ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴰⵔⴰⴳ ⵏ ⵕⵓⵎⴰ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵡⴻⴽⴽⴻⴷ ⵏ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵢⵉⵍⵉⴱⵉⵢⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵍⵉⴱⵢⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵕⵓⵎⴰ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵙ ⵡⴰⵣⴰⵍ-ⵏⵏⴻⵙ ⵉ ⵓⵡⴻⴽⴽⴻⴷ ⵏ « ⵓⴱⴷⴰⴷ ⵓⴵⵀⵉⴷ » ⵏ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⵖⴻⵔ ⵢⵉⴷⵉⵙ ⵏ ⵜⵎⵓⵔⵜ-ⴰ ⴰⵢ ⵍⴰ ⵉⵄⴻⵔⵔⴹⴻⵏ ⴰⴷ ⵜⴻⴼⵔⵓ ⵜⴰⵍⵓⴼⵜ-ⵏⵏⴻⵙ ⵜⴰⵙⴻⵔⵜⵉⵜ ⴷ ⵜⵖⴻⵍⵍⵉⵙⴰⵏⵜ ⵙ ⵓⵏⴰⴷⵉ ⵏ ⵜⵉⴼⵔⴰⵜ ⵏ ⵜⴰⵍⵡⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵓⵖⵍⵉⴼ ⴰⴷⵣⴰⵢⵔⵉ ⵏ ⵜⵖⴰⵙⵉⵡⵉⵏ ⵏ ⵓⵣⵖⴰⵔ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴰⵢ ⴰⵖ-ⴷ-ⵢⴻⵡⵡⴹⴻⵏ.
« ⵉⵙⵡⵉ ⵏ ⵓⵎⵢⴰⴳⴻⵔ-ⴰ ⵏⴻⵜⵜⴰ ⴷ ⴰⵙⵙⴽⴰⵏ ⵏ ⵓⴱⴷⴰⴷ ⵓⴵⵀⵉⴷ ⵏ ⵓⵎⵖⵉⵡⴰⵏ ⴰⴳⵔⴰⵖⴽⴰⵏ ⵖⴻⵔ ⵢⵉⴷⵉⵙ ⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴰⵍⵓⴼⵜ ⵏ ⵍⵉⴱⵢⴰ ⴷ ⵓⴽⴰⵍⴰ (ⵎⴰⵙⴰⵔ) ⵏ ⵓⵎⵛⵉⵡⴻⵕ ⴰⵙⴻⵔⵜⵉ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴳⴰⵔ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⴼⵔⵓⵏ ⵉ ⵍⴻⴱⴷⴰ ⵜⴰⵍⵓⴼⵜ ⵏ ⵜⵎⵓⵔⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴷⴻⴳ ⵓⵍⵖⵓ-ⵏⵏⵉ ⴰⵢ ⴷ-ⵢⴻⵙⵙⵓⴼⴼⴻⵖ ⵓⵖⵍⵉⴼ ⴷⴻⴳ ⵜⴳⴰⵔⴰ ⵏ ⵓⵙⴰⵔⴰⴳ-ⵏⵏⵉ.
ⴷⵖⴰ ⵢⴻⵙⵎⴻⴽⵜⵉ-ⴷ ⵎⴰⵙⵙ ⵎⴻⵙⵙⴰⵀⴻⵍ, ⵉ ⵍⵎⴻⵏⴷ ⵏ ⵜⵉⵏⴰⵡⵜ-ⵏⵏⴻⵙ ⴰⴷⴷⵓⴷ ⵏ ⵍⴻⵣⵣⴰⵢⴻⵔ « ⵓⵔ ⵢⴻⵜⵜⴱⴻⴷⴷⵉⵍⴻⵏ » ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵙ ⵜⵙⴻⵔⵜⵉⵜ « ⵙ ⵓⵇⴰⴷⴻⵔ ⵏ ⵢⵉⵎⴻⵏⵣⴰⵢⴻⵏ ⵏ ⵜⵏⴰⵢⴰ (ⵙⵉⵢⴰⴷⴰ), ⴰⵔⴳⴰⵍ ⵏ ⵓⴱⵔⵉⴷ ⵉ ⵜⴳⴻⵔⵎⴰⵏⵜ ⵜⴰⴱⴻⵕⵕⴰⵏⵉⵜ ⴷ ⵓⵇⴰⴷⴻⵔ ⵏ ⵜⵓⵎⵎⴷⴰ ⵏ ⵡⴰⴽⴰⵍ ⴷ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵍⵉⴱⵢⴰ ⴷ ⵓⵎⵙⴻⴼⵀⴰⵎ ⴳⴰⵔ ⵡⴰⵔⵔⴰⵡ ⵏ ⵓⵖⵔⴻⴼ-ⵏⵏⴻⵙ, ⵢⴻⵔⵏⴰ ⴰⵢⴰ ⵢⴻⵙⵙⴻⴼⴽ ⴰⴷ ⵢⴻⵙⵙⵉⵡⴻⴹ ⵙ ⵜⵖⴰⵡⵍⴰ ⵖⴻⵔ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⴷ ⵢⴻⵙⵄⵓⵏ ⵟⵔⴰⴱⵍⴻⵙ ⴷ ⵜⴰⵎⴰⵏⴻⵖⵜ-ⵏⵏⴻⵙ » ⴰⴽⴽⴻⵏ ⴰⴷ ⵢⴻⵞⵞⴰⵕ ⵢⵉⵍⴻⵎ-ⵏⵏⵉ ⴰⵙⴻⵔⵜⵉ ⴷⴻⴳ ⵍⵉⴱⵢⴰ.
ⵉⴼⵓⵕⴻⵙ ⴷⴰⵖ ⵓⵏⴻⵖⵍⴰⴼ ⵜⴰⴳⵏⵉⵜ-ⴰ ⴰⴽⴽⴻⵏ ⴰⴷ ⵉⵄⴰⵡⴻⴷ ⴰⴷ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵉⵍⵉⴱⵉⵢⴻⵏ ⵙⵄⴰⵏ ⵜⵉⵣⴻⵎⵎⴰⵔ ⴷ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⴰⵎⴰ ⵙⴻⴳ ⵢⵉⴷⵉⵙ ⵏ ⵜⵜⴰⵡⵉⵍ ⵏⴻⵖ ⵏ ⵢⵉⵎⴷⴰⵏⴻⵏ, ⴰⴽⴽⴻⵏ ⴰⴷ ⴼⵔⵓⵏ ⵜⴰⵍⵓⴼⵜ-ⵏⵙⴻⵏ ⵉ ⵍⴻⴱⴷⴰ, ⴷ ⴰⵛⵓ ⴽⴰⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵡⴰⵔ ⵎⴰ ⵉⴳⴻⵔ-ⴷ ⴽⵔⴰ ⵏ ⵢⵉⴷⵉⵙ ⴰⴱⴻⵕⵕⴰⵏⵉ ⵉⵎⴰⵏ-ⵏⵏⴻⵙ ⴷⴻⴳ ⵜⵖⴰⵡⵙⵉⵡⵉⵏ-ⵏⵙⴻⵏ ⵢⴻⵔⵏⴰ ⵢⵉⵡⴻⵏ ⵓⵔ ⴰⵙⴻⵏ-ⴷ-ⵢⴻⵜⵜⵃⴻⵜⵜⵉⵎ ⴰⴱⵔⵉⴷ ⴰⴷ ⴹⴻⴼⵔⴻⵏ.
ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵡⴰⴽⴽ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵔⵔⴻⵏ ⵜⵉⴼⵔⴰⵜ-ⴰ ⵜⴰⵙⴻⵔⵜⵉⵜ ⴷ ⴰⵢⵍⴰ-ⵏⵙⴻⵏ, ⵢⴻⵔⵏⴰ ⴰⴷ ⴷ-ⵍⵀⵓⵏ ⵙ ⵓⵣⴻⴽⴽⴰ-ⵏⵙⴻⵏ ⵡⴰⵔ ⵎⴰ ⴳⵔⴻⵏ-ⴷ ⴷⴻⴳ ⵍⴻⵃⵙⴰⴱ ⵜⵉⵎⵙⴰⵍ ⴰⵢⵖⴻⴼ ⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⴼⴽⴻⵏ ⴰⵣⴰⵍ ⵉ ⵏⵏⴼⴻⵄ ⵏ ⵓⵖⵔⴻⴼ ⴰⵍⵉⴱⵉ ⵓⵇⴱⴻⵍ ⴰⴽⴽ ⴰⵢⴻⵏ ⵏⵉⴹⴻⵏ ⵢⴻⵔⵏⴰ « ⴰⴷ ⴷⴷⵔⴻⵏ ⴷⴻⴳ ⵜⴰⵍⵡⵉⵜ, ⴷⴻⴳ ⵜⵖⴻⵍⵍⵉⵙⵜ ⴷ ⵓⵔⴽⴰⴷ ».
