ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⵖⴰⵏ ⵏ ⵍⴱⴻⵏⵏⴰ ⴷ ⵓⴷⴰⵡⵉ ⵣⴻⵎⵔⴻⵏ ⴰⴷ ⵜⵜⵡⴰⵙⵙⵉⴵⵡⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵏⵏⴰⵏ-ⴷ ⴰⵙⵙ ⵏ ⵍⴰⵕⴻⴱⵄⴰ ⴽⵔⴰ ⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵖⴻⵍⵍⵜⴻⵏⵜ ⵓⴳⴰⵔ ⵜⵣⴻⵎⵎⴰⵔ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⵖⴻⵍⵍⴰ ⵏ ⵢⵉⵎⵖⴰⵏ ⵏ ⵍⴱⴻⵏⵏⴰ ⴷ ⵓⴷⴰⵡⵉ ⴰⵢ ⵉⵣⴻⵎⵔⴻⵏ ⴰⴷ ⴷ-ⵙⵙⵉⴷⴼⴻⵏⵜ ⴰⵟⴰⵙ ⵏ ⵢⵉⴷⵔⵉⵎⴻⵏ ⵎⴰ ⵜⵜⵡⴰⵙⵙⴰⴵⵡⴻⵏ ⵖⴻⵔ ⵜⵎⵓⵔⴰ ⵏ ⴱⴻⵕⵕⴰ.
« ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵓⴳⴰⵔ ⵏ ⵡⴰⵣⴰⵍ ⵉ ⵓⵙⴼⵓⵍⵍⴻⵃ ⴷ ⵓⵖⴻⵍⵍⴻⵜ ⵏ ⵢⵉⵎⵖⴰⵏ ⵏ ⵍⴱⴻⵏⵏⴰ ⴷ ⵓⴷⴰⵡⵉ, ⴰⵛⴽⵓ ⴰⵃⵔⵉⵛ-ⴰ ⴰⵜⴰⵏ ⵢⵓⵖⴰⵍ ⴷⴻⴳ ⵔⵔⵉⴼ ⴰⵙⵙ-ⴰ, ⵢⵉⵍⵉ, ⴷⴻⴳ ⵜⵉⴷⴻⵜ, ⵢⴻⵣⵎⴻⵔ ⴰⴷ ⴷ-ⵢⴻⵙⵙⵉⴷⴻⴼ ⴰⵟⴰⵙ ⵏ ⵢⵉⴷⵔⵉⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵏⴻⵎⵀⴰⵍⵜ (ⵎⵓⴷⵉⵔⴰ) ⵢⵉⴳⴻⵎⵉ ⵏ ⵓⵏⴰⴷⵉ ⵖⴻⴼ ⵢⵉⵎⵖⴰⵏ ⵏ ⵍⴱⴻⵏⵏⴰ ⴷ ⵓⴷⴰⵡ ⴷⴻⴳ ⵜⴻⵙⴷⴰⵡⵉⵜ ⵏ ⵍⴻⴱⵍⵉⴷⴰ, ⵎⴰⵙⵙⴰ ⵀⵧⵓⵎⴰⵏⵉ ⵣⴰⵀⵉⴰ.
ⵜⴻⵏⵏⴰ-ⴷ ⵎⴰⵙⵙⴰ ⵀⵧⵓⵎⴰⵏⵉ ⴰⵢⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⵏⴻⵎⵙⴻⵍⵜ (ⵡⴰⵔⵛⴰ) ⵖⴻⴼ ⵓⵇⴻⵢⵢⴻⵎ ⵏ ⵢⵉⵎⵖⴰⵏ ⵏ ⵓⴷⴰⵡⵉ ⴷ ⵍⴱⴻⵏⵏⴰ ⴷⴻⴳ ⵜⵎⵓⵔⴰ ⵏ ⵍⵎⴻⵖⵔⴻⴱ ⴰⵢ ⵜⴻⵙⵙⵓⴷⴷⴻⵙ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵓⵞⵞⵉⵜ (ⴼⴰⵧ).
« ⵎⴰⵣⴰⵍ-ⴰⵖ ⵍⴰ ⴷ-ⵏⴻⵜⵜⴰⴵⴻⵡ ⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⴰⵎ ⵍⵡⵉⵣⴰ, ⵢⵉⵍⵉ ⵏⴻⵙⵄⴰ ⵜⵉⵣⴻⵎⵎⴰⵔ ⵜⵉⵎⴻⵇⵔⴰⵏⵉⵏ ⴰⴽⴽⴻⵏ ⴰⴷ ⴷ-ⵏⴻⴳ ⵍⵖⴻⵍⵍⴰ ⴰⴷ ⵢⴻⵙⵙⴻⵕⵡⵓⵏ ⵙⵙⵓⵇ ⴰⵖⴻⵍⵏⴰⵡ, ⴱⵉⵜⵜ ⵏⴻⵣⵎⴻⵔ ⴰⴷ ⵜⵜ-ⵏⴻⵙⵙⵉⴵⴻⵡ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⵜⴳⴻⵔ-ⴷ ⵎⴰⵙⵙⴰ ⵀⵧⵓⵎⴰⵏⵉ ⴷⴰⵖ ⵜⵉⵖⵔⵉ, ⵉ ⵍⵎⴻⵏⴷ ⵏ ⵡⴰⵢⴰ, ⵉ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ ⴰⴽⴽⴻⵏ ⴰⴷ ⴷ-ⵉⵀⴻⵢⵢⵉ ⴰⴽⴰⵍ ⵉ ⵍⵎⴻⵏⴷ ⵡⴰⵢⴰ ⵢⴻⵔⵏⴰ ⴰⴷ ⵢⴻⴳ ⵉⴼⴰⴷⴷⴻⵏ ⵉ ⵢⵉⵍⴻⵎⵥⵉⵢⴻⵏ ⴰⴷ ⵙⴼⵓⵍⵍⵓⵃⴻⵏ ⵉⵎⵖⴰⵏ-ⴰ, ⴰⵎ ⵡⴰⴽⴽⴻⵏ ⴰⴷ ⵢⴻⴱⵏⵓ ⵍⵍⵓⵣⵉⵏⴰⵜ ⵏ ⵓⵀⴻⵢⵢⵉ ⵏ ⵢⵉⵎⵖⴰⵏ-ⴰ ⵉ ⵓⵙⵙⴻⵏⵣⵉ ⴰⴽⴽⴻⵏ ⴰⴷ ⵙⵙⴻⵕⵡⵓⵏ ⵙⵙⵓⵇ ⴰⵖⴻⵍⵏⴰⵡ ⵢⴻⵔⵏⴰ ⴰⴷ ⵢⴻⵏⵇⴻⵙ ⵡⴰⴵⴰⵡ ⵙⴻⴳ ⵜⵎⵓⵔⴰ ⵏ ⴱⴻⵕⵕⴰ.
ⵉⵎⵖⴰⵏ ⵏ ⵍⴱⴻⵏⵏⴰ ⴷ ⵓⴷⴰⵡⵉ ⵙⵄⴰⵏ ⴰⵎⴽⴰⵏ ⵙ ⵡⴰⵣⴰⵍ-ⵏⵙⴻⵏ ⴷⴻⴳ ⵜⴻⵙⵏⴰⵊⵢⴰ ⵜⴰⵎⵍⴻⵍⵍⴰⵢⵜ (ⴰⵟ-ⵟⵉⴱ ⴰⵍ-ⴱⴰⴷⵉⵍ), ⵉⴼⴰⵔⵉⵙⴻⵏ ⵏ ⵓⵛⴻⴱⴱⴻⵃ ⴷ ⵍⴻⵄⵟⴻⵔ ⴷ ⵍⴻⵄⵇⴰⵇⴻⵔ ⵏ ⵜⵓⵞⵞⵉⵔ, ⵢⴻⵔⵏⴰ ⴰⵢⴰ ⵢⴻⵣⵎⴻⵔ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵏⴻⵡⵡⴻⵄ ⵏ ⵜⴷⴰⵎⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
