ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵅⴰⵣⴰⴱⵉⵜ ⵏ ⵜⵓⵏⴻⵙ: ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵡⵡⴻⵜ ⵙ ⵍⴻⵇⵙⴰⵃ ⴷⵉ “ⵜⵢⵉⵜⴰ ⵜⴰⵔⴻⴱⵔⴰⴱⵉⵜ ⵜⴰⵡⴰⵃⵛⵉⵜ”
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵉⵛⴻⵢⴻⵄ ⵉⵣⴻⵏ ⵓⵄⴻⵣⵣⵉ ⵉ ⵡⴻⵎⵜⵉⵍ-ⵉⵙ ⴰⵜⵓⵏⵙⵉ, ⴱéⵊⵉ ⵛⴰⵉⴷ ⴻⵙⵙⴻⴱⵙⵉ, ⴷⴻⴼⴼⵉⵔ ⵏ ⵜⵅⴰⵣⴰⴱⵉⵜ ⵜⴰⵔⴻⴱⵔⴰⴱⵉⵜ ⴷ-ⵢⴻⴹⵕⴰⵏ ⴰⵙⵙ ⵏ ⵜⵜⵍⴰⵜⴰ ⵎⴳⴰⵍ ⵍⴽⴰⵕ ⵏ ⵉⵄⴻⵙⵙⴰⵙⴻⵏ ⵉⵙⴻⵍⵡⴰⵢⴰⵏⴻⵏ ⴷⵉ ⵜⵓⵏⴻⵙ, ⵢⴻⵡⵡⴻⵜ ⵙ ⵍⴻⵇⵙⴰⵃ ⴷⵉ "ⵜⵢⵉⵜⴰ ⵜⴰⵔⴻⴱⵔⴰⴱⵉⵜ ⵜⴰⵡⴰⵃⵛⵉⵜ".
"ⵏⴻⵙⵍⴰ ⵙ ⵍⴰⵃⵣⴻⵏ ⵎⵓⵇⵇⵕⴻⵏ ⵉⵙⴰⵍⵍⵉ ⵏ ⵜⵢⵉⵜⴰ ⵜⴰⵔⴻⴱⵔⴰⴱⵉⵜ ⵜⴰⵡⴰⵃⵛⵉⵜ ⵢⴻⵡⵡⵜⴻⵏ ⵜⵓⵏⴻⵙ ⴰⵏⴷⴰ ⵖⵍⵉⵏ ⴰⵟⴰⵚ ⴳⴻⵔ ⵜⴰⵔⵡⴰ ⴷ-ⵢⴻⵍⵀⴰⵏ ⴽⴰⵏ ⵙ ⵍⵡⴰⴵⴻⴱ-ⵏⵙⴻⵏ",ⴰⵢ ⵢⵓⵔⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ-ⵉⵏⴻⵙ.
"ⴷⵉ ⵜⴻⴳⵏⵉⵜⵜ-ⴰⴳⵉ ⵇⴻⵙⵙⵉⵃⴻⵏ ⵢⴻⵜⵜⵉⴷⵉⵔ ⴳⵎⴰⵜ-ⵏⴰⵖ ⴰⴳⴷⵓⴷ ⴰⵜⵓⵏⵙⵉ, ⴰⴷ-ⴷ-ⵙⵙⵉⵡⴹⴻⵖ, ⵙ ⵢⵉⵙⴻⵎ ⵏ ⵡⴻⵖⵕⴻⴼ ⴰⴽⴽ ⴷ ⵓⵏⴰⴱⴰⴹ ⴰⵣⵣⴰⵢⵔⵉ ⴰⴽⴽ ⴷ ⵢⵉⵙⴻⵎ-ⵉⵡ ⵏⴻⴽⴽⵉⵏⵉ, ⴰⴽⴽⴻⵏ ⴰⴷ ⵉⴳⴻⵔ ⵕⴻⴱⴱⵉ ⵢⴻⴵⴵⴰ-ⵢⴰⵡⴻⵏ-ⴷ ⵍⴱⴰⵕⴰⴽⴰ ⵍⴰⴷⵖⴰ ⵉ ⵡⴻⴳⴷⵓⴷ ⴰⵜⵓⵏⵙⵉ, ⵏⴻⵙⵙⴰⵔⴰⵎ ⴷⴻⴳ ⵓⴳⴻⵍⵍⵉⴷ ⴰⵎⵓⵇⵕⴰⵏ ⵍⵊⴻⵏⵏⴻⵜ ⵡⴻⵙⵙⵉⵄⴻⵏ ⵉ ⵡⵉⴷ ⵢⴻⵎⵎⵓⵜⴻⵏ , ⵚⵚⴱⴻⵕ ⵉ ⵜⵡⴰⵛⵓⵍⵉⵏ-ⵏⵙⴻⵏ ⴷ ⵃⴻⵍⵍⵓ ⵙ ⵍⵄⴻⵊⵍⴰⵏ ⵉ ⵢⵉⵎⴻⵊⵔⴰⵃ",ⵉ ⵢⵓⵔⴰ ⴷⴻⴳ ⵢⵉⵣⴻⵏ.
