ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ « ⵢⴻⵛⵖⴻⴱ-ⵉⵜⴻⵏ ⵎⵍⵉⵃ » ⵓⵏⵏⴻⵔⵏⵉ ⵏ ⵜⵉⵙⵍⴰⵎⵓⴼⵓⴱⵉⵜ
ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵜⴻⵏⵏⴰ-ⴷ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷ ⴰⴽⴽⴻⵏ « ⵜⴻⵛⵖⴻⴱ-ⵉⵜⵜ ⴰⵟⴰⵙ » ⵜⴻⵎⵙⴰⵍⵜ ⵏ ⵓⵏⵏⴻⵔⵏⵉ ⵏ ⵍⵇⴻⵍⵍⴰ ⵏ ⵓⵎⵙⵓⵔⴻⴼ (ⵜⴰⵙⴰⵎⵓⵃ) ⴷ ⵢⵉⵏⴰⵡ ⵏ ⴽⴰⵕⵓⵀ ⴰⵎⴰ ⴷⴻⴳ ⵓⴳⴷⵓⴷ, ⴰⵎⴰ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ, ⵍⴰⴷⵖⴰ ⵎⴳⴰⵍ ⵢⵉⵏⵙⴻⵍⵎⴻⵏ.
« ⴰⵙⵙⴽⴰⵏ-ⴰ ⵓⵃⵇⵉⵔ ⵏ ⴽⴰⵕⵓⵀ ⴷ ⵍⵇⴻⵍⵍⴰ ⵏ ⵓⵎⵙⵓⵔⴻⴼ ⴷ ⵓⵣⵔⴰⵄ ⵢⴻⵜⵜⵡⴰⵄⴻⵎⵎⴷⴻⵏ ⴷ ⵓⵎⵉⵀⴰⵡ ⵏ ⵢⵉⵙⴰⵍⴰⵏ ⵏ ⵜⴽⴻⵍⵍⴰⵅ ⴷ ⵓⵙⵙⴻⵇⴷⴻⵛ ⵏ ⵓⵙⵙⵉⴳⴻⴷ ⵉ ⵍⵎⴻⵏⴷ ⵏ ⵜⵙⴻⵔⵜⵉⵜ ⴷ ⵜⵉⵖⴰⵡⵙⵉⵡⵉⵏ ⴰⵢ ⵏⵖⵓⵏⴼⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰ) ⵓⵛⵔⵉⴽ ⵓⵏⴻⵚⵚⴰⵃ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵃⴻⵣⵣⴻⴱ ⵖⴻⴼ ⵓⵙⵙⴻⵏⴳⴻⵔ ⵏ ⵢⵉⵖⴻⵔⴼⴰⵏ ⴷⴻⴳ ⵜⵏⴻⵚⵚⴰⵃⵜ ⵜⵓⵣⵣⵉⴳⵜ ⵏ ⵜⵎⴰⵙⵉⵜ (ⵎⴰⵙ’ⵓⵍⵉⵢⵢⴰ) ⵏ ⵓⵃⵓⴷⴷⵓ.
ⵙⵉⵏ-ⴰ ⵏ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵡⵜⴻⵏ-ⴷ « ⵙ ⵍⴵⴻⵀⴷ ⵢⴻⵔⵏⴰ ⵡⴰⵔ ⴰⴽⵓⴽⵔⵓ » ⴷⴻⴳ ⵜⴻⵏⵟⴰⴳⵉⵏ (ⵀⴰⴵⴰⵎⴰⵜ) ⵜⵉⵏⴻⵊⵔⵉⵎⵉⵏ ⵏ ⵢⵉⵎⴻⴹⴹⵓⵔⴼⴰ ⵓⴽⵔⵉⴹⴻⵏ, ⵢⴻⵔⵏⴰ ⵡⴻⴽⴽⴷⴻⵏ-ⴷ ⴷ ⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⴷ-ⵢⵉⵍⵉ ⵡⴰⵙⵙⴰⵖ ⴳⴰⵔ ⵜⴻⵏⵟⴰⴳⵉⵏ-ⴰ ⴷ ⵎⴻⴷⴷⴻⵏ ⵏ ⴽⵔⴰ ⵏ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ).
ⴰⴷⴷⵓⴷⴻⵏ ⴰⵎ ⵡⵉ ⴱⴰⵏⴻⵏ-ⴷ ⵙ « ⵎⴻⵃⵢⴰⴼ ⴷ ⵜⴻⴽⵔⵉⴹⵜ (ⵄⵓⵏⴼ) ⵎⴳⴰⵍ ⵢⵉⵏⵙⴻⵍⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.
ⵢⴻⴼⴼⴻⵖ-ⴷ ⵓⵍⵖⵓ-ⴰ ⴷⴻⴼⴼⵉⵔ ⵎⴰ ⵍⵍⴰⵏⵜ-ⴷ ⴰⵟⴰⵙ ⵏ ⵍⵉⵃⴰⵍⴰⵜ ⵏ ⵓⵙⵙⵉⴳⴻⴷ ⴷ ⵓⵜⵄⴻⴷⴷⵉ ⵖⴻⴼ ⵢⵉⵏⵙⴻⵍⵎⴻⵏ, ⵍⴰⴷⵖⴰ ⵍⴻⵛⵖⴰⵍ ⵏ ⵓⵙⵙⴻⵅⵚⴻⵔ ⵏ ⵜⵎⴻⴳⵉⴷⵉⵡⵉⵏ (ⵎⴰⵙⴰⴵⵉⴷ), ⵉⵡⴻⵏⵏⵉⵜⴻⵏ (ⵜⴰⵄⵍⵉⵇⴰⵜ) ⵏ ⵎⴻⵃⵢⴰⴼ, ⵏ ⴽⴰⵕⵓⵀ ⵏ ⵢⵉⴱⴻⵕⵕⴰⵏⵉⵢⴻⵏ ⴷ ⵜⴻⵎⵙⵉⵔⵉⵜ (ⵜⴰⵎⵢⵉⵣ ⵄⵓⵏⵚⵓⵔⵉ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ, ⵢⴻⵔⵏⴰ ⵙⵃⴰⵙⵙⴼⴻⵏ ⵡⵉⴷ ⴰⵢ ⵜ-ⵉⴷ-ⵢⴻⵙⵙⵓⴼⴼⵖⴻⵏ ⵉⵎⵉ ⴽⵔⴰ ⵏ ⵎⴻⴷⴷⴻⵏ ⴼⴽⴰⵏ ⵉⵙⴻⵎ ⵏ « ⵉⵔⴻⴱⵔⴰⴱⴻⵏ » ⵉ ⵢⵉⵏⵙⴻⵍⵎⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵙⵓⵔⵢⴰ ⴷ ⵄⵉⵔⴰⵇ.
ⴷⴻⴳ ⵜⴰⵍⵍⵉⵜ-ⴰ ⵏ ⵢⵉⵎⴻⵏⵖⵉ ⵎⴳⴰⵍ ⵜⴻⴽⵔⵉⴹⵜ ⴷ ⵜⵉⴹⴹⵓⵔⴼⴰ, ⵉⵏⴰⴱⴰⴹⴻⵏ (ⵃⵓⴽⵓⵎⴰⵜ) ⴷ ⵢⵉⴷⵉⵙⴰⵏ ⵏⵉⴹⴻⵏ ⵢⴻⵙⵄⴰⵏ ⵜⴰⵣⵎⴻⵔⵜ ⵢⴻⵙⵙⴻⴼⴽ « ⴰⴷ ⵃⴰⵕⴱⴻⵏ ⵜⵉⴽⴻⵔⴽⴰⵙ-ⴰ, ⵜⵉⵎⵓⵖⵍⵉⵡⵉⵏ-ⴰ ⵜⵓⵛⵛⵉⴹⵉⵏ ⴷ ⵜⵓⴳⴷⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵏⴻⵚⵚⴰⵃⴻⵏ-ⴰ ⵓⵣⵣⵉⴳⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⴳⵔⴻⵏ ⵜⵉⵖⵔⵉ ⵉ ⵢⵉⴷⵓⴱⴰ ⴷ ⵢⵉⵎⴹⴻⴱⴱⵔⴻⵏ ⵉⵙⴻⵔⵜⵉⵢⴻⵏ ⴰⴽⴽⴻⵏ « ⴰⴷ ⴳⴻⵏ ⵛⵛⵖⴻⵍ-ⵏⵙⴻⵏ ⵙ ⵜⵎⴰⵙⵉⵜ (ⵎⴰⵙ’ⵓⵍⵉⵢⵢⴰ) ⵙ ⵓⵇⴰⴷⴻⵔ ⵏ ⵍⴻⵇⵡⴰⵏⵉⵏ ⵉⵖⴻⵍⵏⴰⵡⴻⵏ ⴷ ⵢⵉⴳⵔⴰⵖⵍⴰⵏⴻⵏ ».
