ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵔ ⵢⴻⵜⵜⵄⴻⵟⵟⵉⵍ ⴰⵔⴰ ⴰⴷ ⵢⵉⵍⵉ ⵓⵖⴻⵔⵔⴰⴱⵓ ⴳⴰⵔ ⵎⴻⵙⵜⵖⴰⵏⴻⵎ ⴷ ⵠⴰⵍⴻⵏⵛⵉⴰ (ⵙⵒⴻⵏⵢⵓⵍ)
ⵎⴻⵙⵜⵖⴰⵏⴻⵎ – « ⵓⵔ ⵢⴻⵜⵜⵄⴻⵟⵟⵉⵍ ⴰⵔⴰ » ⴰⴷ ⵢⵉⵍⵉ ⵓⵖⴻⵔⵔⴰⴱⵓ ⴳⴰⵔ ⵎⴻⵙⵜⵖⴰⵏⴻⵎ ⴷ ⵠⴰⵍⴻⵏⵛⵉⴰ (ⵙⵒⴻⵏⵢⵓⵍ) ⵉ ⵓⵎⴻⵙⵏⵉ ⵏ ⵢⵉⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵡⵉⵍⴰⵢⵜ ⴰⵙⵙ ⵏ ⵍⴰⵕⴻⴱⵄⴰ.
ⵙ ⵡⴰⵢⴰ, ⵜⴰⴽⴻⴱⴱⴰⵏⵉⵜ ⵏ ⵓⵙⴰⴳⴻⵏ (ⵎⴰⵔⵙⴰ) ⵏ ⵎⴻⵙⵜⵖⴰⵏⴻⵎ ⵜⴻⵡⵊⴻⴷ ⴰⴷ ⴷ-ⵜⵀⴻⵢⵢⵉ ⵍⴻⵎⵅⴰⵣⴻⵏ ⵙⴷⴰⵜ ⵓⴳⵏⴻⵏⵏⴰ (ⵔⴰⵚⵉⴼ) ⵏ « ⵍⵎⴻⵖⵔⴻⴱ » ⵢⴻⵔⵏⴰ ⴰⴷ ⵜⴻⵏ-ⵜⴻⵔⵔ ⴷ ⵜⴰⵖⵙⴻⵔⵜ ⴰⵢⵙⴻⴳ ⴰⴷ ⵔⴻⴽⴽⴱⴻⵏ ⵢⵉⵎⵙⵉⴽⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.
ⴰⴳⵏⴻⵏⵏⴰ ⵏ « ⵍⵎⴻⵖⵔⴻⴱ » ⵍⵍⴰⵏ ⴷⴻⴳ-ⵙ 3 ⵏ ⵢⵉⵎⵓⴽⴰⵏ ⴰⵢ ⵍⴰ ⵜⵜⵚⴻⴳⴳⵉⵎⴻⵏ ⴰⴽⴽⴻⵏ ⴰⴷ ⵃⴻⴱⴱⵙⴻⵏ ⴷⴻⴳ-ⵙⴻⵏ ⵢⵉⵖⴻⵔⵔⵓⴱⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵔⵏⴰⵏ.
ⴰⵡⴰⵍⵉ ⵏ ⵎⴻⵙⵜⵖⴰⵏⴻⵎ, ⵜⴻⵎⵎⴰⵔ ⴰⴱⴷⴻⵍⵡⴰⵀⵉⴷ, ⵢⴻⵔⵣⴰ ⴰⵙⵙ ⵏ ⵜⵜⵍⴰⵜⴰ ⴰⴽⴽⴻⵏ ⴰⴷ ⵢⴻⵙⵙⴻⴼⵇⴻⴷ ⵜⴰⴽⴻⴱⴱⴰⵏⵉⵜ ⵏ ⵓⵙⴰⴳⴻⵏ ⵢⴻⵔⵏⴰ ⴰⴷ ⵉⵥⴻⵔ ⴷ ⴰⵛⵓ-ⵜⴻⵏⵜ ⵜⵣⴻⵎⵎⴰⵔ ⴰⵢ ⵜⴻⵙⵄⴰ ⵙⴻⴳ ⵢⵉⴷⵉⵙ ⵏ ⵢⵉⵅⴻⴷⴷⴰⵎⴻⵏ ⴷ ⵜⵜⴰⵡⵉⵍ ⴰⴽⴽⴻⵏ ⴰⴷ ⵢⴻⴱⴷⵓ ⵓⵀⴻⵢⵢⵉ ⵏ ⵓⵎⴽⴰⵏ-ⴰ ⴰⵢⵙⴻⴳ ⴰⴷ ⵉⵇⴻⵍⵍⴻⵄ ⵓⵖⴻⵔⵔⴰⴱⵓ ⵙⴻⴳ ⵎⴻⵙⵜⵖⴰⵏⴻⵎ ⵖⴻⵔ ⵠⴰⵍⴻⵏⵛⵉⴰ.
ⴰⵙⴻⵏⴼⴰⵔ ⵏ ⵜⴻⵖⵙⴻⵔⵜ ⵜⴰⵡⵍⴰⵍⵜ (ⵎⴰⵃⴰⵟⵟⴰ ⴱⴰⵃⵔⵉⵢⵢⴰ) ⴰⴷ ⴷ-ⵢⴻⴳⵍⵓ ⵙ ⵍⴼⴰⵢⴷⴰ ⵉ ⵜⵡⵉⵍⴰⵢⵜ ⵏ ⵎⴻⵙⵜⵖⴰⵏⴻⵎ ⴷ ⵜⵡⵉⵍⴰⵢⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ⵉⵎⵉ ⴰⵢⴰ ⴰⴷ ⵢⴻⵙⵙⴻⵏⵇⴻⵙ ⵍⵃⴻⵕⵙ ⵖⴻⴼ ⵓⵙⴰⴳⴻⵏ ⵏ ⵡⴻⵀⵕⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ.
