ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⴽ ⴰⴷ ⵢⴻⵏⵏⴻⵔⵏⵉ ⵓⵙⵙⴻⵅⵍⴻⴹ ⵏ ⵜⴻⵥⵡⴰⵔ ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵍⴻⵅⵚⴰⵚ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⴼⴽ ⴰⴷ ⵜⴻⵔⵏⵓ ⴰⴷ ⵜⴻⵙⵏⴻⴼⵍⵉ (ⵜⵓⵟⴰⵡⵡⵉⵔ) ⵍⴻⵣⵣⴰⵢⴻⵔ ⴰⵙⵙⴻⵅⵍⴻⴹ-ⵏⵏⴻⵙ ⵏ ⵜⴻⵥⵡⴰⵔ (ⵟⴰⵇⴰⵜ) ⵙ ⵓⵙⵙⴻⵍⵀⵓ ⵏ ⵜⵣⴻⵎⵎⴰⵔ-ⵏⵏⴻⵙ ⴷⴻⴳ ⵜⴻⵥⵡⴰⵔ ⴰⵢ ⴷ-ⵢⴻⵜⵜⵓⵖⴰⵍⴻⵏ ⴰⴽⴽⴻⵏ ⴰⴷ ⵜⴻⵙⵙⴻⵕⵡⵓ ⴰⵙⵙⵓⵜⴻⵔ ⴰⵖⴻⵍⵏⴰⵡ ⴰⵢ ⵢⴻⵣⴳⴰⵏ ⵍⴰ ⵉⵔⴻⵏⵏⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ ⵏ ⵓⵒⵉⵜⵕⵓⵍ ⵏ ⵍⴳⴰⵣ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ.

ⴷⴻⴳ ⵢⵉⵡⴻⵜ ⵏ ⵜⴻⴷⵡⵉⵍⵜ ⴰⵢ ⴷ-ⵢⴻⵍⵍⴰⵏ ⵖⴻⴼ ⵢⵉⵎⴰⵍ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⵏ ⵓⵒⵉⵜⵕⵓⵍ ⴷ ⵍⴳⴰⵣ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ, ⴳⵔⴻⵏ-ⴷ ⵜⴰⵎⴰⵡⵜ ⵡⵉⴷ ⵢⴻⵜⵜⴻⴽⴽⴰⵏ ⴷ ⴰⴽⴽⴻⵏ ⵢⴻⵣⴳⴰ ⵍⴰ ⵉⵔⴻⵏⵏⵓ ⵓⵙⵙⵓⵜⴻⵔ ⵏ ⵜⴻⵥⵡⴻⵔⵜ ⴷⴻⴳ ⵍⴻⵣⵣⴰⵢⴻⵔ, ⵍⴰⴷⵖⴰ ⵡⵉⵏ ⵏ ⵍⴳⴰⵣ ⴰⴳⴰⵎⴰⵏ (ⵟⴰⴱⵉⵄⵉ) ⵉⵎⵉ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵍⴳⴰⵣ-ⴰ ⵍⴰ ⵢⴻⵜⵜⵡⴰⵙⵙⴻⵇⴷⴰⵛ ⵉ ⵓⵙⵙⴻⴷⴷⵓ ⵏ ⵜⴻⵖⵙⴰⵔ ⵜⵉⵎⴻⵇⵔⴰⵏⵉⵏ ⵏ ⵜⵔⵉⵙⵉⵜⵉ ⴷⴻⴳ ⵍⴻⵣⵣⴰⵢⴻⵔ, ⴷⵖⴰ ⴷ ⴰⵢⴰ ⴰⵢ ⵢⴻⵙⵄⴰⵏ ⵍⴰⵜⴻⵕ ⵖⴻⴼ ⵜⴻⵣⵎⴻⵔⵜ ⵏ ⵓⵙⵙⵉⴵⴻⵡ ⵏ ⵍⵖⴻⵍⵍⴰ-ⴰ.

ⵖⴻⴼ ⵍⴻⵃⵙⴰⴱ ⵏ ⵜⴰⴷⴷⴰⴷⴰⵏⵉⵏ (ⵉⵃⵚⴰ’ⵉⵢⵢⴰⵜ), ⵍⵖⴻⵍⵍⴰ ⵜⴰⴷⵣⴰⵢⵔⵉⵜ ⵏ ⵜⵔⵉⵙⵉⵜⵉ ⵍⴰ ⵜⴻⵜⵜⴻⵣⵣⵉ ⵉⵎⵉⵔ-ⴰ ⴷⴻⴳ 17.000 ⵏ ⵢⵉⵎⵉⴳⴰⵡⴰⵟⴻⵏ, ⵎⴰⵛⴰ ⴰⵙⵙⵓⵜⴻⵔ ⵍⴰ ⵢⴻⵜⵜⴻⵣⵣⵉ ⴷⴻⴳ 8500 ⵏ ⵢⵉⵎⵉⴳⴰⵡⴰⵟⴻⵏ, ⵎⴰⵛⴰ ⴰⵙⵙⵓⵜⴻⵔ-ⴰ ⵍⴰ ⵉⵔⴻⵏⵏⵓ ⵙ ⵡⵓⴳⴰⵔ ⵏ 5%.

ⴰⴼⴰⵔⴻⵙ-ⴰ (ⵉⵏⵜⴰⴵ) ⵏ ⵜⵔⵉⵙⵉⵜⵉ ⵢⴻⵍⵍⴰ-ⴷ ⵙ ⵓⵙⵙⴻⵇⴷⴻⵛ ⵏ ⵡⵓⴳⴰⵔ ⵏ ⵍⴳⴰⵣ ⴰⴳⴰⵎⴰⵏ, ⵢⵉⵍⵉ ⵍⴳⴰⵣ-ⵏⵏⵉ ⵜⴻⵍⵍⴰ ⵜⴻⵙⵙⴻⴼⵔⴰⵢ ⵍⴻⵣⵣⴰⵢⴻⵔ ⴰⴷ ⵜⴻⵙⵙⵉⴵⴻⵡ, ⴷⵖⴰ ⴷ ⴰⵢⴰ ⴰⵢ ⴷ-ⵢⴻⵙⵏⴻⵇⵙⴻⵏ 10 ⵏ ⵢⵉⵎⴻⵍⵢⴰⵕⴻⵏ ⵏ ⵍⵎⵉⵜⵔⴰⵜ ⵜⵉⴳⴰⵙⴰⵙⵉⵏ (ⵎ3) ⵏ ⵍⴳⴰⵣ ⴰⴳⴰⵎⴰⵏ ⵙⴻⴳ ⵡⴰⵏⴻⵛⵜ ⴰⵢ ⵜⴻⵙⵙⴰⴵⴰⵡ ⵍⴻⵣⵣⴰⵢⴻⵔ ⵖⴻⵔ ⴱⴻⵕⵕⴰ, ⵢⴻⵔⵏⴰ ⵉⵎⵉⵔ-ⴰ ⵍⴰ ⵜⴻⵙⵙⴰⴵⴰⵡ ⵜⵎⵓⵔⵜ 44 ⵏ ⵢⵉⵎⴻⵍⵢⴰⵕⴻⵏ ⵏ ⵍⵎⵉⵜⵔⴰⵜ ⵜⵉⴳⴰⵙⴰⵙⵉⵏ ⵏ ⵍⴳⴰⵣ, ⴰⵎⵓⵔ ⴰⵎⴻⵇⴰⵏ ⵙⴻⴳ-ⵙ (30 ⵏ ⵢⵉⵎⴻⵍⵢⴰⵕⴻⵏ ⵏ ⵍⵎⵉⵜⵔⴰⵜ ⵜⵉⴳⴰⵙⴰⵙⵉⵏ) ⵢⴻⵜⵜⵡⴰⵡⴻⵀⵀⴰ ⵉ ⵙⵙⵓⵇ ⵏ ⵜⵓⵕⵓⴼⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⵙⵓⴷⴻⵔ (ⵉⵙⵜⵉⵀⵍⴰⴽ) ⴰⵖⴻⵍⵏⴰⵡ ⵏ ⵍⴳⴰⵣ ⴰⴳⴰⵎⴰⵏ ⵢⴻⵔⵏⴰ ⵖⴻⵔ 33,7 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⴷⴻⴳ 2014 ⵢⵉⵍⵉ ⴷⴻⴳ 2013, ⵢⴻⵡⵡⴻⴹ ⴽⴰⵏ ⵖⴻⵔ 30 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ.