ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵉⴱⵢⴰ: ⴷ ⵉⴱⴻⵕⵕⴰⵏⵉⵢⴻⵏ ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵉ ⵢⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ

ⵍⵧⵏⴷⵧⵏ – ⴷ ⵜⴰⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⴰⵙⴻⵔⴷⴰⵙⴰⵏ ⴰⴱⴻⵕⵕⴰⵏⵉ ⴷⴻⴳ ⵍⵉⴱⵢⴰ ⵓⵔ ⵢⴻⴵⴵⵉⵏ ⴰⵔⴰ ⵉⵍⵉⴱⵉⵢⴻⵏ ⴰⴷ ⵄⴻⴷⴷⵉⵏ ⵖⴻⵔ ⵜⵓⴳⴷⵓⵜ ⵙ ⵜⴰⵍⵡⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷⴻⴳ ⵢⵉⵡⴻⵜ ⵏ ⵜⴷⵉⵡⴻⵏⵏⵉⵜ ⴰⵢ ⵉⴳⴰ ⴰⵙⵙ ⵏ ⵜⵜⵍⴰⵜⴰ ⴷ ⵓⵖⵎⵉⵙ ⴰⴱⵔⵉⵟⴰⵏⵉ ⵏ ⵜⵀⴻ ⵉⵏⴷⴻⵒⴻⵏⴷⴻⵏⵜ, ⵓⵇⴱⴻⵍ ⵎⴰ ⵜⴻⵍⵍⴰ-ⴷ ⵜⴻⵎⵍⵉⵍⵉⵜ ⵜⵉⵙ 7 ⵏ ⵢⵉⵏⴻⵖⵍⴰⴼⴻⵏ ⵏ ⵜⵎⵓⵔⴰ ⵜⵉⵊⵉⵔⴰⵜⵉⵏ ⵏ ⵍⵉⴱⵢⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

« ⴷ ⵜⴰⴳⴻⵔⵎⴰⵏⵜ ⵜⴰⴱⴻⵕⵕⴰⵏⵉⵜ ⵓⵔ ⵢⴻⴵⴵⵉⵏ ⴰⵔⴰ ⵉⵍⵉⴱⵉⵢⴻⵏ ⴰⴷ ⴷⴷⵓⵏ ⵖⴻⵔ ⵙⴷⴰⵜ ⵉ ⵢⵉⵎⴰⵏ-ⵏⵙⴻⵏ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴰⵢ ⴰⵙⴻⵏ-ⴷ-ⵜⴻⵙⵙⵓⵎⴻⵔ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉⵎⵉⵔ-ⵏⵏⵉ (ⴷⴻⴳ 2011), ⵢⴻⵔⵏⴰ ⵜⵉⵏ ⵜⴻⵍⵍⴰ ⴷ ⵜⵓⴽⴽⵉⵜ (ⵉⵏⵜⵉⵇⴰⵍ) ⵙ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ.

« ⴰⵟⴰⵙ ⵏ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴰⵢ ⵉⴼⵓⵕⵙⴻⵏ ⵜⴰⴳⵏⵉⵜ-ⵏⵏⵉ ⵏ ⵓⵔⵡⴰⵢ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵍⵍⴰ ⵜⴳⴻⵔⵎⴰⵏⵜ ⵜⴰⵙⴻⵔⴷⴰⵙⴰⵏⵜ (ⵏ ⵜⴻⵎⵙⵉⵙⵉⵜ ⵜⴰⵟⵍⴰⵙⵉⵜ) », ⵢⴻⵔⵏⴰ ⴷ ⴰⵢⴰ ⴰⵢ ⵢⴻⵙⵙⴻⵖⵍⵉⵏ ⵍⵉⴱⵢⴰ ⴷⴻⴳ ⵜⵡⴰⵖⵉⵜ ⵜⴰⵙⴻⵔⵜⵉⵜ, ⵜⴰⵡⴰⵖⵉⵜ ⵏ ⵍⴰⵎⴰⵏ ⴷ ⵜⵉⵏ ⵏ ⵓⵖⴰⴱⵉ ⵏ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ.

« ⵜⴰⴳⴻⵔⵎⴰⵏⵜ ⵜⴰⵙⴻⵔⴷⴰⵙⴰⵏⵜ ⴷⴻⴳ ⵓⴳⵎⵓⴹ ⴰⵍⴻⵎⵎⴰⵙ ⵜⴻⵣⵎⴻⵔ ⴰⴷ ⵜⴻⵙⵡⴰⵖ ⴰⵔⴽⴰⴷ ⵏ ⵜⵎⵓⵔⴰ-ⴰ ⵢⴻⵔⵏⴰ ⴰⴷ ⴷ-ⵢⴻⴳⵍⵓ ⵡⴰⵢⴰ ⵓⵏⵏⴻⵔⵏⵉ ⵏ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵄⴻⵢⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⵜⴰⴳⴻⵔⵎⴰⵏⵜ ⵜⴰⴱⴻⵕⵕⴰⵏⵉⵜ ⵜⴻⵣⵎⴻⵔ ⴰⴷ ⵜⵓⵖⴰⵍ ⴷ ⴰⵃⵔⵉⵛ ⵙⴻⴳ ⵡⵓⴳⵓⵔ, ⵎⴰⵛⵉ ⴷ ⴰⵃⵔⵉⵛ ⵙⴻⴳ ⵜⵉⴼⵔⴰⵜ ».

ⵜⴰⴳⴻⵔⵎⴰⵏⵜ-ⴰ ⵜⵔⴻⵏⵏⵓ ⵜⴻⵙⵙⴻⵡⵙⴰⵄ ⵜⴰⵡⵡⵓⵔⵜ ⵉ ⵢⵉⵔⴻⴱⵔⴰⴱⴻⵏ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⵍⴻⵛⵖⴰⵍ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, « ⵢⴻⵔⵏⴰ ⴰⵢⴰ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⴰⵔⴽⴰⴷ ⵏ ⵜⵎⵓⵔⴰ ⴰⵢ ⵢⵓⴳⵉⵏ ⴰⵢⴰ ».

ⴰⵢⴻⵏ ⴰⵢ ⵢⴻⵄⵔⴻⴹ ⵓⵏⴻⵖⵍⴰⴼ ⴰⴷ ⵜ-ⵢⴻⴳ ⵉ ⵓⵏⴰⴷⵉ ⵏ ⵜⵉⴼⵔⴰⵜ ⵙ ⵜⴰⵍⵡⵉⵜ ⵙ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ ⴷⴻⴳ 2011 (ⵎⵉ ⵢⴻⵍⵍⴰ ⴷ ⵉⵎⵡⴻⴽⴽⴻⵍ ⵏ ⵍⴰⵎⴰⵏ ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ) « ⵓⵔ ⴰⵙ-ⴼⴽⵉⵏ ⴰⵔⴰ ⴰⵣⴰⵍ ⵢⵉⵖⴰⵍⵍⴻⵏ ⵏ ⵜⴻⵎⵙⵉⵙⵉⵜ ⵜⴰⵟⵍⴰⵙⵉⵜ ⴰⵢ ⵢⴻⵍⵍⴰⵏ ⵜⵜⵄⴰⵡⴰⵏⴻⵏ ⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⴰⴽⴽⴻⵏ ⴰⴷ ⵙⵙⴻⵖⵍⵉⵏ ⵎⴰⴰⵎⴰⵔ ⴻⵍ-ⴳⵓⴻⴷⴷⴰⴼⵉ ⵙ ⵢⵉⵖⵉⵍ ⴰⵙⴻⵔⴷⴰⵙⴰⵏ ».