ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴻⵙⴳⵉⴷⴰ ⵏ ⵒⴰⵔⵉⵙ ⵜⴳⴻⵔ-ⴷ ⵜⵉⵖⵔⵉ ⵏ ⵢⵉⵏⵙⴻⵍⵎⴻⵏ ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⵓⵔⴼⴰⵏ-ⵏⵙⴻⵏ
ⵒⴰⵔⵉⵙ – ⵜⴳⴻⵔ-ⴷ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ ⵜⵉⵖⵔⵉ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ), ⵉ ⵢⵉⵏⵙⴻⵍⵎⴻⵏ ⵏ ⴼⵕⴰⵏⵙⴰ ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⵓⵔⴼⴰⵏ-ⵏⵙⴻⵏ « ⵉⵍⵇⴰⵢⴰⵏⴻⵏ » ⵖⴻⴼ « ⵜⵉⵡⵡⴻⵃⵛⵉⵜ »-ⵏⵏⵉ ⵏ ⵜⵅⴰⵣⵣⴰⴱⵉⵢⵉⵏ ⵏ ⵡⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ.
« ⵜⴳⴻⵔ-ⴷ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ ⵜⵉⵖⵔⵉ ⵉ ⵡⴰⴽⴽ ⵉⵏⵙⴻⵍⵎⴻⵏ ⵏ ⴼⵕⴰⵏⵙⴰ ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ, ⴷⴻⴳ ⵡⴰⴽⴽ ⵜⵉⵍⴻⵎⵎⵉⵥⵉⵏ ⴷ ⵜⴻⴳⵏⴰⵜⵉⵏ ⴰⴷ ⵜⴻⵏ-ⵉⴷ-ⵉⵚⴰⵃⴻⵏ, ⵓⵔⴼⴰⵏ-ⵏⵙⴻⵏ ⵉⵍⵇⴰⵢⴰⵏⴻⵏ ⵎⴳⴰⵍ ⵜⵉⵡⵡⴻⵃⵛⵉⵜ ⵓⵔ ⵢⴻⵙⵄⵉⵏ ⵕⵕⴻⵃⵎⴰ ⵏ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵢⴻⵙⵙⴰⵣⵣⵍⴻⵏ ⵉⴷⴰⵎⵎⴻⵏ ⴰⵙⵙ ⵏ ⵍⵊⴻⵎⵄⴰ 13 ⵏⵡⴻⵎⴱⴻⵕ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⴰⵢ ⵢⴻⵙⵜⴻⵏⵢⴰ ⵢⵉⵎⴹⴻⴱⴱⵔⴻⵏ ⵏ ⵜⵎⴻⵙⴳⵉⴷⴰ-ⴰ, ⴷⴰⵍⵉⵍ ⴱⵧⵓⴱⴰⴽⴻⵓⵔ.
ⵜⴳⴻⵔ-ⴷ ⴷⴰⵖ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ ⵜⵉⵖⵔⵉ ⵉ ⵢⵉⵏⵙⴻⵍⵎⴻⵏ ⵏ ⴼⵕⴰⵏⵙⴰ ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⵜⴰⵎⵙⴻⵜⵍⴻⵍⵜ-ⵏⵙⴻⵏ (ⵜⴰⴹⴰⵎⵓⵏ) ⴷ ⵜⵡⴰⵛⵓⵍⵉⵏ ⵏ ⵡⵉⴷ ⵢⴻⵎⵎⵓⵜⴻⵏ ⴷ ⵡⵉⴷ ⵢⴻⵏⴹⴻⵔⵔⴻⵏ, « ⴰⴷ ⵜⴻⵏ-ⵄⴻⵣⵣⵉⵏ, ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ-ⵏⵙⴻⵏ ⵢⴻⵔⵏⴰ ⴰⴷ ⴰⵙⴻⵏ-ⴷ-ⵙⵙⴻⴽⵏⴻⵏ ⵜⴰⴳⵎⴰⵜ-ⵏⵙⴻⵏ ⴷⴻⴳ ⵜⴻⵙⵡⵉⵄⵜ-ⴰ ⵜⴰⵡⴻⵄⵕⴰⵏⵜ ⴰⵢⴷⴻⴳ ⵍⵍⴰⵏ ».
ⵙⴷⴰⵜ « ⵜⵉⵡⵡⴻⵃⵛⵉⵜ ⵏ ⵜⵅⴰⵣⵣⴰⴱⵉⵢⵉⵏ-ⴰ ⵜⵉⵎⴻⵍⵖⵓⵏⵉⵏ (ⴵⴰⴱⴰⵏⴰ) » ⴰⵢ ⵢⴻⵙⵃⴻⵣⵏⴻⵏ ⴼⵕⴰⵏⵙⴰ, ⵜⴰⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ « ⵜⴻⵙⵙⴻⵏⴼⴰⵍⴰⵢ-ⴷ (ⵜⵓⵄⴰⴱⴱⵉⵔⵓ) ⵓⵔⴼⴰⵏ ⴷ ⵓⵖⴰⵏⴼⵓ ⴰⵢ ⵖⵓⵏⴼⴰⵏ ⵢⵉⵏⵙⴻⵍⵎⴻⵏ ⵏ ⴼⵕⴰⵏⵙⴰ ⵜⴰⵖⴰⵡⵙⴰ-ⴰ ⵜⵓⵔⵅⵉⵙⵜ ⴰⵢ ⴳⴰⵏ ⵢⵉⵔⴻⴱⵔⴰⴱⴻⵏ ⵉ ⴷⴷⵉⵏ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⴰ.
ⴰⴷ ⴷ-ⵜⵉⵍⵉ ⵜⴻⵊⵎⵉⵍⵜ ⴷ ⴷⴷⴻⵄⵡⴰ ⵉ ⵡⵉⴷ ⵢⴻⵏⴹⴻⵔⵔⴻⵏ ⵙⴻⴳ ⵜⵅⴰⵣⵣⴰⴱⵉⵢⵉⵏ-ⴰ ⴰⵙⵙ ⵏ ⵍⵊⴻⵎⵄⴰ-ⴰ ⴷⴻⴳ ⵜⵎⴻⵙⴳⵉⴷⴰ-ⵏⵏⵉ.
