ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⴷⵢⴰⵏⵉⵏ ⵏ 11 ⴷⵓⵊⴻⵎⴱⴻⵕ 1960 ⵙⵙⴻⴽⵏⴻⵏⵜ-ⴷ ⴰⵄⴻⵡⵡⴻⵍ ⵏ ⵢⵉⴷⵣⴰⵢⵔⵉⵢⴻⵏ ⵖⴻⴼ ⵢⵉⵎⴻⵏⵖⵉ
ⵄⵉⵏ ⴷⴷⴻⴼⵍⴰ – ⵜⵉⴷⵢⴰⵏⵉⵏ ⵏ 11 ⴷⵓⵊⴻⵎⴱⴻⵕ 1960 ⴽⴻⵛⴼⴻⵏⵜ-ⴷ ⴰⵄⴻⵡⵡⴻⵍ ⵏ ⵓⵖⵔⴻⴼ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⵢⴻⵛⵇⵉⵔⵔⴻⵡ ⴼⵕⴰⵏⵙⴰ ⵢⴻⵔⵏⴰ ⴰⴷ ⴷ-ⵢⴰⵡⵉ ⴰⵣⴰⵔⵓⴳ-ⵏⵏⴻⵙ (ⵉⵙⵜⵉⵇⵍⴰⵍ) ⵙ ⵢⵉⵎⴰⵏ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ (ⵄⵉⵏ ⴷⴷⴻⴼⵍⴰ) ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵜⴰⵢⴻⴱ ⵣⵉⵜⵧⵓⵏⵉ.
ⴰⵏⴻⵖⵍⴰⴼ ⴰⵢ ⵉⵃⴻⴷⵕⴻⵏ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ ⵜⴻⴷⵢⴰⵏⵉⵏ-ⴰ ⵜⵉⵎⴻⵣⵔⵓⵢⴰⵏⵉⵏ ⴷⴻⴳ ⵜⴻⵙⴷⴰⵡⵉⵏ ⵏ ⴷⵊⵉⵍⴰⵍⵉ ⴱⵧⵓⵏⴰⴰⵎⴰ ⵏ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵎⴻⵙⴱⴰⵏⵉⵢⵉⵏ ⵜⵉⵖⴻⵔⴼⴰⵏⵉⵏ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏ ⵜⵎⵓⵔⵜ « ⵙⵙⴽⴰⵏⴰⵢⴻⵏⵜ-ⴷ ⴷ ⴰⴽⴽⴻⵏ ⴰⵖⵔⴻⴼ ⵢⴻⴼⵔⴰ-ⵜⵜ-ⵉⴷ ⴷ ⵢⵉⵎⴰⵏ-ⵏⵏⴻⵙ » ⵢⴻⵔⵏⴰ ⵢⴻⵡⵡⴻⴹ ⵖⴻⵔ « ⵜⴻⵏⵇⵉⴹⵜ ⴰⵢⴷⴻⴳ ⵓⵍⴰⵛ ⵓⵖⴰⵍ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵖⴻⴼ ⵜⵍⴻⵍⵍⵉ ».
ⵜⵉⵎⴻⵙⴱⴰⵏⵉⵢⵉⵏ-ⴰ ⵜⵜⵡⴰⵙⵙⵓⴷⴷⵙⴻⵏⵜ (ⵏⵓⴹⴹⵉⵎⴰⵜ) ⴰⴽⴽⴻⵏ ⵉⴼⴰⵣ ⵢⴻⵔⵏⴰ ⴰⵢⴰ ⴷ « ⵜⵜⴱⵓⵜ ⵏⵉⴹⴻⵏ » ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵍⴵⴻⵀⴷ ⵏ ⵜⴻⴳⵔⴰⵡⵍⴰ ⴷ ⵜⴻⵣⵎⴻⵔⵜ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵙⵙⴻⵡⵍⵉⵡⴻⵍ ⵉⴷⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵢⵉⵎⴻⵏⵖⵉ ⵖⴻⴼ ⵜⵍⴻⵍⵍⵉ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⴰⵙⵙⵓⴷⴷⴻⵙ-ⴰ (ⵜⴰⵏⴹⵉⵎ) ⵢⴻⵙⵙⴽⴰⵏⴰⵢ-ⴷ ⴷⴰⵖ ⴱⴻⴷⴷⵓ ⵏ ⵜⴳⴰⵔⴰ ⵏ ⵜⴰⵍⵍⵉⵜ ⵜⴰⵀⴻⵔⵙⴰⵏⵜ (ⵉⵙⵜⵉⵄⵎⴰⵔⵉⵢⵢⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵍⴰⵜⴻⵕ ⴰⵢⵢⴻⵙ ⴷ-ⴳⵍⴰⵏⵜ ⵜⴻⴷⵢⴰⵏⵉⵏ-ⴰ ⵙⴻⴳ ⵢⵉⴷⵉⵙ ⴰⴷⵉⵒⵍⵓⵎⴰⵜⵉ ⵏⴻⵖ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵢⴻⵙⵙⴻⴵⵀⴻⴷ ⴰⴷⴷⵓⴷ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵓⵄⴹⵉⵍ ⵏ ⵜⴻⴳⴷⵓⴷⴰ ⵜⴷⵣⴰⵢⵔⵉⵜ ⵢⴻⵔⵏⴰ ⵢⴻⴵⴵⴰ ⵕⵕⴰⵢ ⴰⴳⵔⴰⵖⵍⴰⵏ ⴰⴷ ⵢⴻⵙⵙⴻⵏ ⵉⵎⴻⵏⵖⵉ ⴰⴷⵣⴰⵢⵔⵉ ⵢⴻⵔⵏⴰ ⴰⴷ ⵢⴻⵙⵜⴻⵄⵕⴻⴼ ⵙ ⵓⵣⵔⴻⴼ ⵏ ⵢⵉⴷⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⴰⵡⵉⵏ ⵜⴰⵎⵓⵔⵜ-ⵏⵙⴻⵏ.
