ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⵏⵟⴻⴹ ⵏ ⵜⵎⴻⵏⵟⴰⴹⵉⵏ ⵉ ⵙⵙⴻⵍⵄⴰ ⴷ-ⵢⴻⴽⴽⴰⵏ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵜⴷⵓⴽⵍⵉ ⵜⵓⵕⵓⴼⵉⵜ
ⴱⵔⵓⵅⴻⵍⵍⴻⵙ – ⵉⴳⴻⵔ-ⴷ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⴰⵏⴻⵙⵎⵉⴳⴰⵍ (ⵎⴰⵏⴷⵓⴱ) ⵉ ⵜⵓⵕⵓⴼⵜ, ⵎⵧⵀⴰⵎⴻⴷ ⵙⵉⴷⴰⵜⵉ, ⵜⵉⵖⵔⵉ ⴰⵙⵙ ⵏ ⵍⵃⴻⴷⴷ ⵉ ⵜⴷⵓⴽⵍⵉ ⵜⵓⵕⵓⴼⵉⵜ « ⴰⴽⴽⴻⵏ ⴰⴷ ⴷ-ⵢⵉⵍⵉ ⵡⵓⴳⴰⵔ ⵏ ⵓⵎⵄⴰⵡⴻⵏ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵏⵟⴻⴹ ⵏ ⵜⵎⴻⵏⵟⴰⴹⵉⵏ ⴰⴷ ⴷ-ⵢⴻⵙⴱⴰⵏⴻⵏ ⵙⵙⴻⵍⵄⴰ ⴰⵢ ⴷ-ⵢⴻⴽⴽⴰⵏ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ⴷⴻⴳ 28-ⵏⵏⵉ ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵜⴷⵓⴽⵍⵉ-ⴰ, ⵉⵎⵉ ⵙⵙⴻⵍⵄⴰ-ⴰ ⵓⵔ ⵜⴻⵍⵍⵉ ⴷ « ⵜⴰⵎⴻⵕⵕⵓⴽⵉⵜ ».
« ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ⵙ ⵜⴰⵍⵡⵉⵜ ⴷ ⵜⴻⵖⴷⴻⵎⵜ ⵙ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⴷⵖⴰ ⵖⴻⴼ ⴰⵢⴰ, ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ-ⵏⵏⴻⵙ (ⴷⴻⴳ ⵡⴰⵏⴻⵛⵜ-ⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⵉⴷⴰⵜⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ, ⵢⴻⵏⵏⴰ-ⴷ ⵓⴷⵉⵒⵍⵓⵎⴰⵜⵉ-ⴰ ⴰⵚⴻⵃⵔⴰⵡⵉ ⴷ ⴰⴽⴽⴻⵏ « ⴰⵖⴻⵍⵍⴻⵜ ⵏ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ (ⵜⴰⵔⴰⵡⴰⵜ ⵟⴰⴱⵉⵄⵉⵢⵢⴰ) (ⵏ ⵓⵏⴻⵥⵔⵓⴼ ⵓⵜⵔⵉⵎ) ⴷ ⴰⵣⵔⴻⴼ ⵏ ⵡⵉⴷ ⴽⴰⵏ ⵢⴻⵜⵜⴰⵍⴰⵙⴻⵏ ⴷⴻⴳ ⵜⵏⴰⵢⴰ (ⵙⵉⵢⴰⴷⴰ) ⵏ ⵜⵎⵓⵔⵜ-ⴰ, ⵢⴻⵔⵏⴰ ⵡⵉⴷ ⴷ ⴰⵖⵔⴻⴼ ⴰⵚⴻⵃⵔⴰⵡⵉ (ⴰⵢ ⵍⴰ ⵢⴻⵜⵜⵏⴰⵖⴻⵏ ⵖⴻⴼ ⵓⵣⵔⴻⴼ-ⵏⵏⴻⵙ ⵏ ⵓⴳⴳⵓⵛⵛⴻⵍⵎⴰⵏ) ».
ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵎⴰⵣⴰⵍ ⵜⵜⵡⴰⵍⵉⵏ ⴰⵏⴻⵥⵔⵓⴼ ⵓⵜⵔⵉⵎ ⴷ ⴰⴽⴰⵍ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ) ⵢⴻⵔⵏⴰ ⴰⴽⴰⵍⴰ-ⵏⵏⴻⵙ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵡⴻⵔⵄⴰⴷ ⵓⵔ ⵉⴼⵓⴽ ⴰⵔⴰ, ⴷⵖⴰ ⵖⴻⴼ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⵙⵉⴷⴰⵜⵉ ⴷ ⴰⴽⴽⴻⵏ « ⵓⵔ ⵢⴻⵣⵎⵉⵔ ⴰⵔⴰ ⴰⴷ ⴷ-ⵢⵉⵍⵉ ⵓⵙⵜⴻⵄⵕⴻⴼ ⵙ ⵜⵏⴰⵢⴰ ⵜⴰⵎⴻⵕⵕⵓⴽⵉⵜ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ».
ⵍⵇⴰⵏⵓⵏ ⴰⴳⵔⴰⵖⵍⴰⵏ « ⵢⴻⵜⵜⵡⴻⴽⴽⵉⴷ-ⴷ ⵎⵍⵉⵃ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵛⵉⵡⴻⵕ ⵢⴻⵔⵏⴰ ⴰⴷ ⵢⴻⵇⴱⴻⵍ ⵓⵖⵔⴻⴼ ⴰⵚⴻⵃⵔⴰⵡⵉ ⵖⴻⴼ ⵙ ⴽⵔⴰ ⵏ ⵛⵛⵖⴻⵍ ⵢⴻⵔⵣⴰⵏ ⴰⵖⴻⵍⵍⴻⵜ ⵏ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ (ⵟⴰⴱⵉⵄⵉⵢⵢⴰ) ⵢⴻⵔⵏⴰ ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵢⵉⵍⵉ ⵡⴰⵢⴰ ⵉ ⵍⴼⴰⵢⴷⴰ ⵏ ⵢⵉⵚⴻⵃⵔⴰⵡⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ.
