ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴽⴽ ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⵔⴻⴽⴹⴻⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ

ⴳⴻⵏⴻⵠⴻ – ⴰⴽⴽ ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴷⴻⴳ ⵜⴰⵍⵓⴼⵜ ⵏ ⵍⵉⴱⵢⴰ ⵔⴻⴽⴹⴻⵏ ⴰⵙⴰⴹⵓⴼ ⴰⴳⵔⴰⵖⵍⴰⵏ ⴰⵍⵙⴰⵏ (ⵉⵏⵙⴰⵏⵉ), ⵢⴻⵔⵏⴰ ⴽⵔⴰ ⵙⴻⴳ ⵢⵉⵔⴽⴰⴹⴻⵏ-ⴰ ⵣⴻⵎⵔⴻⵏ ⴰⴷ ⵜⵜⵡⴰⵃⴻⵙⴱⴻⵏ ⴷ ⵜⵉⵊⵔⵉⵎⵉⵏ ⵏ ⵟⵟⵔⴰⴷ ⵢⴻⵔⵏⴰ ⴷ ⵉⵔⴽⴰⴹⴻⵏ ⵉⵎⴻⵇⵔⴰⵏⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵕⴰⴱⵓⵍ ⴰⵎⴰⵢⵏⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴻⵜⵏⵉⵢⴻⵏ.

« ⵎⴰⵣⴰⵍ ⵍⵉⴱⵢⴰ ⴷⴻⴳ ⵛⵛⵡⴰⵍ ⴰⵙⴻⵔⵜⵉ ⴷ ⴰⵎⴻⵇⵔⴰⵏ ⴷ ⵢⵉⵎⴻⵏⵖⵉ, ⵢⴻⵔⵏⴰ ⵜⴻⵏⴽⴻⵔ ⴷⴻⴳ-ⵙ ⵜⵎⴻⵙ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ, ⴷⵖⴰ ⴷ ⴰⵢⴰ ⴰⵢ ⵍⴰ ⵉⵔⴻⵏⵏⵓⵏ ⵢⴻⵜⵜⴻⴽⴽⴰⵢ ⴷⴻⴳ ⵓⵅⵚⴰⵔ ⵏ ⵜⴻⴳⵏⵉⵜ ⴷⴻⴳ ⵜⵎⵓⵔⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵕⴰⴱⵓⵍ-ⴰ ⴰⵢ ⴷ-ⵢⴻⴼⴼⵖⴻⵏ ⵙ ⵓⵎⵄⴰⵡⴻⵏ ⴷ ⵜⵓⵖⴷⴰⴹⵜ ⵏ ⵓⴷⵀⴰⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ (ⵎⴰⵏⵓⵍ) ⴷ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ. ⴰⵕⴰⴱⵓⵍ-ⴰ ⵉⵃⵓⵣⴰ-ⴷ ⵜⴰⵍⵍⵉⵜ ⵏ 1 ⵢⴻⵏⵏⴰⵢⴻⵔ ⵖⴻⵔ 31 ⵜⵓⴱⴻⵕ 2015.

ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵍⵉⴱⵢⴰ, « ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⵓⵔ ⴷ-ⵛⵍⵉⴳⴻⵏ ⴰⵔⴰ ⵙⴻⴳ ⵓⵃⴰⴷⴻⵔ ⵏ ⵜⵎⴻⴷⴷⵓⵔⵉⵏ ⵏ ⵢⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⴷ ⵡⴰⵢⵍⴰ-ⵏⵙⴻⵏ ». ⵉⵎⴻⵏⵖⵉ ⵢⴻⴳⵍⴰ ⵙ ⵜⵡⵉⵏⴰⵙ (ⵎⵉ’ⴰⵜ) ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵢⴻⵙⵙⴻⵔⵡⴻⵍ ⴰⵟⴰⵙ ⵏⵉⴹⴻⵏ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴳⵍⴰ ⵡⴰⵢⴰ ⵙ ⵍⴰⵥ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵕⴰⴱⵓⵍ-ⴰ.

ⵙⴷⴰⵜ « ⵓⵅⵚⴰⵔ-ⴰ ⵏ ⵜⴻⴳⵏⵉⵜ ⴷⴻⴳ ⵜⵎⵓⵔⵜ, ⴰⵖⴻⵍⵍⵓⵢ ⵏ ⵓⵙⴰⴹⵓⴼ ⴷ ⵢⵉⵎⴻⵏⵖⵉ ⴰⴷⴰⵅⵍⵉ » ⴳⴰⵔ ⵢⵉⵍⵉⴱⵉⵢⴻⵏ, ⵜⵉⴳⵔⴰⵡⵉⵏ ⴰⵢ « ⵢⴻⴷⴷⴰⵏ » ⴷ ⵜⴻⴳⵔⴰⵡⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » « ⴹⴹⴼⴻⵏⵜ ⵢⴻⵔⵏⴰ ⵙⴵⴻⵀⴷⴻⵏⵜ ⵉⵎⵓⴽⴰⵏ-ⵏⵙⴻⵏⵜ ⴷⴻⴳ ⵍⵉⴱⵢⴰ, ⵍⴰ ⵔⴻⴽⴽⴹⴻⵏⵜ ⴰⵔⴽⴰⴹ ⴷ ⵓⴼⴹⵉⵃ ⵉⵣⴻⵔⴼⴰⵏ ⵏ ⵎⴻⴷⴷⴻⵏ ⵙ ⵜⵎⴻⵏⵖⵉⵡⵜ ⵏ ⵎⴻⴷⴷⴻⵏ ⵙⴷⴰⵜ ⵓⴳⴷⵓⴷ ⵡⴰⵔ ⵎⴰ ⵄⴻⴷⴷⴰⵏ ⴷⴻⴳ ⵛⵛⵕⴻⵄ ⵖⴻⴼ ⵙⵙⴻⴱⴱⴰⵜ ⵢⴻⵇⵇⵏⴻⵏ ⵖⴻⵔ ⴷⴷⵉⵏ ⵏⴻⵖ ⵖⴻⴼ ⵍⴵⴰⵍ ⵏ ⵜⵉⴷⴷⵉⵜ-ⵏⵙⴻⵏ ⴷ ⴽⵔⴰ ⵏ ⵢⵉⴷⵉⵙ ⴰⵙⴻⵔⵜⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵕⴰⴱⵓⵍ-ⴰ.

ⴰⵕⴰⴱⵓⵍ-ⴰ ⵢⴻⴱⴷⴻⵔ-ⴷ ⴷⴰⵖ ⴰⵢⴻⵏ ⴰⵢⴻⵏ ⴰⵢ ⵍⴰ ⵉⴹⴻⵔⵔⵓⵏ ⵉ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ), ⵉⵎⵙⵓⵜⵔⴻⵏ ⵏ ⵓⵔⴰⵣⵓⵖ (ⵍⵓⴵⵓ’) ⴷ ⵢⵉⵎⵉⵏⵉⴳⴻⵏ, ⵍⴰⴷⵖⴰ ⵡⵉⴷ ⴰⵢ ⴷ-ⵢⴻⵜⵜⴰⵙⴻⵏ ⵙⴻⴳ ⵜⵎⵓⵔⴰ ⵏ ⵜⴻⴼⵔⵉⵇⵜ ⵏ ⴷⴷⴰⵡ ⵓⵏⴻⵥⵔⵓⴼ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵎⴷⴰⵏⴻⵏ-ⴰ ⴰⴽⴽ « ⵙⵉⵎⴰⵍ ⵍⴰ ⵜⴻⵏ-ⵜⵜⵃⴰⴽⴰⵕⴻⵏ ⵙ ⵜⵎⴻⵏⵖⵉⵡⵜ ⵏⴻⵖ ⵜⵜⵡⴰⵃⴱⴰⵙⴻⵏ ⴷⴻⴳ ⵜⴻⴳⵏⴰⵜⵉⵏ ⵜⵉⵡⴻⵄⵕⴰⵏⵉⵏ, ⵜⵜⵡⴰⵄⴻⵜⵜⴰⴱⴻⵏ, ⵜⵜⵡⴰⵅⴹⴰⴼⴻⵏ, ⵜⵜⵄⴻⴷⴷⴰⵢⴻⵏ ⴼⴻⵍⵍ-ⴰⵙⴻⵏ, ⵜⵜⵄⴻⵔⵔⵉⵏ-ⵜⴻⵏ ⵙ ⵍⴻⵙⵍⴰⵃ ⵢⴻⵔⵏⴰ ⵜⵜⵖⴻⵍⵍⵉⵜⴻⵏ-ⵜⴻⵏ » ⴰⵎ ⵡⴰⴽⵍⴰⵏ. ⴰⵟⴰⵙ ⵙⴻⴳ ⵢⵉⵎⴷⴰⵏⴻⵏ-ⴰ ⴰⵢ ⴷ-ⵢⴻⵃⴽⴰⵏ ⴷ ⴰⴽⴽⴻⵏ « ⵜⵜⵡⴰⵄⴻⵜⵜⴱⴻⵏ ⴰⴽⴽⴻⵏ ⴰⴷ ⴷ-ⴼⴽⴻⵏ ⵢⵉⵎⴰⵡⵍⴰⵏ-ⵏⵙⴻⵏ ⵍⴼⴻⴷⵢⴰ, ⵢⴻⵔⵏⴰ ⵢⴻⵜⵜⴱⴰⵏ-ⴷ ⴷ ⴰⴽⴽⴻⵏ ⵛⵛⵖⴻⵍ-ⴰ ⵍⴰ ⴷ-ⵢⴻⵜⵜⵉⵍⵉ ⵙ ⵓⵎⵄⴰⵡⴻⵏ ⴳⴰⵔ ⵜⴻⴳⵔⴰⵡⵉⵏ ⵜⵉⵏⴻⵊⵔⵉⵎⵉⵏ ⵢⴻⵍⵍⴰⵏ ⴷⴻⴳ ⵜⵎⵓⵔⴰ ⴰⵢⵙⴻⴳ ⴷ-ⵓⵙⴰⵏ ⵢⵉⵎⴷⴰⵏⴻⵏ-ⴰ ⴷ ⵜⵎⵓⵔⴰ ⴰⵢⵖⴻⴼ ⵜⵜⴻⴽⴽⴻⵏ ».

ⵢⴻⴱⴷⴻⵔ-ⴷ ⴷⴰⵖ ⵓⵕⴰⴱⵓⵍ-ⴰ ⴷ ⴰⴽⴽⴻⵏ « ⴷ ⵉⴳⵉⵎⴰⵏ (ⴰⵍⴰⴼ) ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵡⴰⵃⴻⴱⵙⴻⵏ ⴷⴻⴳ ⵍⴻⵃⴱⴰⵙ ⵏⴻⵖ ⴷⴻⴳ ⵢⵉⵎⵓⴽⴰⵏ ⵏⵉⴹⴻⵏ ⵏ ⵓⵃⴱⴰⵙ ⵢⴻⵍⵍⴰⵏ ⴷⴷⴰⵡ ⵜⵄⴻⵙⵙⴰⵙⵜ ⵜⵓⵏⵚⵉⴱⵜ ⵏ ⵢⵉⵖⵍⵉⴼⴻⵏ ⵏ ⵜⴻⵖⴷⴻⵎⵜ (ⵄⴰⴷⴰⵍⴰ), ⵜⴰⵎⵃⴰⴷⴷⵉⵜ ⴷ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵃⴻⴱⵙⴻⵏ ⵡⵉⵢⴰⴹ ⴷⴻⴳ ⵢⵉⵎⵓⴽⴰⵏ ⵢⴻⵍⵍⴰⵏ ⴷⴷⴰⵡ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ », ⵢⴻⵔⵏⴰ ⴰⵟⴰⵙ ⵏ ⵢⵉⵙⴰⵍⴰⵏ ⴰⵢ ⵍⴰ ⴷ-ⵢⴻⵜⵜⴰⵡⴹⴻⵏ ⵙⴻⴳ ⵢⵉⵎⵓⴽⴰⵏ-ⴰ ⵖⴻⴼ « ⵓⵄⴻⵜⵜⴻⴱ ⴷ ⵜⵉⴽⵍⵉ ⵙ ⵜⴻⵇⵙⴻⵃ » ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⵉⵏ ⴰⴽⴽⴻⴷ ⵢⵉⵎⴻⵃⴱⴰⵙ.