ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⵓⵕⵓⴼⵜ ⵏ ⵓⵔⴼⴰⴷ ⵙ ⵍⴵⴻⵀⴷ ⵏ ⵢⵉⵎⴻⵄⴷⴰⵕ: ⴱⵉⵧⵓⵔ ⴷ ⵡⵉⵙ 5

ⴻⴳⴻⵔ (ⵎⴰⵊⴰⵕ) – ⵢⵓⵙⴰ-ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ ⵀⴰⴷⵊ ⴰⵀⵎⴻⴷ ⴱⵉⵧⵓⵔ ⴷⴻⴳ ⵓⵎⴽⴰⵏ ⵡⵉⵙ 5 ⴷⴻⴳ ⵜⴻⵍⵖⵓⵖⴰ ⵏ ⵜⵓⵕⵓⴼⵜ « ⵉⵔⴻⵥⵎⴻⵏ » ⵏ ⵓⵔⴼⴰⴷ ⵙ ⵍⴵⴻⵀⴷ ⴰⵢ ⴷ-ⵢⴻⴱⴷⴰⵏ ⴰⵙⵙ ⵏ ⵜⵜⵍⴰⵜⴰ ⵢⴻⵔⵏⴰ ⴰⴷ ⵜⴽⴻⵎⵎⴻⵍ ⴰⵔⵎⴰ ⴷ 28 ⵏⵡⴻⵎⴱⴻⵕ ⴷⴻⴳ ⴻⴳⴻⵔ, ⴷⴻⴳ ⵎⴰⵊⴰⵕ, ⵢⴻⵔⵏⴰ ⴰⵎⵙⵉⵣⵡⴻⵔ-ⴰ ⴰⴷ ⴷ-ⵢⵉⵍⵉ ⴷ ⵜⴰⴳⵏⵉⵜ ⵉ ⵢⵉⵏⴰⴷⴷⴰⵍⴻⵏ ⴰⴽⴽⴻⵏ ⴰⴷ ⴷ-ⵔⴻⴱⵃⴻⵏ ⵓⴳⴰⵔ ⵏ ⵜⴻⵏⵇⵉⴹⵉⵏ ⵉ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵔⵉⵧ ⵏ 2016.

ⴷⴻⴳ ⵜⴰⴳⴳⴰⵢⵜ-ⵏⵏⴻⵙ ⵏ 49 ⵏ ⵢⵉⴽⵉⵍⵓⴳⵕⴰⵎⴻⵏ, ⵢⴻⵔⴼⴻⴷ ⴱⵉⵧⵓⵔ 137 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵓⵏⴻⵄⵔⵓⴹ-ⵏⵏⴻⵙ ⵡⵉⵙ 3, ⴷⴻⴼⴼⵉⵔ ⵎⴰ ⵢⴻⵔⴼⴻⴷ 132 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵓⵏⴻⵄⵔⵓⴹ ⴰⵎⴻⵣⵡⴰⵔⵓ ⴷ 134 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵡⵉⵙ ⵙⵉⵏ, ⴷⴻⴳ ⵓⵎⵙⵉⵣⵡⴻⵔ ⴰⵢⴷⴻⴳ ⵜⵜⴻⴽⴽⴰⵏ 12 ⵏ ⵢⵉⵏⴰⴷⴷⴰⵍⴻⵏ.

ⴷ ⴰⵔⵓⵙⵉ ⵠⵍⴰⴷⵉⵎⵉⵔ ⴱⴰⵍⵢⵏⴻⵜⵛ (161 ⵏ ⵢⵉⴽⵉⵍⵓⴳⵕⴰⵎⴻⵏ) ⴰⵢ ⵉⵔⴻⴱⵃⴻⵏ ⵜⴰⵍⵖⵓⵖⴰ-ⴰ, ⵙⴰⴽⴽⵉⵏ ⵢⴻⴹⴼⴻⵔ-ⵉⵜ-ⵉⴷ ⵓⵟⴻⵔⴽⵉ ⵏⴰⵏⴷⵧⵔ ⵜⵓⵏⴽⴻⵍ (150 ⵏ ⵢⵉⴽⵉⵍⵓⴳⵕⴰⵎⴻⵏ). ⴰⵔⵓⵙⵉ ⵉⵠⴰⵏ ⴰⵔⵏⴰⵓⵜⵧⵠ ⴷ ⵡⵉⵙ 3 ⵙ 141 ⵏ ⵢⵉⴽⵉⵍⵓⴳⵕⴰⵎⴻⵏ.

ⵎⴰ ⴷ ⵜⴰⴷⵣⴰⵢⵔⵉⵜ ⵍⴰⵎⵢⴰ ⴰⴷⵔⴰ ⵜⴻⵡⵡⵉ-ⴷ, ⵓⵍⴰ ⵏⴻⵜⵜⴰⵜ, ⴰⵎⴽⴰⵏ ⵡⵉⵙ 5 ⴷⴻⴳ ⵜⴰⴳⴳⴰⵢⵜ ⵏ 41 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴼⴼⵉⵔ ⵎⴰ ⵜⴻⵔⴼⴻⴷ 55 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵓⵏⴻⵄⵔⵓⴹ-ⵏⵏⴻⵙ ⴰⵎⴻⵣⵡⴰⵔⵓ. ⴷ ⴰⵛⵓ ⴽⴰⵏ, ⵍⴰⵎⵉⴰ ⵜⴻⵄⵔⴻⴹ ⵙⵏⴰⵜ ⵏ ⵜⵉⴽⴽⴰⵍ ⴰⴷ ⵜⴻⵔⴼⴻⴷ ⵍⵎⵉⵣⴰⵏ ⵏ 57 ⵏ ⵢⵉⴽⵉⵍⵓⴳⵕⴰⵎⴻⵏ, ⵎⴰⵛⴰ ⵜⴻⵅⵚⴻⵔ.

ⴷ ⵜⴰⵟⴻⵔⴽⵉⵜ ⵎⵓⵔⴰⵜⵍⵉ ⵏⴰⵣⵎⵉⵢⴻ ⴰⵢ ⴷ-ⵢⵓⵙⴰⵏ ⴷ ⵜⴰⵎⴻⵣⵡⴰⵔⵓⵜ ⵙ 100 ⵏ ⵢⵉⴽⵉⵍⵓⴳⵕⴰⵎⴻⵏ, ⵙⴰⴽⴽⵉⵏ ⵜⴻⴹⴼⴻⵔ-ⵉⵜⵜ-ⵉⴷ ⵜⵛⵉⵏⵡⴰⵜ ⵛⵓⵉ ⵣⵀⴻ (82 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ ⵔⵧⵣⴰ ⵎⴰⵜⵢⴰⴽⵓⴱⵧⵠⴰ ⵔⵧⵣⴰ (ⵙⴻⴳ ⵜⵓⵔⴽⵎⵉⵏⵉⵙⵜⴰⵏ) ⴰⵢ ⵉⵔⴻⴼⴷⴻⵏ 70 ⵏ ⵢⵉⴽⵉⵍⵓⴳⵕⴰⵎⴻⵏ, ⴷⴻⴳ ⵓⵎⵙⵉⵣⵡⴻⵔ-ⴰ ⴰⵢⴷⴻⴳ ⵜⵜⴻⴽⴽⴰⵏⵜ 7 ⵏ ⵜⵏⴰⴷⴷⴰⵍⵉⵏ.

ⵜⴰⴷⵣⴰⵢⵔⵉⵜ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵜⵉⵄⴰⴷ-ⴰ ⵏ ⴻⴳⴻⵔ ⴷ ⵙⴰⵎⵉⵔⴰ ⴳⵓⴻⵔⵉⵧⵓⴰ, ⵎⴰⵛⴰ ⵜⵓⵙⴰ-ⴷ ⴷ ⵜⵉⵙ 7 ⴷⴻⴳ ⵜⴰⴳⴳⴰⵢⵜ ⵏ 45 ⵏ ⵢⵉⴽⵉⵍⵓⴳⵕⴰⵎⴻⵏ. ⴳⵓⴻⵔⵉⵧⵓⴰ ⵜⴻⵔⴼⴻⴷ 85 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵓⵏⴻⵄⵔⵓⴹ ⵡⵉⵙ ⵙⵉⵏ, ⵎⴰⵛⴰ ⵍⴻⵎⵎⴻⵔ ⵓⵔ ⵜⴻⵅⵚⵉⵔ ⴰⵔⴰ ⴷⴻⴳ ⵓⵔⴼⴰⴷ ⵏ 87 ⵏ ⵢⵉⴽⵉⵍⵓⴳⵕⴰⵎⴻⵏ, ⵜⵉⵍⵉ ⴰⴷ ⵜⵜ-ⵉⴷ-ⵉⵚⴰⵃ ⵓⵎⴽⴰⵏ ⵡⵉⵙ 5.

ⴷ ⵜⴰⵛⵉⵏⵡⴰⵜ ⵀⵓ ⴷⴰⵏⴷⴰⵏ ⴰⵢ ⵉⵔⴻⴱⵃⴻⵏ ⴰⵎⵙⵉⵣⵡⴻⵔ ⵏ ⵜⴰⴳⴳⴰⵢⵜ-ⴰ ⵙ 100 ⵏ ⵢⵉⴽⵉⵍⵓⴳⵕⴰⵎⴻⵏ (ⵢⴻⵔⵏⴰ ⵡⴰ ⴷ ⴰⴽⵍⵉⵙ [ⵔⴰⵇⵎ ⵇⵉⵢⴰⵙⵉ] ⴰⵎⴰⵢⵏⵓ ⵏ ⵓⵎⴰⴹⴰⵍ), ⵙⴰⴽⴽⵉⵏ ⵜⴻⴹⴼⴻⵔ-ⵉⵜⵜ-ⵉⴷ ⵜⵒⵓⵍⵓⵏⵉⵜ ⴽⵧⵣⴷⵔⵢⴽ ⵊⵓⵙⵜⵢⵏⴰ ⵙ 93 ⵏ ⵢⵉⴽⵉⵍⵓⴳⵕⴰⵎⴻⵏ ⴷ ⵜⴻⴱⵔⵉⵟⴰⵏⵉⵜ ⵣⵧⴻ ⵏⴻⵡⵙⵧⵏ ⵙ 90 ⵏ ⵢⵉⴽⵉⵍⵓⴳⵕⴰⵎⴻⵏ. ⴰⵎⵙⵉⵣⵡⴻⵔ-ⴰ ⵜⵜⴻⴽⴽⴰⵏⵜ ⴷⴻⴳ-ⵙ 10 ⵏ ⵜⵏⴰⴷⴷⴰⵍⵉⵏ.