ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ: ⵍⴻⵣⵣⴰⵢⴻⵔ ⵓⵔ ⵜⴱⴻⴷⴷⴻⵍ ⴰⵔⴰ ⴰⴷⴷⵓⴷ-ⵏⵏⴻⵙ
ⵟⵔⴰⴱⵍⴻⵙ – ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵍⴻⵣⵣⴰⵢⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⴰⴷⴷⵓⴷ-ⵏⵏⴻⵙ « ⵢⴻⵜⵜⴽⴻⵎⵎⵉⵍⴻⵏ ⵢⴻⵔⵏⴰ ⵓⵔ ⵢⴻⵜⵜⴱⴻⴷⴷⵉⵍⴻⵏ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ, ⵎⴰⵔⵜⵉⵏ ⴽⵧⴱⵍⴻⵔ, ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⵉ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵍⵍⵙⴰⵙ ⵉ ⴼⴻⵔⵔⵓ ⵏ ⵜⴰⵍⵓⴼⵜ-ⴰ.
ⵎⵉ ⴷ-ⵢⴻⵙⵙⴰⵡⴻⵍ ⵖⴻⴼ ⵜⴰⵍⵓⴼⵜ ⵏ ⵍⵉⴱⵢⴰ ⴷ ⵓⴱⵔⵉⴷ ⵏ ⴼⴻⵔⵔⵓ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⵎⴰⵙⵙ ⵎⴻⵙⵙⴰⵀⴻⵍ, ⴷ ⴰⴽⴽⴻⵏ ⴰⴷⴷⵓⴷ ⵏ ⵍⴻⵣⵣⴰⵢⴻⵔ « ⵢⴻⵜⵜⴽⴻⵎⵎⵉⵍ ⵢⴻⵔⵏⴰ ⵓⵔ ⵢⴻⵜⵜⴱⴻⴷⴷⵉⵍ » ⵢⴻⵔⵏⴰ ⵡⴰ ⴷ ⴰⴷⴷⵓⴷ ⴰⵢ ⵉⴱⴻⴷⴷⴻⵏ ⵖⴻⴼ « ⵍⵍⵙⵉⵙⴰⵏ ⵏ ⵓⵇⴰⴷⴻⵔ ⵏ ⵜⵏⴰⵢⴰ (ⵙⵉⴷⴰⵢⴰ) ⵏ ⵜⵎⵓⵔⵜ-ⴰ, ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ ⴷ ⵜⴷⵓⴽⵍⵉ-ⵏⵏⴻⵙ, ⴷ ⵓⵎⵙⴻⴼⵀⴰⵎ ⴳⴰⵔ ⵡⴰⵔⵔⴰⵡ ⵏ ⵓⵖⵔⴻⴼ-ⵏⵏⴻⵙ ».
ⴰⵙⵙ ⵏ ⵍⵃⴻⴷⴷ, ⵢⴻⵙⵜⴻⵏⵢⴰ ⵓⵎⵏⵉ (ⴱⴰⵔⵍⴰⵎⴰⵏ) ⴰⵍⵉⴱⵉ ⵏ ⵟⵓⴱⵔⵓⵇ (ⴰⵢⵢⴻⵙ ⵙⵜⴻⵄⵕⴼⴻⵏ ⵍⴻⴵⵏⴰⵙ) ⴷ ⵓⵙⴻⵇⵇⴰⵎⵓ ⴰⵎⴰⵜ ⴰⵖⴻⵍⵏⴰⵡ ⵏ ⵟⵔⴰⴱⵍⴻⵙ « ⴰⵎⵜⴰⵡⴰ ⵏ ⵓⵎⴻⵏⵣⴰⵢ (ⵎⴰⴱⴷⴰ’) ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ ».
ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵎⴰⵙⵙ ⵎⴻⵙⵙⴰⵀⴻⵍ, ⴷⴰⵖ, ⴰⴱⴷⴰⴷ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ « ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵍⵍⵙⴰⵙ ⵢⴻⵔⵏⴰ ⴷ ⴰⴷⵓⵎⴰⵏ ⵉ ⵜⴰⵍⵓⴼⵜ-ⴰ » ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⴷ ⴷⴰⵖ ⵍⴻⵣⵣⴰⵢⴻⵔ ⵖⴻⵔ ⵜⴰⵎⴰ ⵏ ⵢⵉⵙⵙⵓⵎⴰⵔ (ⵎⵓⵇⵜⴰⵔⴰⵃⴰⵜ) ⵏ ⵓⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ.
ⴷⵖⴰ ⵢⴻⵏⵏⴰ-ⴷ ⵎⴰⵙⵙ ⵎⴻⵙⵙⴰⵀⴻⵍ ⴷ ⴰⴽⴽⴻⵏ ⵉⵙⵙⵓⵎⴰⵔ-ⴰ « ⵔⵣⴰⵏ ⴰⵙⵜⴻⵏⵢⵉ ⵓⵄⵊⵉⵍ ⵏ ⵓⵎⵜⴰⵡⴰ ⴰⵙⴻⵔⵜⵉ ⴳⴰⵔ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ, ⵡⴰⵔ ⵍⴻⵄⴹⵉⵍ, ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵉ ⵓⵙⵙⴻⴷⴷⵓ ⵏ ⵜⵎⵓⵔⵜ ⴷⴻⴳ ⵜⴰⵍⵍⵉⵜ ⵏ ⵜⵓⴽⴽⵉⵜ (ⵉⵏⵜⵉⵇⴰⵍ) ⴷ ⵓⵇⴰⴱⴻⵍ ⵏ ⵡⵓⴳⵓⵔⴻⵏ ⵉⵙⴻⵔⵜⵉⵢⴻⵏ, ⵉⵖⴻⵍⵍⵉⵙⴰⵏⴻⵏ ⴷ ⵢⵉⴷⴰⵎⵙⴰⵏⴻⵏ ⵢⴻⴳⴳⵜⴻⵏ ⴰⵢ ⵜⴻⵜⵜⵎⴰⴳⴰⵔ ⵜⵎⵓⵔⵜ ⵏ ⵍⵉⴱⵢⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⵓⵏⴰⴱⴰⴹ-ⴰ ⴰⴷ ⵢⴻⵏⵏⴰⵖ ⵎⴳⴰⵍ ⵔⵔⴻⴱⵔⴰⴱ, ⵍⴰⴷⵖⴰ ⵎⴳⴰⵍ ⵜⴻⴳⵔⴰⵡⵜ ⵏ ⴷⴰⵄⴻⵛ, ⴷ ⵜⴻⴳⵔⴰⵡⵉⵏ ⵢⴻⵇⵇⵏⴻⵏ ⵖⴻⵔ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ⴰⵢ ⵢⴻⵙⵏⵓⵣⵓⵢⴻⵏ ⵍⴻⵙⵍⴰⵃ ⴷ ⵜⴻⵀⵢⵓⴼⵉⵏ ».
