ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵊⵎⵓⵄ ⵏ ⵜⵎⵓⵔⴰ ⵜⵉⴷⵉⵙⴰⵏⵉⵏ ⵏ ⵍⵉⴱⵢⴰ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⵉ ⵍⴻⵣⵣⴰⵢⴻⵔ ⴳⴰⵔ-ⴰⵙⴻⵏ ⴰⴳⴻⵏⵙⴰⵙ ⴰⵎⴰⵢⵏⵓⵜ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⵎⴰⵔⵜⵉⵏ ⴽⵧⴱⵍⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⵍⴻⵛⵖⴰⵍ ⵓⵏⴻⵊⵎⵓⵄ ⴰⵏⴻⵖⵍⴰⴼⴰⵏ ⵡⵉⵙ 7 ⵏ ⵜⵎⵓⵔⴰ ⵜⵉⴷⵉⵙⴰⵏⵉⵏ ⵏ ⵍⵉⴱⵢⴰ ⴰⴷ ⴱⴷⵓⵏ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵙ ⵡⴻⵃⴹⴰⵕ ⵏ ⵓⴳⴻⵏⵙⴰⵙ ⴰⵎⴰⵢⵏⵓⵜ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⴷⵉ ⵍⵉⴱⵢⴰ, ⵎⴰⵔⵜⵉⵏ ⴽⵧⴱⵍⴻⵔ, ⴰⴽⴽⴻⵏ ⴰⴷ ⵙⵇⴻⵔⴷⵛⴻⵏ ⴰⴷⴷⴰⴷ ⵢⴻⵍⵍⴰⵏ ⴷⵉ ⵜⵎⵓⵔⵜ-ⴰⴳⵉ.
ⴰⴽⴽ ⵜⵉⵎⵓⵔⴰ ⵜⵉⴷⵉⵙⴰⵏⵉⵏ ⵏ ⵍⵉⴱⵢⴰ (ⵍⴻⵣⵣⴰⵢⴻⵔⵏ ⵎⴰⵚⴻⵕ, ⵙⵙⵓⴷⴰⵏ, ⵏⵉⵊⴻⵔ, ⵞⵞⴰⴷ ⴷ ⵜⵓⵏⴻⵙ), ⴰⴽⴽ ⴷ ⵍⵉⴱⵢⴰ, ⵜⴰⴷⵓⴽⴽⵍⵉ ⵜⴰⴼⵔⵉⵇⵉⵜ, ⴰⵊⴻⵔⵔⵉⴷ ⵉⵡⵓⵏⴰⴽ ⴰⵄⵕⴰⴱⴻⵏ ⴰⴽⴽ ⴷ ⵜⴷⵓⴽⴽⵍⵉ ⵜⵓⵔⵓⴱⵜ ⴰⴷ ⵜⵜⴻⴽⴽⵉⵏ ⴷⵉ ⵜⴻⵎⵍⵉⵍⵉⵜ-ⴰⴳⵉ ⵏ ⵓⵣⴰⵔⴻⵣ ⴰⵔⴰ ⵢⵉⵍⵉⵏ ⴷ ⵜⴰⴳⵏⵉⵜⵜ ⵉ ⵢⴰⵍ ⵢⵉⵡⴻⵏ ⴰⴽⴽⴻⵏ ⴰⴷ ⵉⵥⴻⵕⵔ ⴰⴷⴷⴰⴷ ⵜⴻⵜⵜⵉⴷⵉⵔ ⵍⵉⴱⵢⴰ ⴷⴻⴳ ⵜⴻⵎⵏⴰⴹⵜ.
ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵖⵔⵉⴱⵉⵢⵉⵏ, ⵏ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ ⴰⴽⴽ ⴷ ⵓⵊⴻⵔⵔⵉⴷ ⵏ ⵢⵉⵡⵓⵏⴰⴽ ⴰⵄⵕⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵢⴻⵏⵏⴰ ⴱⴻⵍⵍⵉ ⴰⵏⴻⵊⵎⵓⵄ "ⴷ ⵜⴰⴳⵏⵉⵜⵜ ⵉ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⵡⴻⴽⴽⴻⴷ ⵜⵉⴽⴽⴻⵍⵜ-ⵏⵏⵉⴹⴻⵏ ⴰⴼⵓⴷ-ⵉⵏⴻⵙ ⵉ ⵓⵙⵓⵔⵔⵉⴼ ⵢⴻⵍⵍⴰⵏ ⵢⴰⴽⴰⵏ ⴷⴷⴰⵡ ⵍⴰⵄⵏⴰⵢⴰ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵓⵙⴱⴻⴷⴷⵉ ⵏ ⵓⵏⴰⴱⴰⴹ ⵏ ⵜⴷⵓⴽⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⵢⴻⵙⵙⴻⴷⴷⵓⵏ ⵍⴻⵛⵖⴰⵍ ⴷⵉ ⵍⴰⵄⴹⵉⵍ ⵓ ⴰⴷ ⵉⵇⴰⴱⴻⵍ ⴰⴽⴽ ⵉⵖⴻⴱⵍⴰⵏ ⵜⴻⵜⵜⵎⴰⴳⴳⴰⵔ ⵍⵉⴱⵢⴰ, ⵍⴰⴷⵖⴰ ⵡⵉⵏ ⵢⴻⵔⵣⴰⵏ ⵔⵔⴻⴱⵔⴰⴱ".
ⵍⴻⵣⵣⴰⵢⴻⵔ ⵜⴻⵣⴳⴰ ⵜⴻⵙⵙⴰⵃⵕⴰⵚ ⵖⴻⴼ ⵜⵉⴼⵔⴰⵜ ⴱⴻⵕⵕⴰ ⵏ ⵛⵡⴰⵍ ⵉ ⵜⴰⵍⵓⴼⵜ ⵜⴰⵍⵉⴱⵉⵜ ⴷ ⵡⴰ ⵉ ⴷ ⴰⵣⴰⵍ ⵏ ⵓⵙⴱⴻⴷⴷⵉ ⵓⵏⴰⴱⴰⴹ ⵏ ⵜⴷⵓⴽⴽⵍⵉ ⵜⴰⵖⴻⵍⵏⴰⵡⵜ ⴷ ⵓⵇⴰⴷⴻⵔ ⵏ ⵡⴰⴽⴰⵍ ⵏ ⵜⵎⵓⵔⵜ-ⴰⴳⵉ.
