ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⴽ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵙⵙⴻⴳⵎⵉ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ

ⵜⵉⴱⴻⵙⴽⴻⵔⵜ – ⴰⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵙⵙⴻⴳⵎⵉ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ (ⴵⴰⵏⵓⴱ) « ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵉ ⵓⵙⵙⴻⵍⵀⵓ ⵏ ⵓⵍⵎⴰⴷ ⵏ ⵢⵉⴱⴰⵍⵎⵓⴷⴻⵏ ⴷ ⵔⵔⴱⴻⵃ-ⵏⵙⴻⵏ ⴷⴻⴳ ⵓⵖⴻⵔⴱⴰⵣ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⴱⴻⵙⴽⴻⵔⵜ ⵓⵎⴰⵙⵡⴰⴹ (ⵎⵓⴼⴰⵜⵜⵉⵛ) ⴰⵎⴰⵜⵓ ⵏ ⵓⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⴻⴷⵊⴰⴷⵉ ⵎⴻⵙⵙⴻⴳⵓⴻⵎ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵎⵏⴰⴹⴰⵏ (ⴵⵉⵀⴰⵡⵉ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵖⴻⵔⴱⴰⵣ ⴰⵍⴻⵎⵎⴰⵙ ⵏ ⴱⴰⵛⵀⵉⵔ-ⴱⴻⵏⵏⴰⵛⴻⵔ ⵖⴻⴼ « ⵜⵙⵓⴷⴷⴻⵙⵜ ⵜⴰⵙⴻⵏⵙⴻⴳⵎⴰⵏⵜ ⴷⴻⴳ ⵜⵏⴻⵖⵔⵉⵜ », ⵢⴻⵏⵏⴰ-ⴷ ⵏⴻⴷⵊⴰⴷⵉ ⵎⴻⵙⵙⴻⴳⵓⴻⵎ ⴷ ⴰⴽⴽⴻⵏ ⵜⴰⵔⵔⴰⵢⵉⵏ (ⵟⵓⵔⵓⵇ) ⴰⵢ ⵍⴰ ⵢⴻⵜⵜⵡⴰⴹⴼⴰⵔⴻⵏ ⴰⵙⵙ-ⴰ ⴷⴻⴳ ⵓⵙⵙⴻⵍⵎⴻⴷ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ-ⵙⴻⵏⵜ « ⴰⴽⴽⴻⵏ ⴰⴷ ⵢⴻⵜⵜⵡⴰⵚⴻⴳⴳⴻⵎ ⵡⴰⵢⴻⵏ ⴰⵢⴷⴻⴳ ⵅⵓⵚⵚⴻⵏⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵍⵎⴻⴷ ⵏ ⵜⵓⵙⵏⴰⴽⵜ (ⵔⵉⵢⴰⴹⵉⵢⵢⴰⵜ), ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⵓⵜⵍⴰⵢⵉⵏ ⵜⵉⴱⴻⵕⵕⴰⵏⵉⵢⵉⵏ ».

ⵜⵉⵎⵍⵉⵍⵉⵜ-ⴰ ⴰⵢ ⴷ-ⵢⴻⵍⵍⴰⵏ ⴳⴰⵔ ⵢⵉⵎⴰⵙⵡⴰⴹⴻⵏ ⵏ « ⵓⵃⵔⵉⵛ ⵢⴻⵜⵜⵡⴰⵃⴻⵜⵜⵎⴻⵏ » (ⴰⵖⴻⵔⴱⴰⵣ ⴰⵎⴻⵏⵣⵓ ⴷ ⵓⵖⴻⵔⴱⴰⵣ ⴰⵍⴻⵎⵎⴰⵙ) ⵜⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ « ⵓⵚⴻⴳⴳⴻⵎ » ⵏ ⵓⵙⵙⴻⵍⵎⴻⴷ ⴰⵢ ⴷ-ⵢⴻⴱⴷⴰⵏ ⴷⴻⴳ 2003, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴻⴳⵓⴻⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⵓⵎⴰⵙⵡⴰⴹ ⴰⴷ ⵢⵓⵖⴰⵍ ⴷ « ⴰⵎⴰⵣⵣⴰⵢ (ⵅⴰⴱⵉⵔ) ⴷⴻⴳ ⵓⵅⴻⴷⴷⵉⵎ ⴰⵙⴻⵏⵙⴻⴳⵎⴰⵏ (ⴱⵉⴳⴰⵖⵓⴵⵉ) ».

ⴰⵙⴰⵔⴰⴳ-ⴰ ⵏ 3 ⵏ ⵡⵓⵙⵙⴰⵏ ⵍⴰ ⵜ-ⵜⵜⴹⴰⴼⴰⵔⴻⵏ ⵢⵉⵎⴰⵣⵣⴰⵢⴻⵏ ⵉⵙⴷⴰⵡⴰⵏⴻⵏ ⴰⵢ ⵍⴰ ⵢⴻⵎⵎⴻⵄⴰⵡⴰⵏⴻⵏ ⴷ ⵢⵉⵎⴰⵙⵡⴰⴹⴻⵏ ⵏ ⵓⵙⵡⵉⵔ ⴰⵎⴻⵏⵣⵓ ⴷ ⵓⵍⴻⵎⵎⴰⵙ ⴰⵢ ⵉⵅⴻⴷⴷⵎⴻⵏ ⴷⴻⴳ 11 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵢⴻⵔⵏⴰ ⵜⵉ ⴷ ⵜⵉⵡⵉⵍⴰⵢⵉⵏ ⵏ ⵜⴱⴻⵙⴽⴻⵔⵜ, ⵍⴻⵖⵡⴰⵟ, ⵏⵏⵄⴰⵎⴰ, ⵜⴰⵎⴻⵏⵖⴻⵙⵜ, ⴰⴷⵔⴰⵔ, ⵡⴰⵔⴻⴳⵍⴰ, ⵡⴰⴷ ⵙⵓⴼ, ⴱⴻⵛⵛⴰⵕ, ⵜⵉⵏⴷⵓⴼ, ⵜⴰⵖⴻⵔⴷⴰⵢⵜ ⴷ ⵉⵍⵍⵉⵣⵉ.