ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ: ⴰⵍⴰ 4 ⵏ ⵜⴻⵖⵍⴰⵎⵉⵏ ⵓⵔ ⵉⴱⴻⴷⴷⵍⴻⵏ ⴰⵔⴰ ⴰⵙⵍⴻⵖⵎⴰⵢ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵖⵍⴰⵎⵜ ⵏ ⵎⵛ ⵡⴻⵀⵕⴰⵏ ⴷ ⵏⴻⵜⵜⴰⵜ ⴰⵢ ⴷ ⵜⵉⵙ 12 ⴷⴻⴳ ⵜⴻⵎⵖⵓⵏⵜ 1ⵓⵜ ⵏ ⵜⵛⵉⵔⵜ ⵏ ⵓⴹⴰⵔ ⴰⴷ ⵢⴻⵙⵙⵓⴼⴼⵖⴻⵏ ⴰⵙⵍⴻⵖⵎⴰⵢ-ⵏⵏⴻⵙ (ⵎⵓⴷⴰⵔⵔⵉⴱ) ⴷⴻⴼⴼⵉⵔ ⵎⴰ ⵢⴻⵜⵜⵡⴰⴱⵟⴻⵍ ⵍⴻⵄⵇⴻⴷ ⵏ ⵊⴻⴰⵏ-ⵎⵉⵛⵀⴻⵍ ⵛⴰⵠⴰⵍⵍⵉ ⴰⵙⵙ ⵏ ⵍⴰⵕⴻⴱⵄⴰ.
ⵙ ⵡⴰⵢⴰ, ⵇⵇⵉⵎⴻⵏⵜ-ⴷ ⴰⵍⴰ 4 ⵏ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵜ 1ⵓⵜ ⵓⵔ ⵉⴱⴻⴷⴷⵍⴻⵏ ⴰⵔⴰ ⴰⵙⵍⴻⵖⵎⴰⵢ ⴷⴻⴳ ⵡⴰⵙⵙ ⵡⵉⵙ 13 ⵏ ⵜⴻⵍⵖⵓⵖⴰ. ⴰⵢⴰ ⵢⴻⵙⵙⴽⴰⵏⴰⵢ-ⴷ ⴷ ⴰⴽⴽⴻⵏ ⵜⵉⵖⵍⴰⵎⵉⵏ-ⴰ ⵓⵔ ⵔⴽⵉⴷⴻⵏⵜ ⴰⵔⴰ ⵙⴻⴳ ⵢⵉⴷⵉⵙ ⴰⵜⴻⴽⵏⵉ ⵢⴻⵔⵏⴰ ⴰⵢⴰ ⵢⴻⵍⵍⴰ-ⴷ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ.
ⵜⵉⵖⵍⴰⵎⵉⵏ ⵓⵔ ⵉⴱⴻⴷⴷⵍⴻⵏ ⴰⵔⴰ ⴰⵙⵍⴻⵖⵎⴰⵢ ⴰⵙⴻⴳⴳⴰⵙ-ⴰ ⵏⵉⵜⴻⵏⵉ ⴷ ⵓⵙⵎ ⵍⴻⵣⵣⴰⵢⴻⵔ, ⵛⵔ ⴱⴻⵍⵧⵓⵉⵣⴷⴰⴷ, ⴷⵔⴱ ⵜⴰⴵⵏⴰⵏⵜ ⴷ ⵓⵙⵎ ⵍⵃⴻⵕⵕⴰⵛ, ⵢⴻⵔⵏⴰ ⴷ ⵜⵉ ⴰⵢ ⴷ 4 ⵏ ⵜⴻⵖⵍⴰⵎⵉⵏ ⵜⵉⵎⴻⵣⵡⵓⵔⴰ ⴷⴻⴳ ⵓⵙⴻⵜⵜⴻⴼ ⴰⵖⴻⵍⵏⴰⵡ.
ⵜⴰⵖⵍⴰⵎⵜ ⵏ ⵓⵙⵎ ⵍⴻⵣⵣⴰⵢⴻⵔ, ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵜⵜⴻⴼ, ⵎⴰⵣⴰⵍ-ⵉⵜⵜ ⵍⴰ ⵜⴻⵜⵜⴽⴻⵎⵎⵉⵍ ⴰⵎⴻⵛⵡⴰⵕ ⵉⴳⴻⵔⵔⵣⴻⵏ ⴷⴷⴰⵡ ⵍⴻⵄⵏⴰⵢⴰ ⵏ ⵓⵙⵍⴻⵖⵎⴰⵢ-ⵏⵏⴻⵙ ⵎⵉⵍⵧⵓⴷ ⵀⴰⵎⴷⵉ ⴰⵢ ⵢⴻⴱⴷⴰⵏ ⴰⵅⴻⴷⴷⵉⵎ ⵢⵉⴷ-ⵙ ⴷⴻⴳ ⵢⵓⵏⵢⵓ ⵢⴻⵣⵔⵉⵏ. ⴰⵙⵍⴻⵖⵎⴰⵢ-ⴰ ⵏ 43 ⵏ ⵢⵉⵙⴻⴳⴳⴰⵙⴻⵏ ⵢⴻⵍⵍⴰ ⵓⵔ ⵢⴻⵜⵜⵡⴰⵙⵙⴻⵏ ⴰⵔⴰ ⴷⴻⴳ ⵓⵏⵔⴰⵔ ⵏ ⵜⵛⵉⵔⵜ ⵏ ⵓⴹⴰⵔ, ⵢⴻⵔⵏⴰ ⵓⵍⴰ ⵎⴰ ⵜⴻⵅⵚⴻⵔ ⵓⵙⵎ ⵍⴻⵣⵣⴰⵢⴻⵔ ⵎⴳⴰⵍ ⵜⵒ ⵎⴰⵣⴻⵎⴱⴻ (ⵏ ⵜⴻⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ), ⵎⴰⵣⴰⵍ-ⵉⵜ ⵢⴻⵜⵜⴽⴻⵎⵎⵉⵍ ⴰⵎⴻⵛⵡⴰⵕ-ⵏⵏⴻⵙ ⴷ ⵜⴻⵖⵍⴰⵎⵜ-ⴰ. ⵓⵙⵎ ⵍⴻⵣⵣⴰⵢⴻⵔ ⵜⴻⵣⵡⴰⵔ ⵙ 7 ⵏ ⵜⴻⵏⵇⵉⴹⵉⵏ ⵜⵉⵖⵍⴰⵎⵉⵏ ⵏ ⵛⵔ ⴱⴻⵍⵧⵓⵉⵣⴷⴰⴷ ⴷ ⴷⵔⴱ ⵜⴰⴵⵏⴰⵏⵜ ⵢⴻⴹⴹⴼⴻⵏ ⵉⵎⵓⴽⴰⵏ ⵡⵉⵙ 2 ⴷ ⵡⵉⵙ 3 ⴷⴻⴳ ⵓⵙⴻⵜⵜⴻⴼ, ⵢⴻⵔⵏⴰ ⵓⵙⵎ ⵍⴻⵣⵣⴰⵢⴻⵔ ⵜⵓⵔⴰⵔ 12 ⵏ ⵜⴻⵎⵍⵉⵍⵉⵢⵉⵏ ⵡⴰⵔ ⵎⴰ ⵜⴻⵜⵜⵡⴻⵔⵏⴰ. ⵍⴻⵅⵚⴰⵔⴰ-ⵏⵏⴻⵙ ⵜⴰⵡⵃⵉⴷⵜ, ⴷⴻⴳ ⵜⴻⵍⵖⵓⵖⴰ-ⴰ ⴷ ⵜⵉⵏ ⴰⵢ ⴷ-ⵢⴻⵍⵍⴰⵏ ⵎⵉ ⵜⵓⵔⴰⵔ ⵎⴳⴰⵍ ⵏⴰ ⵃⵓⵙⵉⵏ ⴷⴰⵢ ⵙ 2 ⵖⴻⵔ 1.
ⵙⴻⴳ ⵢⵉⴷⵉⵙ-ⵏⵏⴻⵙ, ⵛⵔ ⴱⴻⵍⵧⵓⵉⵣⴷⴰⴷ ⵜⴻⵊⵎⴻⵄ ⴰⵙⵍⴻⵖⵎⴰⵢ-ⵏⵏⴻⵙ ⴰⵍⴰⵉⵏ ⵎⵉⵛⵀⴻⵍ ⵉ ⵓⵙⴻⴳⴳⴰⵙ ⵡⵉⵙ ⵙⵉⵏ, ⵢⴻⵔⵏⴰ ⵜⵓⵖⴰⵍ-ⴷ ⵙ ⵍⴵⴻⵀⴷ ⵖⴻⵔ ⵜⴻⵍⵖⵓⵖⴰ. ⵎⴰ ⴷ ⴷⵔⴱ ⵜⴰⴵⵏⴰⵏⵜ ⴰⵢ ⴷ-ⵢⵓⵍⵉⵏ ⴰⵙⴻⴳⴳⴰⵙ-ⴰ ⵖⴻⵔ ⵜⴻⵎⵖⵓⵏⵜ ⵜⴰⵎⴻⵣⵡⴰⵔⵓⵜ, ⵎⴰⵣⴰⵍ-ⵉⵜⵜ ⵍⴰ ⵜⴻⵜⵜⵖⴻⵍⵍⵉⵜ ⴰⵔⴽⴰⴷ-ⵏⵏⴻⵙ ⴰⴽⴽⴻⵏ ⴰⴷ ⵜⴳⴻⵔⵔⴻⵣ ⴰⵙⵡⵉⵔ-ⵏⵏⴻⵙ ⴷⴻⴳ ⵡⵓⵔⴰⵔ ⴷⴷⴰⵡ ⵍⴻⵄⵏⴰⵢⴰ ⵏ ⵓⵙⵍⴻⵖⵎⴰⵢ-ⵏⵏⴻⵙ ⵍⵉⴰⵎⵉⵏⴻ ⴱⵧⵓⴳⵀⵔⴰⵔⴰ ⴰⵢ ⵢⴻⴱⴷⴰⵏ ⵢⵉⴷ-ⵙ ⴰⵙⴻⴳⴳⴰⵙ-ⵏⵏⴻⵙ ⵡⵉⵙ 3.
ⵓⵙⵎ ⵍⵃⴻⵕⵕⴰⵛ, ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴻⵔⵔⴰ-ⴷ ⴰⵙⵍⴻⵖⵎⴰⵢ-ⵏⵏⴻⵙ ⵓⵥⵡⵉⵔ, ⴱⵧⵓⴰⵍⴻⵎ ⵛⵀⴰⵔⴻⴼ ⴷⴻⴳ ⵓⵃⵔⵉⵛ ⵡⵉⵙ ⵙⵉⵏ ⵏ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⵢⴻⵣⵔⵉⵏ, ⵢⴻⵔⵏⴰ ⵓⵍⴰ ⴷ ⵜⴰⵖⵍⴰⵎⵜ-ⴰ ⵜⵓⴽⵉ ⵉ ⵍⴼⴰⵢⴷⴰ ⵏ ⵓⵔⴽⴰⴷ ⴷⴻⴼⴼⵉⵔ ⵎⴰ ⵜⴻⵡⵡⵉ-ⴷ ⴰⵎⴻⵛⵡⴰⵕ ⵉⴳⴻⵔⵔⵣⴻⵏ ⴰⵙⴻⴳⴳⴰⵙ-ⴰ, ⵓⵍⴰ ⵎⴰ ⵜⴱⴻⴷⴷⴻⵍ-ⴷ ⴰⵟⴰⵙ ⵏ ⵢⵉⵎⴰⵔⵉⵔⴻⵏ ⴷⴻⴳ ⵓⵏⴻⴱⴷⵓ ⵢⴻⵣⵔⵉⵏ.
