ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⴱⴷⵓⵏ 2500 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴷⴻⴳ 2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ, ⴰⵎⴰⵔ ⴳⵀⵧⵓⵍ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⴰⴷ ⴱⴷⵓⵏ 2500 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴷⴻⴳ 2016 ⴰⴽⴽⴻⵏ ⴰⴷ ⵢⵉⵍⵉ ⵓⵎⵏⴻⴽⵏⵉ (ⵜⴰⵡⴰⵣⵓⵏ) ⴳⴰⵔ ⵓⵙⵙⵓⵜⴻⵔ ⴷ ⵜⵓⴽⵛⵉ ⴷⴻⴳ ⵓⵃⵔⵉⵛ-ⴰ.

ⴰⵢⴰ ⵢⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ « ⵡⴰⵀⵉⵍ ⴰⵎⴰⵢⵏⵓ ⵏ ⵓⵙⵎⴰⵍ (ⵜⴰⵔⵇⵉⵢⴰ) ⵏ ⵍⴱⴻⵏⵢⴰⵏⴰⵜ ⴷ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ, ⵖⴻⵔ ⵢⵉⴷⵉⵙ ⵏ ⵓⴹⵎⴰⵏ ⵏ ⵓⵀⴻⵢⵢⵉ ⵏ 500.000 ⵏ ⵡⵓⵙⵓⵜⴻⵏ ⵙ ⵍⴱⴻⵄ ⴰⵍⴻⵎⵎⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴰⵔⴰⴳ ⴰⵖⴻⵍⵏⴰⵡ ⵏ ⵜⵏⴻⴳⴳⵉⵡⵉⵏ ⵏ ⵓⵙⵙⵉⴽⴻⵍ (ⵡⴰⴽⴰⵍⴰⵜ ⴰⵙ-ⵙⴰⴼⴰⵔ).

ⴷⵖⴰ ⵢⴻⴱⴷⴻⵔ-ⴷ ⵓⵏⴻⵖⵍⴰⴼ 1000 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴰⵙⴻⴳⴳⴰⵙ-ⴰ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⴳⴰⵔ-ⴰⵙⴻⵏ ⵉⵙⴻⵏⵙⴰ (ⴼⴰⵏⴰⴷⵉⵇ), ⵉⵙⵓⴷⴷⵉⵙⴻⵏ, ⵜⴰⵍⵍⵓⵏⵉⵏ ⴷ ⵜⵓⴷⴷⴰⵔ ⵏ ⵜⵎⴻⵔⵔⵉⵜ, ⵢⴻⵔⵏⴰ ⵉⵙⴻⵏⴼⴰⵔⴻⵏ-ⴰ ⴰⴷ ⴷ-ⵙⵡⴻⵊⴷⴻⵏ ⵙ ⵓⵊⴻⵎⵎⴰⵍ 120.000 ⵏ ⵡⵓⵙⵓⵜⴻⵏ ⵙⴻⴳ-ⴰ ⵖⴻⵔ 2017.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔ-ⴷ ⵓⵏⴻⵖⵍⴰⴼ ⵜⵉⵖⵔⵉ ⵉ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴳⴰⵔ ⵢⵉⵃⵔⵉⵛⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵏⵔⴰⵔ-ⴰ ⴰⴽⴽⴻⵏ ⴰⴷ ⴷ-ⵙⴷⵓⵇⵇⵙⴻⵏ ⵜⴰⵎⴻⵔⵔⵉⵜ ⵙ ⵍⴵⴻⵀⴷ, ⵍⴰⴷⵖⴰ ⵉⵎⵉ ⴰⵃⵔⵉⵛ-ⴰ ⵢⴻⵣⵎⴻⵔ ⴰⴷ ⵢⴻⵜⵜⴻⴽⴽⵉ ⵎⵍⵉⵃ ⴷⴻⴳ ⵍⴻⴱⵏⵉ ⵏ ⵜⴷⴰⵎⵙⴰ ⵉⴵⴻⵀⴷⴻⵏ ⴱⴻⵕⵕⴰ ⵉ ⵓⵒⵉⵜⵕⵓⵍ.

ⴰⴽⴽⴻⵏ ⴰⴷ ⵢⵉⵍⵉ ⵓⵎⵏⴻⴽⵏⵉ ⴳⴰⵔ ⵓⵙⵙⵓⵜⴻⵔ ⴷ ⵜⵓⴽⵛⵉ, ⵢⴻⵏⵏⴰ-ⴷ ⵎⴰⵙⵙ ⴳⵀⵧⵓⵍ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⴱⵏⵓⵏⵜ ⵓⴳⴰⵔ ⵏ ⵜⴻⵎⵚⵓⴽⵉⵡⵉⵏ (ⵀⴰⵢⴰⴽⵉⵍ), ⵎⴰⵛⴰ ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵇⴰⴷⴻⵔ ⵏ ⵚⵚⵉⴼⴰⵜ ⵏ ⵜⵎⴻⵜⵜⵉ ⵜⴰⴷⵣⴰⵢⵔⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⴰⵃⵔⵉⵛ-ⴰ ⵢⴻⵃⵡⴰⴵ ⵉⵎⵉⵔ-ⴰ 100 ⵏ ⵢⵉⵙⴻⵏⵙⴰ ⵏ 5 ⵏ ⵢⵉⵜⵔⴰⵏ ⴷ 2000 ⵏ ⵢⵉⵙⴻⵏⵙⴰ ⵏ 1 ⴷ 2 ⵏ ⵢⵉⵜⵔⴰⵏ.