⵜⴻⴼⵔⵉⵇⵜ ⴷⴻⴳ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵒⵏ.
ⴰⵙⴻⵍⵡⴰⵢ ⵓⵙⴻⵇⵇⴰⵎⵓ ⵢⴻⵏⵏⴰ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⴰⴽⴽⴻⵏ ⴰⴷ ⵜⴻⵔⵔ ⴰⵎⵜⴰⵡⵉ ⴷ ⵜⴻⵍⵡⵉⵜ ⴷ ⵓⵙⵓ ⵓⵏⴻⴳⵎⵓ ⵍⴰⴷⵖⴰ ⵎⵉ ⴷ-ⵢⴻⵎⵎⴻⵙⵍⴰⵢ ⵖⴻⴼ ⵡⴻⴽⵔⴰⵡⴰⵍ ⵏ ⵜⴻⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ ⵉ ⵢⴻⵅⴷⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
ⵢⴻⵙⵎⴻⴽⵜⴰ-ⴷ ⴱⴻⵍⵍⵉ ⵍⴰⵡⴰⵏ ⵏ ⵡⴻⵎⴳⴰⵔⵓ ⵉ ⵡⴻⵙⵍⴻⵍⵍⵓⵍⵉ ⴰⵖⴻⵍⵏⴰⵡ ⴰⵔⵎⵉ ⴷ ⵜⵉⵎⵎⵓⵏⴻⵏⵜ ⵍⴻⵣⵣⴰⵢⴻⵔ ⵜⴻⵣⴳⴰ ⵜⴱⴻⴷⴷ ⵖⴻⵔ ⵢⵉⴷⵉⵙ ⵉⵎⵓⵙⵙⵓⵜⴻⵏ ⵢⴻⵜⵜⵖⴰⵖⴻⵏ ⵖⴻⴼ ⵡⴻⵙⵍⴻⵍⵍⵓⵍⵉ ⵎⴻⴱⵍⴰ ⵎⴰ ⵜⴻⴳⵔ ⵉⵎⴰⵏ-ⵉⵙ ⴷⵉ ⵍⴻⵛⵖⴰⵍ ⵉⴷⴰⵅⵍⵉⵢⴻⵏ ⵏ ⵜⵎⵓⵔⴰ-ⵢⴰⴳⵉ.
