ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⴻⵏⴳⵀⴻⴱⵔⵉⵜ: ⴰⵇⴻⵢⵢⴻⵎ ⴰⵎⴰⵢⵏⵓⵜ ⵏ ⵢⵉⴱⴰⵍⵎⵓⴷⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⴰⴷ ⵢⴻⵜⵜⵡⴰⴹⴼⴻⵔ ⵢⵉⵡⴻⵏ ⵏ ⵓⵏⴰⴳⵔⴰⵡ (ⵏⵉⴹⴰⵎ) ⴷ ⴰⵎⴰⵢⵏⵓ ⵏ ⵓⵇⴻⵢⵢⴻⵎ ⵏ ⵢⵉⴱⴰⵍⵎⵓⴷⴻⵏ ⴷⴻⴳ ⵓⵖⴻⵔⴱⴰⵣ, ⵢⴻⵔⵏⴰ ⴰⵏⴰⴳⵔⴰⵡ-ⴰ ⴰⴷ ⵢⴻⵄⵔⴻⴹ ⴰⴷ ⴷ-ⵢⴰⴼ ⵙⵡⴰⵙⵡⴰ ⴰⵢⴻⵏ ⴰⵢⴷⴻⴳ ⵉⵅⵓⵚⵚ ⵓⴱⴰⵍⵎⵓⴷ ⴷⴻⴳ ⵢⴰⵍ ⵜⴰⵏⴳⴰ (ⵎⴰⴷⴷⴰ) ⴰⴽⴽⴻⵏ ⴰⴷ ⵜ-ⵄⴰⵡⵏⴻⵏ ⴰⴷ ⴷ-ⵢⴻⵔⴼⴻⴷ ⴰⵙⵡⵉⵔ-ⵏⵏⴻⵙ.
« ⴰⵏⴰⴳⵔⴰⵡ ⵏ ⵓⵇⴻⵢⵢⴻⵎ ⵏ ⵢⵉⴱⴰⵍⵎⵓⴷⴻⵏ ⴰⴷ ⴷ-ⵢⵉⵍⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ-ⵙ. ⴰⵏⴰⴳⵔⴰⵡ-ⴰ (ⴰⴽⴽⴻⵏ ⵢⴻⵍⵍⴰ ⴰⵙⵙ-ⴰ) ⴷ ⵡⵉⵏ ⵏ ⵓⵇⴻⵢⵢⴻⵎ ⴰⵎⴰⵜⵓ (ⵜⵉⵣⵎⵉⵍⵉⵏ [ⵄⴰⵍⴰⵎⴰⵜ] ⴷ ⵜⵉⵎⴰⵡⵉⵏ), ⵎⴰⵛⴰ ⴰⴷ ⵢⵓⵖⴰⵍ ⴷ ⴰⵏⴰⴳⵔⴰⵡ ⴰⵢⴷⴻⴳ ⴰⴷ ⵄⴻⵔⴹⴻⵏ ⴰⴷ ⴷ-ⴰⴼⴻⵏ ⵙⵡⴰⵙⵡⴰ ⴰⵢⴻⵏ ⴰⵢⴷⴻⴳ ⵉⵅⵓⵚⵚ ⵓⴱⴰⵍⵎⵓⴷ ⴷⴻⴳ ⵢⴰⵍ ⵜⴰⵏⴳⴰ ⴰⴽⴽⴻⵏ ⴰⴷ ⵢⵉⴼⵙⵓⵙ ⴼⴻⵔⵔⵓ ⵏ ⵡⵓⴳⵓⵔⴻⵏ-ⵏⵏⴻⵙ ⵢⴻⵔⵏⴰ ⴰⴷ ⵢⴻⵜⵜⵡⴰⵄⴰⵡⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵖⴻⴼ ⴽⵔⴰ ⵏ ⵢⵉⵖⴻⵔⴱⴰⵣⴻⵏ ⵉ ⵍⵎⴻⵏⴷ ⵏ ⵜⵓⴽⵛⵉ ⵏ ⵢⵉⵕⴰⴱⵓⵍⴻⵏ ⵏ ⵜⴻⵣⵎⵉⵍⵉⵏ ⵏ ⵜⵙⴻⵎⵀⵓⵢⵜ (ⴼⴰⵚⵍ) ⵜⴰⵎⴻⵣⵡⴰⵔⵓⵜ.
« ⴰⵇⴻⵢⵢⴻⵎ ⴰⵎⴰⵜⵓ ⵏ ⵓⴱⴰⵍⵎⵓⴷ ⴷⴻⴳ ⴽⵔⴰ ⵏ ⵜⴻⵏⴳⴰ ⵉⴱⴰⵏⴻⵏ ⵓⵔ ⴷ-ⵢⴻⴼⴽⵉ ⴰⵔⴰ ⵉⴳⵎⴰⴹ, ⴷⵖⴰ ⵖⴻⴼ ⵡⴰⵢⴰ ⴰⴷ ⴷ-ⵢⵉⵍⵉ ⵓⵏⴰⴷⵉ ⵖⴻⴼ ⵜⵖⴰⵡⵙⵉⵡⵉⵏ ⴰⵢⴷⴻⴳ ⵉⵅⵓⵚⵚ ⵓⴱⴰⵍⵎⵓⴷ ⴷⴻⴳ ⵢⴰⵍ ⵜⴰⵏⴳⴰ ⴰⴽⴽⴻⵏ ⴰⴷ ⵢⴻⵜⵜⵡⴰⵄⴰⵡⴻⵏ ⴷⴻⴳ-ⵙⴻⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⴷ ⴰⵎⴰⵙⵡⴰⴹ (ⵎⵓⴼⴰⵜⵜⵉⵛ) ⵏ ⵓⵙⵙⴻⴳⵎⵉ ⴰⴷ ⵢⵓⵔⴰⵔⴻⵏ ⴷⴷⵓⵕ ⴰⵎⴻⵇⵔⴰⵏ ⴰⴽⴽ ⴷⴻⴳ ⵛⵛⵖⴻⵍ-ⴰ, ⴰⵛⴽⵓ ⴷ ⵏⴻⵜⵜⴰ ⴰⵢ ⵢⴻⵜⵜ)ⴹⴰⴼⴰⵔⴻⵏ ⴰⵙⴻⵍⵎⴰⴷ ⵢⴻⵔⵏⴰ ⵢⴻⵜⵜⵄⴰⵙⵙⴰ-ⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⵉⵖⵔⵉ ⵉ ⵓⵎⴰⵙⵡⴰⴹ ⴰⴽⴽⴻⵏ ⴰⴷ ⴷ-ⵉⴳⴻⵏ ⴰⵟⴰⵙ ⵏ ⵜⴻⵎⵙⴰⵍ ⴷⴻⴳ ⵍⴻⵃⵙⴰⴱ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵏⵚⴻⴱ (ⵜⴰⵔⵙⵉⵎ) ⵏ ⵢⵉⵙⴻⵍⵎⴰⴷⴻⵏ, ⴳⴰⵔ-ⴰⵙⴻⵏⵜ ⵜⴰⵎⵓⵙⵙⵏⵉ-ⵏⵙⴻⵏ ⴷⴻⴳ ⵚⵚⴻⵏⵄⴰ ⴷ ⵓⵙⵙⴻⴳⵎⵉ.
ⵓⵍⴰ ⴷ ⴰⵏⴻⵎⵀⴰⵍ ⵏ ⵓⵖⴻⵔⴱⴰⵣ ⵢⴻⵜⵜⵓⵔⴰⵔ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ ⵙ ⵜⵉⴳⵉⵏ ⵏ ⵢⵉⴼⴰⴷⴷⴻⵏ ⵉ ⵢⵉⵙⴻⵍⵎⴰⴷⴻⵏ ⴰⴽⴽⴻⵏ ⴰⴷ ⴷ-ⴼⴽⴻⵏ ⵉⴳⵎⴰⴹ ⵉⴳⴻⵔⵔⵣⴻⵏ ⵓⴳⴰⵔ ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⴹⴼⴰⵔ ⴷ ⵓⵇⴰⴷⴻⵔ ⵏ ⵜⵓⴳⵔⵉⵏⵜ (ⵉⵏⴹⵉⴱⴰⵟ).
