ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

3300 ⵏ ⵢⵉⵎⴷⴰⵏⴻⵏ ⴰⵢ ⵉⴼⴻⵔⵏⴻⵏ ⴰⵎⴽⴰⵏ ⵏ ⵜⵏⴻⵣⴷⵓⵖⵜ-ⵏⵙⴻⵏ ⵏ ⵍⵒⵒ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵣⴰⵍ ⵏ 3300 ⵙⴻⴳ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⵖⴻⵔ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵜⴰⵙⵎⴰⵍⴰⵏⵜ ⵜⴰⵏⴰⴳⴷⵓⴷⵜ (ⵍⵒⵒ) ⴰⵢ ⵉⴼⴻⵔⵏⴻⵏ ⵉⵎⵓⴽⴰⵏ ⴰⵢⴷⴻⴳ ⴰⴷ ⵣⴻⴷⵖⴻⵏ. ⴰⴼⵔⴰⵏ-ⴰ ⵢⴻⴱⴷⴰ-ⴷ ⵙⴻⴳ 1ⵓⵜ ⴷⵓⵊⴻⵎⴱⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ ⴷ ⵜⴻⵎⴷⵉⵏⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ. ⴰⵙⵎⴻⵍ ⵏ ⵉⵏⵜⴻⵔⵏⴻⵜ ⵏ ⵡⴰⵀⵉⵍ-ⴰ ⵏ ⵜⵏⴻⵣⴷⵓⵖⵜ ⵔⵣⴰⵏ-ⴷ ⴼⴻⵍⵍ-ⴰⵙ ⵓⴳⴰⵔ ⵏ 11.000 ⵏ ⵜⵉⴽⴽⴰⵍ ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵎⴰⵙⵙ ⵜⴻⴱⴱⵧⵓⵏⴻ ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵉ ⵜⵓⵜⵜⵔⵉⵡⵉⵏ ⵙ ⵡⴰⵡⴰⵍ ⴷⴻⴳ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « 3300 ⵙⴻⴳ ⵡⵉⴷ ⵢⴻⵎⵎⴻⵕⴽⴰⵏ ⴰⵢ ⵉⴼⴻⵔⵏⴻⵏ ⴰⵎⴽⴰⵏ ⵏ ⵜⵏⴻⵣⴷⵓⵖⵜ-ⵏⵙⴻⵏ ».

ⵢⴻⵙⵙⵓⵜⴻⵔ ⴷⴰⵖ ⵓⵏⴻⵖⵍⴰⴼ ⵙⵙⵎⴰⵃ ⵙⴻⴳ ⵡⵉⴷ ⴰⵢ ⴷ-ⵢⴻⵎⵎⴻⵕⴽⴰⵏ ⵢⴻⵔⵏⴰ ⵎⵍⴰⵍⴻⵏ-ⴷ ⵓⴳⵓⵔⴻⵏ ⵉⵜⴻⴽⵏⵉⵢⴻⵏ ⴷⴻⴳ ⵓⴼⵔⴰⵏ ⵏ ⵓⵎⴽⴰⵏ ⵏ ⵜⵏⴻⵣⴷⵓⵖⵜ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⴳⵓⵔⴻⵏ-ⴰ ⵍⵀⴰⵏ-ⴷ ⵢⵉⴷ-ⵙⴻⵏ ⴰⴽⴽⴻⵏ ⴰⴷ ⵜⴻⵏ-ⴼⵔⵓⵏ.

ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵎⴰⵍ ⴰⵚⵓⴽⴰⵏ (ⴻⵏⵒⵉ) ⵜⴻⵔⵥⴻⵎ ⴰⵙⵙ ⵏ 1ⵓ ⴷⵓⵊⴻⵎⴱⴻⵕ ⴰⵙⵎⴻⵍ ⵏ ⵉⵏⵜⴻⵔⵏⴻⵜ ⵉ ⵡⵉⴷ ⴰⵢ ⴷ-ⵢⴻⵎⵎⴻⵕⴽⴰⵏ ⵖⴻⵔ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵜⴰⵙⵎⴰⵍⴰⵏⵜ ⵜⴰⵏⴰⴳⴷⵓⴷⵜ (ⵍⵒⵒ) ⴰⵢ ⵉⵅⴻⵍⵍⵚⴻⵏ ⵉⵃⵔⵉⵛⴻⵏ ⴰⵎⴻⵣⵡⴰⵔⵓ ⴷ ⵡⵉⵙ ⵙⵉⵏ ⴰⴽⴽⴻⵏ ⴰⴷ ⴼⴻⵔⵏⴻⵏ ⴰⵎⴽⴰⵏ ⴰⵢⴷⴻⴳ ⴰⴷ ⵜⵉⵍⵉ ⵜⵏⴻⵣⴷⵓⵖⵜ-ⵏⵙⴻⵏ.

ⵖⴻⴼ ⵓⵎⴻⴷⵢⴰ, ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵣⴻⵎⵔⴻⵏ ⴰⴷ ⴼⴻⵔⵏⴻⵏ ⴰⵎⴽⴰⵏ ⵏ ⵜⵏⴻⵣⴷⵓⵖⵜ ⴷⴻⴳ 28 ⵏ ⵢⵉⵎⵉⴽⴰⵏ ⵢⴻⵍⵍⴰⵏ ⴷⴻⴳ ⵙⵉⴷⵉ ⵄⴻⴱⴷⴻⵍⵍⴰⵀ, ⵡⵍⴰⴷ ⴼⴰⵢⴻⵜ, ⵄⵉⵏ ⵍⴱⴻⵏⵢⴰⵏ, ⵙⵧⵓⵉⴷⴰⵏⵉⴰ, ⵣⵣⵔⴰⴷⵍⴰ, ⴱⵓⵕⵊ ⵍⴱⴻⵃⵔⵉ, ⵄⵉⵏ ⵟⴰⵢⴰ, ⴱⵓⵕⵊ ⵍⴽⵉⴼⴰⵏ, ⵔⵔⵖⴰⵢⴰ, ⵔⵔⵡⵉⴱⴰ, ⵙⵟⴰⵡⴰⵍⵉ ⴷ ⴱⴰⵛ ⴵⴻⵕⵕⴰⵃ.

ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ ⵏ 2013 ⵣⴻⵎⵔⴻⵏ ⴰⴷ ⴼⴻⵔⵏⴻⵏ ⵉⵎⵓⴽⴰⵏ-ⵏⵙⴻⵏ ⵎⵉ ⴰⴷ ⵉⴼⴰⴽ ⵓⴼⵔⴰⵏ ⵏ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2001 ⴷ 2002, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⴷⵓⵊⴻⵎⴱⴻⵕ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴻⴱⴱⵧⵓⵏⴻ.

ⵎⵉ ⴷ-ⵢⴻⵔⵔⴰ ⵖⴻⴼ ⵜⵓⵜⵜⵔⵉⵡⵉⵏ ⵙ ⵡⴰⵡⴰⵍ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵢⴻⴼⴽⴰ ⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ 10.000 ⵉ ⵓⵏⴰⴱⴰⴹ ⴰⴽⴽⴻⵏ ⴰⴷ ⵜⴻⵏ-ⵢⴻⵙⵄⴻⴷⴷⵉ, ⵢⴻⵔⵏⴰ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⵔⵏⵓ ⵓⵏⴻⵖⵍⴰⴼ ⴰⴷ ⵢⴻⴼⴽ ⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ 16.000 ⵏ ⵜⵏⴻⵣⴷⵓⵖⵉⵏ ⵏⵉⴹⴻⵏ ⴰⴽⴽⴻⵏ ⴰⴷ ⵜⴻⵏ-ⵢⴻⵙⵄⴻⴷⴷⵉ ⵓⵏⴰⴱⴰⴹ.