ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⵔⴰⵄ ⵏ ⴷⴰⵄⴻⵛ ⴷⴻⴳ ⵍⵉⴱⵢⴰ « ⵢⴻⵃⴱⴻⵙ » ⵖⴻⴼ ⵍⴵⴰⵍ ⵏ ⵍⴻⵅⵚⴰⵚ ⵏ ⵢⵉⴷⵔⵉⵎⴻⵏ

ⵒⴰⵔⵉⵙ – ⵜⴰⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ) ⴷ « ⴰⵎⵉⵀⵉ (ⵅⴰⵟⴰⵔ) ⵉⴱⴰⵏⴻⵏ ⵖⴻⴼ ⵍⵉⴱⵢⴰ, ⴰⵎⴰ ⵙ ⵍⵇⵉⵙ ⵓⵇⵔⵉⴱ, ⴰⵎⴰ ⵙ ⵍⵇⵉⵙ ⵓⴱⵄⵉⴷ », ⴷ ⴰⵛⵓ ⴽⴰⵏ, ⴰⵣⵔⴰⵄ-ⵏⵏⴻⵙ ⴷⴻⴳ ⵡⴰⴽⴰⵍ ⴰⵍⵉⴱⵉ « ⵢⴻⵃⴱⴻⵙ » ⵖⴻⴼ ⵍⴵⴰⵍ ⵏ ⵍⴻⵅⵚⴰⵚ ⵏ ⵢⵉⴷⵔⵉⵎⴻⵏ ⴷ ⵜⵉⴳⵉⵜ ⴰⵢ ⵜ-ⵓⴳⵉⵏ ⵢⵉⵎⴻⵣⴷⴰⵖⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵙⴻⴳ ⵎⴻⵍⵎⵉ ⴽⴰⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵢⵉⵡⴻⵏ ⵏ ⵓⵕⴰⴱⵓⵍ.

ⴰⵡⴰⵏⴰⴽ ⵉⵙⵍⴰⵎⴰⵏ ⵢⴻⴹⴹⴻⴼ ⵉⵃⵔⵉⵛⴻⵏ ⴷ ⵉⵎⴻⵇⵔⴰⵏⴻⵏ ⵏ ⵡⴰⴽⴰⵍ ⴷⴻⴳ ⵙⵓⵔⵢⴰ ⴷ ⵄⵉⵔⴰⵇ ⵢⴻⵔⵏⴰ ⵉⴼⵓⵕⴻⵙ ⵙⴻⴳ ⵓⵔⵡⴰⵢ ⴷⴻⴳ ⵍⵉⴱⵢⴰ ⴰⴽⴽⴻⵏ ⴰⴷ ⵢⴻⴹⴹⴻⴼ ⴷⵉⵏ ⴰⴽⴰⵍ ⴷⴻⴳ 2014. ⵏⴰⵇⴰⵍ ⵜⴻⴹⴹⴻⴼ ⵜⴻⴳⵔⴰⵡⵜ-ⴰ ⵜⴰⵔⴻⴱⵔⴰⴱⵜ ⵜⴰⵎⴷⵉⵏⵜ ⵏ ⴷⴻⵔⵏⴰ, ⵙⴰⴽⴽⵉⵏ ⴹⴹⴼⴻⵏ ⵜⴰⵎⴷⵉⵏⵜ ⵏ ⵙⵉⵔⵜ ⴷⴻⴳ ⴼⵓⵕⴰⵕ ⵏ 2015. ⵙ ⵡⴰⵢⴰ, ⵜⴰⴳⵔⴰⵡⵜ-ⴰ ⵜⵓⵖⴰⵍ ⴷ ⵜⵓⴳⴳⵣⴰ (ⵜⴰⵀⴷⵉⴷ) ⵉⴱⴰⵏⴻⵏ ⴰⵎⴰ ⵙ ⵍⵇⵉⵙ ⵓⵇⵔⵉⴱ, ⴰⵎⴰ ⵙ ⵍⵇⵉⵙ ⵓⴱⵄⵉⴷ, ⵖⴻⴼ ⵡⴰⴽⴽⴻⵏ ⴰⵢ ⵙⵜⴻⵄⵕⴼⴻⵏ ⵢⵉⵎⴰⵣⵣⴰⵢⴻⵏ-ⴰ ⵏ ⵓⵙⴻⵇⵇⴰⵎⵓ ⵏ ⵓⵄⴰⵇⴻⴱ ⵏ ⵓⵥⴻⴹⴹⴰ ⴰⵔⴻⴱⵔⴰⴱ ⵏ ⵍⵇⴰⵄⵉⴷⴰ.

ⵍⵉⴱⵢⴰ ⴷ ⵜⴰⵎⵓⵔⵜ ⵢⴻⵇⵇⵏⴻⵏ ⴳⴰⵔ ⵜⴻⵎⵏⴰⴹⵉⵏ ⵏ ⵓⴳⵎⵓⴹ ⴰⵍⴻⵎⵎⴰⵙ, ⵜⴰⴼⵔⵉⵇⵜ ⴷ ⵜⵓⵕⵓⴼⵜ ⵢⴻⵔⵏⴰ ⵜⴻⵙⵄⴰ ⴰⵣⴰⵍ ⴷ ⴰⵙⵓⴷⴷⵙⴰⵏ (ⵉⵙⵜⵔⴰⵜⵉⴵⵉ) ⵖⴻⵔ ⵢⵉⵎⴹⴻⴱⴱⵔⴻⵏ ⵏ ⵜⴻⴳⵔⴰⵡⵜ ⵏ ⴷⴰⵄⴻⵛ, ⴷⵖⴰ ⵖⴻⴼ ⵡⴰⵢⴰ ⴰⵢ ⴱⵖⴰⵏ ⴰⴷ ⴼⴰⵕⵙⴻⵏ ⵜⴰⴳⵏⵉⵜ ⴰⴷ ⵙⵎⴻⵖⵔⴻⵏ ⴰⴽⴰⵍ-ⵏⵙⴻⵏ ⴷⴻⴳ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵕⴰⴱⵓⵍ ⵏ ⵢⵉⵎⴰⵣⵣⴰⵢⴻⵏ-ⴰ.

ⴷ ⴰⵛⵓ ⴽⴰⵏ, ⴷⴰⵄⴻⵛ ⵓⵔ ⵢⴻⵍⵍⵉ ⴰⵔⴰ ⴷ ⵜⴰⴳⵔⴰⵡⵜ ⵜⵉⵎⵙⴻⵍⵍⴻⵃⵜ ⵜⴰⵡⵃⵉⴷⵜ ⴷⴻⴳ ⵜⴻⵎⵏⴰⴹⵜ-ⴰ ⵉⵛⴻⵡⵡⵍⴻⵏ, ⵡⴰⵏⴰⴳ ⴰⵟⴰⵙ ⵏ ⵜⴻⴳⵔⴰⵡⵉⵏ ⵜⵉⵍⵉⴱⵉⵢⵉⵏ ⵜⵉⵅⵚⵉⵎⵉⵏ ⴰⵢ ⵢⴻⵍⵍⴰⵏ ⴷⴰⵖ ⴷⵉⵏ, ⵢⴻⵔⵏⴰ « ⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵉⵏ-ⴰ ⴱⴻⴷⴷⴻⵏ ⴷⴻⴳ ⵡⵓⴷⴻⵎ-ⵏⵏⴻⵙ ⵙ ⵍⴵⴻⵀⴷ, ⴰⵎ ⵡⴰⴽⴽⴻⵏ ⴰⵢ ⴰⵙ-ⴷ-ⵢⵓⵙⴰ ⵢⴻⵡⵄⴻⵕ (ⵉ ⴷⴰⵄⴻⵛ) ⴰⴷ ⵢⴻⴷⴷⵓⴽⴽⴻⵍ ⴷ ⵜⴻⴳⵔⴰⵡⵉⵏ ⵏ ⵜⴻⵎⵏⴰⴹⵜ-ⴰ ».

ⴰⵕⴰⴱⵓⵍ-ⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⴷⴰⵄⴻⵛ ⴷⴻⴳ ⵜⴻⵎⵏⴰⴹⵜ-ⴰ ⴰⵜⵏⵉ ⴳⴰⵔ 2000 ⴷ 3000, ⴳⴰⵔ-ⴰⵙⴻⵏ 1500 ⴷⴻⴳ ⵜⴻⵎⴷⵉⵏⵜ ⵏ ⵙⵉⵔⵜ.

ⵎⴻⵏⵖⵉⵔ 2000 ⵏ ⵢⵉⵎⴷⴰⵏⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⵎⵓⵔⴰ ⵏ ⵓⵣⵖⴰⵔ, ⵜⴰⴳⵔⴰⵡⵜ ⵏ ⵓⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) « ⵓⵔ ⵜⴻⵙⵙⴰⵡⴻⴹ ⴰⵔⴰ ⴰⴷ ⵜⴻⵔⵏⵓ ⴰⴷ ⵜⴻⵙⵙⵉⴷⴻⴼ ⵓⴳⴰⵔ ⵏ ⵎⴻⴷⴷⴻⵏ ⵙⴻⴳ ⵜⵎⵓⵔⴰ ⵏⵉⴹⴻⵏ ⴰⴽⴽⴻⵏ ⴰⵢ ⵜⴻⵙⵙⴰⵡⴻⴹ ⴷⴻⴳ ⵙⵓⵔⵢⴰ ⴷ ⵄⵉⵔⴰⵇ ». ⵙ ⵡⴰⵢⴰ, ⵓⵔ ⵜⵜⵡⴰⵙⵙⵏⴻⵏ ⴰⵔⴰ ⵡⵓⵕⵓⴼⵉⵢⴻⵏ, ⵡⴰⵍⴰ ⵜⵉⵍⴰⵡⵉⵏ ⵏⴻⵖ ⵜⵉⵡⴰⵛⵓⵍⵉⵏ ⴰⵢ ⵢⴻⴷⴷⴰⵏ ⵖⴻⵔ ⵜⴻⴳⵔⴰⵡⵜ-ⴰ ⵜⴰⵔⴻⴱⵔⴰⴱⵜ ⴷⴻⴳ ⵍⵉⴱⵢⴰ.