ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016: 20 ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵉⵄⴻⴷⴷⴰⵏ ⵢⴰⴳⵉ ⵖⴻⵔ ⵔⵉⵧ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 8 ⵏ ⵡⴰⵢⵢⵓⵔⴻⵏ ⵓⵇⴱⴻⵍ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016 ⵏ ⵔⵉⵧ, 20 ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ ⵢⴰⴳⵉ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ-ⵙⴻⵏ ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⴰⵙⵙ ⵏ ⵜⵜⵍⴰⵜⴰ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ.

ⴰⴷⴷⴰⵍ ⴰⵢⴷⴻⴳ ⵄⴻⴷⴷⴰⵏ ⴰⵟⴰⵙ ⴰⴽⴽ ⵏ ⵢⵉⴷⵣⴰⵢⵔⵉⵢⴻⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏⴻⵜⵜⴰ ⴷ ⵜⴰⵜⵍⵉⵜⵉⵜ (10 ⵏ ⵢⵉⵏⴰⴷⴷⴰⵍⴻⵏ): ⵍⴰⵔⴱⵉ ⴱⵧⵓⵔⴰâⴷⴰ (ⴷⴻⴳ ⵓⴷⵉⴽⴰⵟⵍⵓⵏ), ⵙⴰⵍⵉⵎ ⴽⴻⴷⴷⴰⵔ (ⴷⴻⴳ 1500 ⵏ ⵍⵎⵉⵜⵔⴰⵜ), ⵜⴰⵡⴼⵉⴽ ⵎⴻⴽⵀⵍⵧⵓⴼⵉ (ⴷⴻⴳ 800 ⵏ ⵍⵎⵉⵜⵔⴰⵜ), ⴱⵉⵍⵍⴻⵍ ⵜⴰⴱⵜⵉ, ⵀⵉⵛⵀⴻⵎ ⴱⵧⵓⵛⵀⵉⵀⴰ, ⴰⵎⵉⵏⴰ ⴱⴻⵜⵜⵉⵛⵀⴻ (ⴷⴻⴳ 3000 ⵙ ⵜⴻⵎⴷⴰ), ⵎⵉⵍⵧⵓⴷ ⵔⴰⵀⵎⴰⵏⵉ (400 ⵏ ⵍⵎⵉⵜⵔⴰⵜ ⵙ ⵢⵉⴼⴻⵔⴳⴰⵏ), ⵍⴰⵀⵧⵓⵍⵧⵓ ⴰⴱⴷⴻⵍⵎⴰⵍⴻⴽ, ⵙⵧⵓⴰⴷ ⴰⵉⵜ ⵙⴰⵍⴻⵎ ⴷ ⴽⴻⵏⵣⴰ ⴷⴰⵀⵎⴰⵏⵉ (ⴷⴻⴳ ⵓⵎⴰⵔⴰⵟⵓⵏ).

ⵉⵏⴰⴷⴷⴰⵍⴻⵏ-ⴰ ⵙⵙⴰⵡⴹⴻⵏ ⴰⴽⴽ ⵖⴻⵔ ⵢⵉⴳⵎⴰⴹ ⴰⴷⴷⴰⵢⴻⵏ ⴰⵢ ⴷ-ⵜⴻⵛⵔⴻⴹ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⴰⵜⵍⵉⵜⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⴻⵇⵇⴰⵎⵓ.

ⴷⴻⴳ ⵜⵍⴻⴳⴳⵉⵎⵜ, ⵛⵀⴰⴷⵉ ⴰⴱⴷⴻⵍⴽⴰⴷⴻⵔ (64 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ ⵉⵍⵢⴰⵙ ⴰⴱⴱⴰⴷⵉ (75 ⵏ ⵢⵉⴽⵉⵍⵓⴳⵕⴰⵎⴻⵏ) ⵜⵜⵡⴰⵇⴻⴱⵍⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ, ⵢⴻⵔⵏⴰ ⵎⴰⵣⴰⵍ ⵢⴻⵍⵍⴰ ⵓⵙⵙⵉⵔⴻⵎ ⴰⴷ ⵔⵏⵓⵏ ⴰⴷ ⵜⵜⵡⴰⵇⴻⴱⵍⴻⵏ 5 ⵏ ⵢⵉⵍⴻⴳⴳⴰⵎⴻⵏ ⵉⴷⵣⴰⵢⵔⵉⵢⴻⵏ ⵏⵉⴹⴻⵏ.

ⴷⴻⴳ ⵓⵀⴰⵔⴻⴳ (ⴵⵓⵎⴱⴰⵣ), ⵄⴻⴷⴷⴰⵏ ⵙⵉⵏ ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⵖⴻⵔ ⵔⵉⵧ ⵢⴻⵔⵏⴰ ⵡⵉⴷ ⴰⴱⴷⴻⵍⴷⵊⴰⵍⵉⵍ ⴱⵧⵓⵔⴳⵓⵉⴻⴳ ⴷ ⴼⴰⵔⴰⵀ ⴱⵧⵓⴼⴰⴷⴻⵏ.

ⴷⴻⴳ ⵜⵉⵖⵉⵍⵜ (ⵎⵓⴱⴰⵔⴰⵣⴰ), ⵉⵄⴻⴷⴷⴰ ⵜⴰⵔⴻⴽ ⴰⵣⵉⵣ ⴱⴻⵏⴰⵉⵙⵙⴰ (ⴷⴷⴰⵡ 66 ⵏ ⵢⵉⴽⵉⵍⵓⴳⵕⴰⵎⴻⵏ) ⴷⴻⴼⴼⵉⵔ ⵎⴰ ⵢⴻⵡⵡⵉ-ⴷ ⴰⵎⴽⴰⵏ ⵡⵉⵙ 5 ⴷⴻⴳ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ 2015 ⵏ ⵍⴰⵙ ⵠⴻⴳⴰⵙ.

ⴷⴻⴳ ⵓⵇⴻⴷⴷⴻⴼ, ⵄⴻⴷⴷⴰⵏ ⵢⵉⴷⵣⴰⵢⵔⵉⵢⴻⵏ ⵙⵉⴷ ⴰⵍⵉ ⴱⵧⵓⴷⵉⵏⴰ ⴷ ⴰⵎⵉⵏⴰ ⵔⵧⵓⴱⴰ ⵖⴻⴼ ⵢⵉⴳⵎⴰⴹ ⴰⵢ ⴷ-ⵡⵡⵉⵏ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵣⵡⴰⵔⴰ ⵏ ⵜⵓⴱⴻⵕ 2015 ⴷⴻⴳ ⵓⴳⴻⵍⵎⵉⵎ ⵏ ⵜⵓⵏⴻⵙ.

ⴷⴻⴳ ⵓⵇⴻⵔⵔⴻⵙ ⴰⵏⴰⴷⴷⴰⵍ, ⵛⵀⴰⴼⵉⴽ ⴱⵧⵓⴰⵧⵓⴷ ⴷ ⵏⴻⵜⵜⴰ ⴰⵢ ⴷ ⴰⴷⵣⴰⵢⵔⵉ ⴰⵡⵃⵉⴷ ⴰⵢ ⵉⵄⴻⴷⴷⴰⵏ ⵖⴻⴼ ⵢⵉⴳⵎⴰⴹ ⴰⵢ ⴷ-ⵢⴻⵡⵡⵉ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ 2015 ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⵇⴰⵀⵉⵔⴰ (ⵎⴰⵚⴻⵔ).

ⴷⴻⴳ ⵢⵉⵎⴻⵏⵖⵉ ⵙ ⵓⴳⴻⵙⵜⵓⵔ, ⴷ ⴰⵏⵉⵙⵙⴰ ⴽⵀⴻⵍⴼⴰⵧⵓⵉ ⴰⵢ ⵉⵄⴻⴷⴷⴰⵏ. ⵎⴰ ⴷⴻⴳ ⵜⴻⵍⵡⴻⵃⵜ ⵏ ⵓⵙⴻⵎⴱⵓⴽ, ⴷ ⵜⴰⵏⴰⴷⴷⴰⵍⵜ ⴽⴰⵜⵉⴰ ⴱⴻⵍⴰⴱⴱⴻⵙ ⴰⵢ ⵉⵄⴻⴷⴷⴰⵏ ⵉⵎⵉ ⴰⵢ ⴷ-ⵜⵓⵙⴰ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⵙⵉⵣⵡⴻⵔ ⵏ ⵔⵙⵅ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⴻⵍⵡⴻⵃⵜ ⵏ ⵓⵙⴻⵎⴱⵓⴽ ⴰⵢ ⵎⴰⵣⴰⵍ ⵍⴰ ⴷ-ⵜⴻⵜⵜⵉⵍⵉ ⴷⴻⴳ ⴱⵓⵕⵊ ⵍⴱⴻⵃⵔⵉ (ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⵜⴰⵎⴰⴳⵍⴰ (ⵡⴰⴷⴼ) ⵜⴰⵎⴻⵇⵔⴰⵏⵜ ⴰⴽⴽ ⴰⵢⵢⴻⵙ ⵜⴻⵜⵜⴻⴽⴽⴰ ⵍⴻⵣⵣⴰⵢⴻⵔ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⴷ ⵜⵉⵏ ⴰⵢ ⵢⴻⴷⴷⴰⵏ ⵖⴻⵔ ⴰⵜⵉⵏⴰ (ⵍⴻⴳⵔⵉⴳ) ⴷⴻⴳ 2004, ⵢⴻⵔⵏⴰ ⵍⵍⴰⵏ ⴷⴻⴳ-ⵙ 61 ⵏ ⵢⵉⵏⴰⴷⴷⴰⵍⴻⵏ. ⵎⴰ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵍⵧⵏⴷⵧⵏ ⵏ 2012, ⵜⵜⴻⴽⴽⴰⵏ 38 ⵏ ⵢⵉⴷⵣⴰⵢⵔⵉⵢⴻⵏ.