ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵜⵉⴽⵉⵢⴻⵏ ⵏ ⵜⴻⵎⵍⵉⵍⵉⵜ ⵏ ⵓⵙⵎ ⵍⴻⵣⵣⴰⵢⴻⵔ ⴷ ⵎⵛ ⵍⴻⵣⵣⴰⵢⴻⵔ ⴰⴷ ⵏⵣⴻⵏ ⵙⴻⴳ ⵍⵊⴻⵎⵄⴰ ⴷ ⴰⵙⴰⵡⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵜⵉⴽⵉⵢⴻⵏ ⵏ ⵓⵙⴰⵔⵉⵔ ⵏ 5 ⵢⵓⵍⵢⵓ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵉ ⵓⵏⴻⵣⵣⴻⵀ ⵉ ⵜⴻⵎⵍⵉⵍⵉⵜ ⵏ ⵓⵙⵎ ⵍⴻⵣⵣⴰⵢⴻⵔ ⴷ ⵎⵛ ⵍⴻⵣⵣⴰⵢⴻⵔ ⴰⴷ ⴷ-ⵢⵉⵍⵉⵏ ⴰⵙⵙ ⵏ ⵜⵜⵍⴰⵜⴰ 22 ⴷⵓⵊⴻⵎⴱⴻⵕ (ⵖⴻⴼ 6ⵙ00 ⵏ ⵜⵎⴻⴷⴷⵉⵜ) ⴰⴷ ⴱⴷⵓⵏ ⴰⴷ ⵜⵜⵏⵓⵣⵓⵏ ⵙⴻⴳ ⵡⴰⵙⵙ ⵏ ⵍⵊⴻⵎⵄⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⴷⵉⵡⴰⵏ ⵏ ⵓⵙⵓⴷⴷⵉⵙ ⵓⵍⵉⵎⵒⵉ ⵏ ⵎⵧⵀⴰⵎⴻⴷ-ⴱⵧⵓⴷⵉⴰⴼ.

« ⵉⵜⵉⴽⵉⵢⴻⵏ ⵏ ⵓⵙⴰⵔⵉⵔ ⴰⴷ ⵏⵣⴻⵏ ⵉ ⵓⴳⴷⵓⴷ ⴷⴻⴳ ⵜⴻⴽⵡⴰⵜⵉⵏ ⵏ 5 ⵢⵓⵍⵢⵓ ⵓⵙⵙⴰⵏ ⵏ ⵍⵊⴻⵎⵄⴰ ⴷ ⵙⵙⴻⴱⵜ ⴳⴰⵔ 9ⵙ00 ⵏ ⵜⵚⴻⴱⵃⵉⵜ ⴷ 6ⵙ00 ⵏ ⵜⵎⴻⴷⴷⵉⵜ ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵍⵖⴰⵛⵉ ⴷ ⴰⵎⴻⵇⵔⴰⵏ ⴰⵙⵙ-ⵏⵏⵉ ⵏ ⵜⴻⵎⵍⵉⵍⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵙⵙⴻⴼⵀⴻⵎ ⵓⵏⴻⵎⵀⴰⵍ ⵏ ⵓⵙⴰⵔⵉⵔ, ⵀⴰⴽⵉⵎ ⵛⵀⴻⵍⴻⴼⵉ.

ⴰⵟⴰⵙ ⵏ ⵍⵖⴰⵛⵉ ⴰⵢ ⵉⵣⴻⵎⵔⴻⵏ ⴰⴷ ⴷ-ⵢⴰⵙ ⴰⴷ ⵢⴻⵃⴷⴻⵕ ⵜⵉⵎⵍⵉⵍⵉⵜ-ⴰ ⵏ ⵡⴰⵙⵙ ⵡⵉⵙ 11 ⵏ ⵜⴻⵍⵖⵓⵖⴰ ⵏ ⵜⴻⵎⵖⵓⵏⵜ 1ⵓⵜ ⴳⴰⵔ ⵓⵙⵎ ⵍⴻⵣⵣⴰⵢⴻⵔ (ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵜⵜⴻⴼ ⵙ 32 ⵏ ⵜⴻⵏⵇⵉⴹⵉⵏ) ⴷ ⵎⵛ ⵍⴻⵣⵣⴰⵢⴻⵔ (ⵜⵉⵙ 3 ⵙ 22 ⵏ ⵜⴻⵏⵇⵉⴹⵉⵏ) ⵍⴰⴷⵖⴰ ⵉⵎⵉ ⵙⵏⴰⵜ-ⴰ ⵏ ⵜⴻⵖⵍⴰⵎⵉⵏ ⵙⴻⴳ ⵣⵉⴽ ⴷ ⵜⵉⵅⵚⵉⵎⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ).

«ⴰⴷ ⵏⴽⴻⵎⵎⴻⵍ ⴰⴷ ⵏⴻⵙⵙⴻⵏⵣ ⵉⵜⵉⴽⵉⵢⴻⵏ ⴰⵔⵎⴰ ⴷ ⴰⵙⵙ-ⵏⵏⵉ ⵏ ⵜⴻⵎⵍⵉⵍⵉⵜ, ⵎⴰ ⵎⴰⵣⴰⵍ ⵉⵎⵓⴽⴰⵏ ⴷⴻⴳ ⵓⵙⴰⵔⵉⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.

ⴰⵙⵙ ⵡⵉⵙ 15 ⵏ ⵜⴻⵎⵖⵓⵏⵜ ⵏ ⵎⵧⴱⵉⵍⵉⵙ ⴰⴷ ⴷ-ⵢⵉⵍⵉ ⴳⴰⵔ 25 ⴷ 26 ⴷⵓⵊⴻⵎⴱⴻⵕ. ⴰⵙⵙ-ⵏⵏⵉ, ⵓⵙⵎ ⵍⴻⵣⵣⴰⵢⴻⵔ ⴰⴷ ⵜⵓⵔⴰⵔ ⵎⴳⴰⵍ ⵓⵙⵎ ⵍⴻⴱⵍⵉⴷⴰ, ⵎⴰ ⴷ ⵎⵛ ⵍⴻⵣⵣⴰⵢⴻⵔ ⴰⴷ ⵜⵓⵔⴰⵔ ⵎⴳⴰⵍ ⴻⵙ ⵙⴹⵉⴼ.