ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴻⵔⵏⴰ ⵜⴰⵏⵣⴰⵏⵢⴰ ⵙ 7 ⵖⴻⵔ 0

ⵍⴻⴱⵍⵉⴷⴰ (ⵍⴻⵣⵣⴰⵢⴻⵔ) – ⵜⴻⵔⵏⴰ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⵖⵍⴰⵎⵜ ⵏ ⵜⴰⵏⵣⴰⵏⵢⴰ ⵙ 7 ⵖⴻⵔ 0 (ⴰⵣⴳⴻⵏ ⵏ ⵡⴰⴽⵓⴷ ⵉⴼⵓⴽ ⵙ 3 ⵖⴻⵔ 0) ⴷⴻⴳ ⵜⴻⵎⵍⵉⵍⵉⵜ ⵏ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⴻⴳ ⵍⴻⴱⵍⵉⴷⴰ. ⴷⵖⴰ ⴷ ⴰⵢⴰ ⴰⴷ ⵢⴻⴵⴵⴻⵏ ⵍⴻⵣⵣⴰⵢⴻⵔ ⴰⴷ ⵜⵄⴻⴷⴷⵉ ⵖⴻⵔ ⵜⵓⵣⵣⵢⴰ ⵜⵉⵙ 3 ⵢⴻⵔⵏⴰ ⴷ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ ⵉ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018.

ⵉⵙⵡⴰⵏ ⵏ ⵜⴻⵎⵍⵉⵍⵉⵜ-ⴰ ⵙⵙⴰⴷⴼⴻⵏ-ⵜⴻⵏ ⴱⵔⴰⵀⵉⵎⵉ (1), ⴳⵀⵧⵓⵍⴰⵎ (ⵜⴰⴷⵇⵉⵇⵜ ⵜⵉⵙ 23 ⴷ ⵜⵉⵙ 59), ⵎⴰⵀⵔⴻⵣ (43), ⵙⵍⵉⵎⴰⵏⵉ (49 ⴷ 75) ⴷ ⵎⴻⴷⵊⴰⵏⵉ (72). ⴷⴻⴳ ⵜⴻⵎⵍⵉⵍⵉⵜ ⵏ ⵜⵡⴰⴷⴷⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⴷⴰⵔ ⴻⵙ-ⵙⴰⵍⴰⵎ (ⵜⴰⵏⵣⴰⵏⵢⴰ), ⵍⴻⵣⵣⴰⵢⴻⵔ ⴷ ⵜⴰⵏⵣⴰⵏⵢⴰ ⵎⵙⴻⴼⵔⴰⵇⴻⵏⵜ ⵙ 2 ⵖⴻⵔ 2.