ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⴻⴷⴷⵢ ⵀⴻⵔⵔ ⵏ ⵓⵜⵉⵏⵉⵙ: ⵉⴱⴱⵧⵓ ⵜⵄⴻⴷⴷⴰ ⵖⴻⵔ ⵜⵓⵣⵣⵢⴰ ⵜⵉⵙ ⵙⵏⴰⵜ

ⴼⵍⵧⵔⵉⴷⴰ – ⵄⴻⴷⴷⴰⵏⵜ ⵜⵎⴰⵔⵉⵔⵜ ⵜⴰⴷⵣⴰⵢⵔⵉⵜ ⵉⵏⴻⵙ ⵉⴱⴱⵧⵓ ⴷ ⵜⴻⵔⴼⵉⵇⵜ-ⵏⵏⴻⵙ ⵜⴰⵎⵓⵍⴷⴰⵠⵉⵜ ⴰⵏⴰⵙⵜⴰⵛⵉⴰ ⴷⴻⵜⵉⵓⵛ ⵖⴻⵔ ⵜⵓⵣⵣⵢⴰ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⵍⵖⵓⵖⴰ ⵜⴰⴳⵔⴰⵖⵍⴰⵏⵜ ⵏ ⴻⴷⴷⵢ ⵀⴻⵔⵔ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴳⴰⵔ 30 ⵏⵡⴻⵎⴱⴻⵕ ⴷ 6 ⴷⵓⵊⴻⵎⴱⴻⵕ ⴷⴻⴳ ⴼⵍⵧⵔⵉⴷⴰ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ) ⴷⴻⴼⴼⵉⵔ ⵎⴰ ⵔⵏⴰⵏⵜ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⵜⴰⴽⵓⵍⵓⵎⴱⵉⵜ ⴻⵎⵉⵍⵉⴰⵏⴰ ⴰⵔⴰⵏⴳⵧ ⴷ ⵜⴻⵙⵡⵉⴷⵉⵜ ⵎⵉⵔⵊⴰ ⴱⵊⵧⵔⴽⵍⵓⵏⴷ ⴷⴻⴳ ⵙⵉⵏ ⵏ ⵢⵉⵃⵔⵉⵛⴻⵏ (6-2 ⴷ 6-2).

ⴷⴻⴳ ⵜⵓⵣⵣⵢⴰ ⴰⵢ ⴷ-ⵢⴻⵜⵜⴻⴷⴷⵓⵏ, ⵉⴱⴱⵧⵓ ⴷ ⴷⴻⵜⵉⵓⵛ ⴰⴷ ⵎⵇⴰⴱⴰⵍⴻⵏⵜ ⴷ ⵜⵎⴰⵔⵉⴽⴰⵏⵉⵢⵉⵏ ⴽⴻⵍⵍⵉ ⵛⵀⴻⵏ ⴷ ⵎⴻⵉⴱⵍⴻ ⵛⵀⵉ.

ⵜⴰⵍⵖⵓⵖⵜ-ⴰ ⵏ ⵜⴻⴼⵔⵉⵇⵜ ⵏ ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ ⵜⴻⴹⴹⴻⴼ ⴰⵎⴽⴰⵏ ⵡⵉⵙ 29 ⴷⴻⴳ ⵓⵎⴰⴹⴰⵍ, ⵢⴻⵔⵏⴰ ⴰⴷ ⵜⴻⵜⵜⴻⴽⴽⵉ ⴷⴰⵖ ⴷⴻⴳ ⵜⴼⴻⵍⵡⵉⵜ ⵜⴰⵃⴻⵔⴼⵉⵜ (ⴰⵏⴷⴰ ⴰⴷ ⵜⵓⵔⴰⵔ ⵉ ⵢⵉⵎⴰⵏ-ⵏⵏⴻⵙ) ⴰⵏⴷⴰ, ⵓⵍⴰ ⴷⵉⵏ ⵜⵄⴻⴷⴷⴰ ⵖⴻⵔ ⵜⵓⵣⵣⵢⴰ ⵜⵉⵙ ⵙⵏⴰⵜ ⵎⵉ ⵜⴻⵔⵏⴰ ⵜⴰⴱⵉⵍⵊⵉⴽⵉⵜ ⵍⴰⵔⴰ ⵙⴰⵍⴷⴻⵏ ⵙ ⵙⵉⵏ ⵏ ⵢⵉⵃⵔⵉⵛⴻⵏ (6-3, 6-3).

ⴷⴻⴳ ⵜⵓⵣⵣⵢⴰ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵜⴼⴻⵍⵡⵉⵜ ⵜⴰⵃⴻⵔⴼⵉⵜ, ⴰⴷ ⵜⴻⵎⵇⴰⴱⴰⵍ ⵜⵍⴻⵎⵥⵉⵜ-ⴰ ⵜⴰⴷⵣⴰⵢⵔⵉⵜ ⵏ 16 ⵏ ⵢⵉⵙⴻⴳⴳⴰⵙⴻⵏ ⴷ ⵜⵎⴰⵔⵉⵔⵜ ⵜⴰⵕⵓⵎⴰⵏⵉⵜ ⵧⴰⵏⴰ ⴳⴰⵠⵔⵉⵍⴰ ⵢⴻⵔⵏⴰ ⵜⵉⵏ ⴰⴷ ⵢⴻⵔⵏⵓⵏ ⴰⴷ ⵜⵄⴻⴷⴷⵉ ⵖⴻⵔ ⵜⵓⵣⵣⵢⴰ ⵜⵉⵙ 3, ⴷ ⵜⵓⵣⵣⵢⴰ ⵜⴰⵏⴻⴳⴳⴰⵔⵓⵜ ⵓⵇⴱⴻⵍ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ.