ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵊⵓⴷⵧ: ⵎⵧⵓⵍⵧⵓⴷ ⵏⵧⵓⵔⴰ ⴷ ⵎⴻⵀⴷⵉ ⵎⴻⵙⴽⵉⵏ ⵄⴻⴷⴷⴰⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵙⵡⵉⵄⵜ-ⴰ, ⴰⵍⴰ ⵙⵉⵏ ⵏ ⵢⵉⵊⵓⴷⵧⴽⴰⵜⴻⵏ ⵉⴷⵣⴰⵢⵔⵉⵢⴻⵏ, ⵎⵧⵓⵍⵧⵓⴷ ⵏⵧⵓⵔⴰ ⴷ ⵎⴻⵀⴷⵉ ⵎⴻⵙⴽⵉⵏⴻ, ⴰⵢ ⵉⵄⴻⴷⴷⴰⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵔⵉⵧ ⴰⴷ ⴷ-ⵢⵉⵍⵉⵏ ⴷⴻⴳ ⵛⵜⴻⵎⴱⴻⵕ ⵏ 2016, ⵖⴻⴼ ⵍⴻⵃⵙⴰⴱ ⵏ ⵓⵙⴻⵜⵜⴻⴼ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵡⴰⴷⴷⴰⵍⴻⵏ ⵏ ⵡⵉⴷ ⵓⵔ ⵢⴻⵜⵜⵡⴰⵍⵉⵏ.

ⵎⵧⵓⵍⵧⵓⴷ ⵏⵧⵓⵔⴰ ⵢⵓⵙⴰ-ⴷ ⴷ ⵡⵉⵙ ⵙⵉⵏ ⴷⴻⴳ ⵓⵙⴻⵜⵜⴻⴼ ⴰⵎⴰⴹⵍⴰⵏ ⵏ 2015 ⴷⴻⴳ ⵜⴰⴳⴳⴰⵢⵜ-ⵏⵏⴻⵙ (ⴷⴷⴰⵡ 60 ⵏ ⵢⵉⴽⵉⵍⵓⴳⵕⴰⵎⴻⵏ) ⵙ ⵓⵊⴻⵎⵎⴰⵍ ⵏ 750 ⵏ ⵜⴻⵏⵇⵉⴹⵉⵏ, ⵢⴻⵔⵏⴰ ⵢⴻⵡⵡⵉ-ⴷ ⵉⴳⵎⴰⴹ ⵢⴻⵍⵀⴰⵏ ⴷⴻⴳ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵏ ⵙⴻⵧⵓⵍ ⴰⵙⴻⴳⴳⴰ-ⵙⴰ. ⵏⵏⵉⴳ ⵡⴰⵢⴰ, ⴷ ⵏⴻⵜⵜⴰ ⴰⵢ ⴷ ⴰⵍⵖⵓⵖ ⵏ ⵓⵎⴰⴹⴰⵍ ⴷⴻⴳ ⵜⴻⵍⵖⵓⵖⴰ ⵏ ⵓⵊⵓⴷⵧ ⵏ 2014.

ⴷⴻⴳ ⵓⵙⴻⵜⵜⴻⴼ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ, ⵏⵧⵓⵔⴰ ⵢⴻⵣⵡⴰⵔ-ⵉⵜ ⵓⵍⴱⵔⵉⵛⵀⵜ ⵏⴰⵎⵧⵣⵧⵠ ⵙⵀⴻⵔⵣⵧⴷ (830 ⵏ ⵜⴻⵏⵇⵉⴹⵉⵏ), ⵎⴰ ⴷ ⴰⴷⵣⴰⵢⵔⵉ ⴰⵢ ⵉⵇⴻⵔⴱⴻⵏ ⴰⴽⴽ ⵖⴻⵔ-ⵙ ⵏⴻⵜⵜⴰ ⴷ ⴽⴰⵎⴰⵍ ⴱⴻⵍⵍⴰⴱⴰⵙ ⵢⴻⵍⵍⴰⵏ ⴷⴻⴳ ⵓⵎⴽⴰⵏ ⵡⵉⵙ 15 ⴷⴻⴳ ⵓⵎⴰⴹⴰⵍ ⵙ 230 ⵏ ⵜⴻⵏⵇⵉⴹⵉⵏ.

ⴰⵏⴰⴷⴷⴰⵍ ⴰⵎⴻⵄⴷⵓⵕ ⵡⵉⵙ ⵙⵉⵏ ⴰⵢ ⵉⵄⴻⴷⴷⴰⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ 2016 ⴷ ⵎⴻⵀⴷⵉ ⵎⴻⵙⴽⵉⵏⴻ ⴷⴻⴳ ⵜⴰⴳⴳⴰⵢⵜ (ⴼⵉ’ⴰ) ⵏ ⴷⴷⴰⵡ 73 ⵏ ⵢⵉⴽⵉⵍⵓⴳⵕⴰⵎⴻⵏ. ⵎⴻⵙⴽⵉⵏⴻ ⵢⴻⵡⵡⵉ-ⴷ ⵜⴰⵣⴰⵍⵖⵉ (ⵎⵉⴷⴰⵍⵉⵢⵢⴰ) ⵏ ⵡⵓⵔⴻⵖ ⴷⴻⴳ ⵙⴻⵧⵓⵍ, ⵢⴻⵔⵏⴰ ⵢⵓⵙⴰ-ⴷ ⴷⴻⴳ ⵓⵎⴽⴰⵏ ⵡⵉⵙ 8 ⴷⴻⴳ ⵜⴰⴳⴳⴰⵢⵜ-ⵏⵏⴻⵙ ⴷⴻⴳ ⵓⵙⴻⵜⵜⴻⴼ ⵏ 2015 ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵙ 290 ⵏ ⵜⴻⵏⵇⵉⴹⵉⵏ. ⵎⴰ ⴷ ⴰⴷⵣⴰⵢⵔⵉ ⴰⵢ ⵉⵇⴻⵔⴱⴻⵏ ⴰⴽⴽ ⵖⴻⵔ-ⵙ ⴷ ⵢⵧⵓⵛⴻⴼ ⵔⴻⴷⵊⴰⵉ ⵢⴻⵍⵍⴰⵏ ⴷⴻⴳ ⵓⵎⴽⴰⵏ ⵡⵉⵙ 20 ⵙ 93 ⵏ ⵜⴻⵏⵇⵉⴹⵉⵏ. ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵍⵎⵉⵣⴰⵏ-ⴰ ⵢⴻⴹⴹⴻⴼ-ⵉⵜ ⵙⵧⵍⵧⵠⴻⵢ ⴷⵎⵢⵜⵔⵧ ⵙⴻⴳ ⵓⴽⵕⴰⵏⵢⴰ ⵙ 1130 ⵏ ⵜⴻⵏⵇⵉⴹⵉⵏ.