ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴱⴷⴻⴷ ⵏ ⵜⵡⵉⵍⴰⵢⵉⵏ ⵜⵉⵏⴻⵙⵎⵓⴳⴰⵍ ⴷⴻⴳ ⵢⵉⴳⵏⴰⵏ ⵓⵏⵏⵉⴳⴻⵏ ⴷ ⵓⴳⴰⴼⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⴰⵄⴰⵡⴻⴷ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵜⴻⴷⴱⴻⵍⵜ ⴷ ⵓⵙⵙⴻⴱⴷⴻⴷ ⵏ ⵜⵡⵉⵍⴰⵢⵉⵏ ⵜⵉⵏⴻⵙⵎⵓⴳⴰⵍ ⴰⴷ ⴷ-ⵉⵃⴰⵣ ⵜⵉⵡⵉⵍⴰⵢⵉⵏ ⵏ ⵢⵉⴳⵏⴰⵏ ⵓⵏⵏⵉⴳⴻⵏ ⴷⴻⴳ 2016, ⵎⴰ ⴷ ⵜⵉⴷ ⵏ ⵓⴳⴰⴼⴰ (ⵛⴰⵎⴰⵍ) ⴷⴻⴳ 2017.

ⴷⴻⴳ ⵜⵉⵏⴰⵡⵜ-ⵏⵏⴻⵙ (ⴽⴰⵍⵉⵎⴰ) ⵉ ⵍⵎⴻⵏⴷ ⵏ ⴱⴻⴷⴷⵓ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⵏ ⵢⵉⴽⴰⵜⴰⵔⴻⵏ ⵏ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵏ ⵜⴻⵖⵡⴰⵍⵜ ⵜⴰⵏⴻⵎⴳⴰⴳⵜ, ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⵉ ⵢⵉⴽⴰⵜⴰⵔⴻⵏ ⵏ ⵓⵖⴻⵔⴱⴰⵣ-ⴰ ⴰⴽⴽⴻⵏ ⴰⴷ ⴷ-ⵙⵄⴻⵊⵍⴻⵏ ⴰⵙⵙⵉⵍⴻⵖ ⴷⴻⴳ ⵜⵡⵉⵍⴰⵢⵉⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵓⵄⴰⵡⴻⴷ ⵏ ⵓⵙⵙⵓⴷⴷⴻⵙ.

ⵉ ⵓⵙⵎⴻⴽⵜⵉ, 10 ⵏ ⵜⵡⵉⵍⴰⵢⵉⵏ ⵜⵉⵏⴻⵙⵎⵓⴳⴰⵍ (ⵎⵓⵏⵜⴰⴷⴰⴱⴰ) ⴰⵢ ⴷ-ⵢⴻⵜⵜⵡⴰⵙⴱⴻⴷⴷⴻⵏ ⴷⴻⴳ ⵓⵏⵥⵓⵍ (ⴵⴰⵏⵓⴱ) ⵏ ⵜⵎⵓⵔⵜ, ⵢⴻⵔⵏⴰ ⵜⵉ ⴷ ⵜⵉⵎⵉⵎⵓⵏ, ⴱⵓⵕⵊ ⴱⴰⴷⵊⵉ ⵎⵧⴽⵀⵜⴰⵔ, ⴱⵏⵉ ⵄⴻⴱⴱⴰⵙ, ⵡⵍⴰⴷ ⴵⴻⵍⵍⴰⵍ, ⵉⵏ ⵚⴰⵍⴻⵃ, ⵉⵏ ⴳⴻⵣⵣⴰⵎ, ⵜⵓⴳⴳⵓⵔⵜ, ⴵⴰⵏⴻⵜ, ⵎⵖⴻⵢⵢⴻⵔ ⴷ ⴳⵍⵉⵄⴰ.

ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵉⵄⴻⵡⵡⴻⵍ ⴰⴷ ⵉⵄⴰⵡⴻⵏ ⴰⵖⴻⵔⴱⴰⵣ-ⴰ ⴰⴽⴽⴻⵏ ⴰⴷ ⵢⵓⵖⴰⵍ ⴷ ⴰⵖⴻⵔⴱⴰⵣ ⵏ ⵓⵙⵡⵉⵔ ⵉⴼⴰⵣⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⴰⵖⴻⵔⴱⴰⵣ-ⴰ ⵢⴻⵙⵄⴰ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵙⵙⴻⴼⵄⴻⵍ ⵏ ⵓⵙⵙⴻⵜⵔⴻⵔ (ⵄⴰⵚⵔⴰⵏⴰ) ⵏ ⵜⴻⴷⴱⴻⵍⵜ ⵜⴰⴷⵣⴰⵢⵔⵉⵜ ⴷ ⵜⴻⴽⵙⴰⵎⵎⴰⵙⵜ (ⵍⴰⵎⴰⵔⴽⴰⵣⵉⵢⵢⴰ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵓⴼⴼⴻⵖ ⵏ ⵍⴻⴽⵡⴰⵖⴻⴹ.

ⵉⴳⴻⵔ-ⴷ ⴷⴰⵖ ⵓⵏⴻⵖⵍⴰⴼ ⵜⵉⵖⵔⵉ ⵉ ⵓⴼⴰⴽⵉ ⵏ ⵛⵛⵖⴻⵍ ⵏ ⵓⵙⵙⴻⵜⵔⴻⵔ ⴷ ⵓⵙⵙⵉⴼⵙⴻⵙ ⵏ ⵓⵙⵙⵓⴼⴼⴻⵖ ⵏ ⵍⴻⴽⵡⴰⵖⴻⴹ ⴷⴻⴳ ⵓⵙⴻⴳⴳⴰⵙ-ⴰ, ⵢⴻⵔⵏⴰ ⵛⵛⵖⴻⵍ-ⴰ ⵢⴻⵙⵙⴰⵡⴻⴹ ⵢⴰⴳⵉ ⵖⴻⵔ 50% ⵙⴻⴳ ⵢⵉⵙⵡⵉ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵢⴻⴱⴷⴻⵔ-ⴷ ⴷⴰⵖ ⵎⴰⵙⵙ ⴱⴻⴷⵧⵓⵉ ⵜⴰⴽⴰⵔⴹⴰ ⵏ ⵜⵎⴰⴳⵉⵜ (ⵀⵓⵡⵉⵢⵢⴰ) ⵜⴰⴱⵢⵓⵎⵉⵜⵔⵉⵜ ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴽⴰⵔⴹⴰ-ⴰ ⴰⴷ ⵜⴱⴻⴷⴷⴻⵍ ⵎⵍⵉⵃ ⴰⵙⵙⴰⵖ ⴰⵢ ⵢⴻⵙⵄⴰ ⵓⵖⴻⵔⵎⴰⵏ (ⵎⵓⵡⴰⵟⵉⵏ) ⴷ ⵜⴻⴷⴱⴻⵍⵜ.

ⵜⴰⴽⴰⵔⴹⴰ-ⴰ ⴰⴷ ⵜⴻⵙⵄⵓ ⵙⵏⴰⵜ ⵏ ⵜⵛⴻⵕⵕⵓⵏⵉⵏ ⵜⵉⵍⵉⴽⵜⵕⵓⵏⴰⵏⵉⵏ ⵢⴻⵔⵏⴰ ⵉⵙⵡⵉ-ⵏⵏⴻⵙ ⵏⴻⵜⵜⴰ ⴷ « ⴰⵙⵙⵉⴼⵙⴻⵙ ⵏ ⵍⴻⵛⵖⴰⵍ ⴰⵢ ⵢⴻⵙⵄⴰ ⵓⵖⴻⵔⵎⴰⵏ ⴷⴻⴳ ⵜⴻⴷⴱⴻⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.