ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵙⴻⴼⵀⴰⵎ ⵏ ⵓⵙⴻⵇⵇⴰⵎⵓ ⵏ ⵍⴰⵎⴰⵏ ⵖⴻⴼ ⵓⵎⵛⵉⵡⴻⵕ ⴳⴰⵔ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ
ⵡⴰⵙⵀⵉⵏⴳⵜⵏ – ⵢⴻⵍⵍⴰ-ⴷ ⵓⵎⵙⴻⴼⵀⴰⵎ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵓⵖⴰⵍ ⵓⵎⵛⵉⵡⴻⵕ ⵓⵙⵔⵉⴷ ⴳⴰⵔ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ ⵉ ⵓⵙⵙⵉⵡⴻⴹ ⵖⴻⵔ ⴼⴻⵔⵔⵓ ⴰⵙⴻⵔⵜⵉ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵓⴹⵎⴰⵏ ⵏ ⵓⵇⴰⴷⴻⵔ ⵏ ⵓⵣⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ).
« ⵢⴻⵍⵍⴰ-ⴷ ⵓⵎⵙⴻⴼⵀⴰⵎ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵖⴻⴼ 3 ⵏ ⵜⴻⵏⵇⵉⴹⵉⵏ ⵙ ⵡⴰⵣⴰⵍ-ⵏⵙⴻⵏⵜ, ⴳⴰⵔ-ⴰⵙⴻⵏⵜ ⴰⵙⵙⴻⴼⴽⵉ ⴰⵢ ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏⵜ ⵍⴻⵎⵛⴰⵡⵕⴰⵜ ⵜⵓⵙⵔⵉⴷⵉⵏ ⴳⴰⵔ ⵙⵉⵏ-ⵏⵏⵉ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⵢⴻⵔⵏⴰ ⵉⴷⵉⵙⴰⵏ-ⴰ ⴷ ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⴰⵀⵎⴻⴷ ⴱⵧⵓⴽⵀⴰⵔⵉ, ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵒⵧⵍⵉⵙⴰⵔⵉⵧ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵍⴻⵎⵛⴰⵡⵕⴰⵜ-ⴰ ⵢⴻⵙⵙⴻⴼⴽ ⴰⴷ ⵙⵙⵉⵡⴹⴻⵏⵜ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴰⴷ ⵉⴹⴻⵎⵏⴻⵏ ⴰⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴽⵀⴰⵔⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵜⴰⵎⵙⴰⵍⵜ-ⴰ ⵎⵙⴻⴼⵀⴰⵎⴻⵏ ⴼⴻⵍⵍ-ⴰⵙ ⵇⵔⵉⴱ ⴰⴽⴽ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⴳⵎⴰⵏ-ⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵜⴰⵇⵏⵉⴹⵜ ⵜⴰⵏⴻⴳⴳⴰⵔⵓⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵜⴻⵔⵣⴰ ⴰⵎⵙⴻⴼⵀⴰⵎ ⵖⴻⴼ ⵓⵥⴰⵢⴻⵔ ⵓⵙⴹⵉⴼ (ⵡⴰⴹⵄ ⵇⴰⵏⵓⵏⵉ) ⴰⵏⴻⴳⴳⴰⵔⵓ ⵏ ⵡⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⴰⵢⴰ ⵢⴻⴷⴷⴰ ⴷ ⵕⵕⴰⵢ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵏⵡⴻⵎⴱⴻⵕ ⵢⴻⵣⵔⵉⵏ.
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⵧⵓⴽⵀⴰⵔⵉ, ⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵓⴳⵉⵏ ⴰⵙⵙⵓⵎⴻⵔ ⵏ ⵜⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ) ⴰⵢ ⴷ-ⵜⴻⴼⴽⴰ ⵎⴻⵕⵕⵓⴽ ⴰⵢ ⵢⴻⴱⵖⴰⵏ ⴰⴷ ⵜⴻⵇⵇⵉⵎ ⵜⴻⵃⴽⴻⵎ ⴰⴽⴰⵍ-ⴰ, ⵢⴻⵔⵏⴰ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵖⴻⴼ ⵍⴻⵃⵙⴰⴱ ⵏ ⵜⵏⴻⵖⵜⵓⵙⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵢⴻⵔⵣⴰⵏ ⴰⵢⴰ.
