ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵥⴷⴰⵎ ⵏ ⵎⴻⵕⵕⵓⴽ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷ ⴰⵔⴽⴰⴹ ⵓⴼⴹⵉⵃ ⵉ ⵍⵇⴰⵏⵓⵏ ⴰⴳⵔⴰⵖⵍⴰⵏ

ⴱⵔⵓⵅⴻⵍⵍⴻⵙ – ⵜⵓⴹⴹⴼⴰ ⴷ ⵜⵓⵇⵇⵏⴰ ⵏ ⵡⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⵖⴻⵔ ⵜⵎⵓⵔⵜ ⵏ ⵎⴻⵕⵕⵓⴽ ⴷ « ⴰⵔⴽⴰⴹ ⴰⵎⴰⴳⵍⴰⵢ » (ⵅⴰⵟⵉⵔ) ⵉ ⵍⵇⴰⵏⵓⵏ ⴰⴳⵔⴰⵖⵍⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⴰⵢ ⴷ-ⵢⵓⵔⴰⵏ ⵢⵉⵡⴻⵜ ⵏ ⵜⴻⵣⵔⴰⵡⵜ (ⴷⵉⵔⴰⵙⴰ) ⵖⴻⴼ ⵜⵓⴹⴹⴼⴰ ⴷ ⵜⵓⵇⵇⵏⴰ ⵏ ⵡⴰⴽⴰⵍⴻⵏ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⵉ ⵓⵎⵏⵉ ⵓⵕⵓⴼⵉ.

« ⴰⵜⵄⴻⴷⴷⵉ, ⵜⵓⴹⴹⴼⴰ ⴷ ⵜⵓⵇⵇⵏⴰ ⵏ ⵡⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⵖⴻⵔ ⵎⴻⵕⵕⵓⴽ ⴷ ⴰⵔⴽⴰⴹ ⴰⵎⴰⴳⵍⴰⵢ ⵉ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵜⴻⵣⵔⴰⵡⵜ-ⴰ ⵓⵎⵉ ⵙⴻⵎⵎⴰⵏ « ⵜⵓⴹⴹⴼⴰ/ⵜⵓⵇⵇⵏⴰ ⵏ ⵏ ⵡⴰⴽⴰⵍ: ⴰⵇⴰⴷⴻⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵏ ⵓⵎⴷⴰⵏ, ⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵜⵙⴻⵔⵜⵉⵜ ⵜⴰⵎⵜⴰⵡⴰⵏⵜ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵓⵏⵔⴰⵔ-ⴰ ».

ⵜⴰⵣⵔⴰⵡⵜ-ⴰ ⵉⵀⴻⵢⵢⴰ-ⵜⵜ-ⵉⴷ ⵒⴰⵍ ⵡⵔⴰⵏⴳⴻ, ⴷ ⴰⵒⵕⵓⴼⵉⵙⵓⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴷⴻⴳ ⵜⴻⵙⴷⴰⵡⵉⵜ ⵏ ⵙⵜⵧⵛⴽⵀⵧⵍⵎ, ⴷ ⵙⴰⵔⴰⵀ ⵀⴻⵍⴰⵧⵓⵉ, ⴷ ⵜⴰⵏⴻⵎⵛⵉⵡⴻⵕⵜ, ⵢⴻⵔⵏⴰ ⵜⴰⵣⵔⴰⵡⵜ-ⴰ ⵜⴻⵙⴱⴰⵏ-ⴷ ⵎⵍⵉⵃ ⴰⵎⴽⴰⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵍⵍⴰⵏ ⴷ ⵡⵉⵏ ⵏ « ⵡⴰⴽⴰⵍ ⵢⴻⵜⵜⵡⴰⴹⴹⴼⴻⵏ ⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵏⴻⵖⵜⵓⵙⵜ (ⵇⴰⵔⴰⵔ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ 34/37 ⵏ 1979 ».

« ⴰⵏⴻⵥⵔⵓⴼ ⵓⵜⵔⵉⵎ ⵓⵔ ⵢⴻⵍⵍⵉ ⴷ ⴰⵃⵔⵉⵛ ⵏ ⵎⴻⵕⵕⵓⴽ ⵢⴻⵔⵏⴰ ⵎⴻⵕⵕⵓⴽ ⵓⵔ ⵜⴻⵙⵄⵉ ⴰⵔⴰ ⴰⴽⴽ ⴽⵔⴰ ⵏ ⵓⵣⵔⴻⴼ ⵏ ⵍⵇⴰⵏⵓⵏ ⴷⴻⴳ ⵡⴰⴽⴰⵍ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵙⴽⴰⵔⴻⵏ ⵏ ⵜⴻⵣⵔⴰⵡⵜ-ⴰ ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ ⵜⵓⵇⵇⵏⴰ ⵏ ⵡⴰⴽⴰⵍ-ⴰ ⵖⴻⵔ ⵎⴻⵕⵕⵓⴽ « ⵜⴻⴼⴼⴻⵖ ⵉ ⵍⵇⴰⵏⵓⵏ » ⵢⴻⵔⵏⴰ ⴰⵢⴰ ⴷ « ⵜⵓⴹⴹⴼⴰ ».

ⴰⵏⴻⵥⵔⵓⴼ ⵓⵜⵔⵉⵎ ⵎⵎⴻⵕⴽⴰⵏ-ⵜ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ 1962 ⴷⴻⴳ ⵡⵓⵎⵓⵖ (ⵇⴰ’ⵉⵎⴰ) ⵏ ⵢⵉⴽⴰⵍⴻⵏ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ), ⵢⴻⵔⵏⴰ ⵜⴰⵎⵓⵔⵜ-ⴰ ⵎⴰⵣⴰⵍ ⵜⴻⵙⵄⴰ ⴰⵣⵔⴻⴼ ⵉ ⵓⴳⴳⵓⵛⵛⴻⵍⵎⴰⵏ, ⴷ ⴰⵣⵔⴻⴼ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴻⴳ 1966 ⴰⵙⵎⵉ ⴰⵢ ⵢⴻⵏⵛⴻⴷ ⵙⵒⴻⵏⵢⵓⵍ (ⴰⵢ ⵢⴻⵍⵍⴰⵏ ⵜⴻⴹⴹⴻⴼ ⵜⴰⵎⵓⵔⵜ-ⴰ) ⴰⴽⴽⴻⵏ ⴰⴷ ⴷ-ⵜⴻⴳ ⵜⴰⵙⴻⴼⵔⴰⵏⵜ ⴰⴷ ⵢⴻⴵⴵⴻⵏ ⵉⵎⴻⵣⴷⴰⵖⴻⵏ ⵏ ⵜⵎⵓⵔⵜ-ⴰ ⴰⴷ ⵜⵜ-ⵉⴷ-ⴼⵔⵓⵏ ⵙ ⵜⵍⴻⵍⵍⵉ ⵖⴻⴼ ⵓⵣⴻⴽⴽⴰ-ⵏⵙⴻⵏ.