ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵡⴰⴷ ⵙⵓⴼ: 30 ⵏ ⵜⴻⵖⵍⴰⵎⵉⵏ ⴷⴻⴳ ⵜⴻⵍⵖⵓⵖⴰ ⵏ ⵡⴰⴷⴷⴰⵍ ⴷ ⵓⵅⴻⴷⴷⵉⵎ ⵏ ⵜⵛⵉⵔⵜ ⵏ ⵓⴹⴰⵔ

ⵡⴰⴷ ⵙⵓⴼ – 30 ⵏ ⵜⴻⵖⵍⴰⵎⵉⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵏ ⵡⴰⴷⴷⴰⵍ ⴷ ⵓⵅⴻⴷⴷⵉⵎ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵓⵙⴻⴳⴳⴰⵙ ⵏ 2015-2016 ⴰⴷ ⴷ-ⵢⵉⵍⵉⵏ ⴷⴻⴳ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴻⵎⵖⵓⵏⵜ ⵏ ⵡⴰⴷⴷⴰⵍⴻⵏ ⵏ ⵓⵎⴰⵀⵉⵍ ⵏ ⵜⵡⵉⵍⴰⵢⵜ-ⴰ.

ⵜⵉⵖⵍⴰⵎⵉⵏ-ⴰ ⵜⵜⵡⴰⴼⴻⵔⵏⴻⵏⵜ-ⴷ ⵖⴻⴼ ⵍⴻⵃⵙⴰⴱ ⵏ ⵛⵛⵓⵔⵓⴹ ⵢⴻⵔⵣⴰⵏ ⵜⴰⵍⵖⵓⵖⴰ-ⴰ, ⵢⴻⵔⵏⴰ ⴱⴹⴰⵏⵜ ⵖⴻⴼ ⵙⵏⴰⵜ ⵏ ⵜⴻⴳⵔⴰⵡⵉⵏ ⵏ 15 ⵏ ⵜⴻⵖⵍⴰⵎⵉⵏ. ⵢⴻⵍⵍⴰ-ⴷ ⵡⴰⵢⴰ ⴰⴽⴽⴻⵏ ⵓⵔ ⴷ-ⵜⵜⵉⵍⵉⵏ ⴰⵔⴰ ⵡⵓⴳⵓⵔⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⴱⵟⴰⵍ ⵏ ⵓⵎⵣⵉⵣⵡⴻⵔ-ⴰ ⴷⴻⴳ ⵡⴰⵢⴻⵏ ⴰⴽⴽⴰ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵡⴰⴷⴷⴰⵍⴻⵏ ⵏ ⵓⵎⴰⵀⵉⵍ, ⵏⴰⴷⵊⵉ ⵀⴻⵛⵀⵉⴼⴰ.

ⵖⴻⴼ ⵍⴻⵃⵙⴰⴱ ⵏ ⵢⵉⵎⵙⵓⴷⴷⵙⴻⵏ (ⵎⵓⵏⴰⴹⴹⵉⵎⵉⵏ), ⵉⵙⵡⵉ ⵏ ⵜⴻⵍⵖⵓⵖⴰ-ⴰ ⴷ ⴰⵙⵙⴻⴱⵖⴻⵙ ⵏ ⵡⴰⴷⴷⴰⵍ ⴷⴻⴳ ⵜⴽⴻⴱⴱⴰⵏⵉⵢⵉⵏ, ⵍⴰⴷⵖⴰ ⵜⴰⵛⵉⵔⵜ ⵏ ⵓⴹⴰⵔ ⵉⵎⵉ ⴰⵢ ⵜⴻⵜⵜⴻⴳ ⵉⴼⴰⴷⴷⴻⵏ ⵉ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⵙⵄⵓⵏ ⵜⵉⵣⴻⵎⵎⴰⵔ ⵢⴻⵍⵀⴰⵏ.

ⵖⴻⴼ ⵍⴻⵃⵙⴰⴱ ⵏ ⵓⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵡⴰⴷⴷⴰⵍⴻⵏ ⵏ ⵓⵎⴰⵀⵉⵍ ⵏ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ, ⴰⵙⵙⵓⴷⴷⴻⵙ ⵏ ⵜⴻⵍⵖⵓⵖⴰ-ⴰ ⵜⴻⵜⵜⴻⴽⴽⴰ ⵎⵍⵉⵃ ⴷⴻⴳ ⵓⵙⵙⴻⴷⴷⵓ ⵏ ⵕⵕⵓⵃ ⵏ ⵓⵎⵙⵉⵣⵡⴻⵔ ⴷ ⵓⵎⵇⴰⴷⴻⵔ, ⵢⴻⵔⵏⴰ ⵙⵏⴰⵜ-ⴰ ⵏ ⵜⵖⴰⵡⵙⵉⵡⵉⵏ ⴷ ⵔⵔⴱⴻⵃ ⴰⵎⴻⵇⵔⴰⵏ ⴰⵢ ⵙⵙⴰⵔⴰⵎⴻⵏ ⴰⴷ ⴷ-ⵢⵉⵍⵉ ⵙⴻⴳ ⵚⵚⴻⵏⴼ-ⴰ ⵏ ⵓⵎⵙⵉⵣⵡⴻⵔ.