ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴻⵔⵔⵉⵜ: ⵉⵃⴻⵣⵣⵉⴱⴻⵏ ⵏ ⵓⵏⴰⴱⴰⴹ ⴱⴷⴰⵏ ⵍⴰ ⴷ-ⴳⴻⵍⵍⵓⵏ ⵙ ⵍⵖⴻⵍⵍⴰ

ⴳⴰⵍⵎⴰ – ⵏⵏⴰⵏ-ⴷ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵡⴰⵙⵙ ⵏ ⵜⴻⵣⵔⴰⵡⵉⵏ (ⵢⴰⵡⵎ ⴷⵉⵔⴰⵙⵉ) ⵖⴻⴼ ⵜⵎⴻⵔⵔⵉⵜ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴳⴰⵍⵎⴰ, ⴷ ⴰⴽⴽⴻⵏ ⵉⵃⴻⵣⵣⵉⴱⴻⵏ ⴰⵢ ⵢⴻⴷⴷⴻⵎ ⵓⵏⴰⴱⴰⴹ (ⵃⵓⴽⵓⵎⴰ) ⵙⴻⴳ ⵎⴻⵍⵎⵉ ⴽⴰⵏ ⵉ ⵓⵙⵎⴰⵍ (ⵜⴰⵔⵇⵉⵢⴰ) ⵏ ⵜⵎⴻⵔⵔⵉⵜ « ⴳⵍⴰⵏ-ⴷ ⵙ ⵍⵖⴻⵍⵍⴰ » ⴷⴻⴳ ⵓⵏⵔⴰⵔ ⵙ ⵜⵎⴻⵔⵏⵉⵡⵜ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⴼⵜⵉ.

ⴷⴻⴳ ⵜⴳⴰⵔⴰ ⵏ ⵛⵜⴻⵎⴱⴻⵕ ⵏ 2015, ⴰⵎⴹⴰⵏ (ⵄⴰⴷⴰⴷ) ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⵢⴻⵡⵡⴻⴹ ⵖⴻⵔ 1081, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵣⵧⵓⴱⵉⵔ ⵎⵧⵀⴰⵎⴻⴷ ⵙⵧⴼⵉⴰⵏⴻ, ⴰⵏⴻⵎⵀⴰⵍ ⵏ ⵓⵇⴻⵢⵢⴻⵎ ⴷ ⵓⴷⵀⴰⵍ (ⴷⴰⵄⵎ) ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵓⵖⵍⵉⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ (ⵙⵉⵢⴰⵃⴰ) ⴷⴻⴳ ⵓⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴰⴷⴷⴰⵔⵜ ⵏ ⵜⵎⴻⵔⵔⵉⵜ ⵏ ⵃⴻⵎⵎⴰⵎ ⵡⵍⴰⴷ ⵄⵍⵉ.

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵉⵙⴻⵏⴼⴰⵔⴻⵏ ⴰⵢ ⵢⴻⵇⴱⴻⵍ ⵓⵏⴰⴱⴰⴹ ⴰⴷ ⴷ-ⵙⵏⵓⵍⴼⵓⵏ 134.517 ⵏ ⵡⵓⵙⵓⵜⴻⵏ ⴷ 54.000 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ.

« 6 ⵏ ⵢⵉⵙⵙⵓⵜⵔⴻⵏ ⴰⵢ ⴷ-ⵢⴻⵜⵜⴰⵡⴹⴻⵏ ⵢⴰⵍ ⴰⵙⵙ ⵖⴻⵔ ⵜⵙⴻⵇⵇⴰⵎⵓⵜ ⵜⴰⵖⵍⵉⴼⴰⵏⵜ ⵏ ⵓⵣⵔⴰⵡ (ⴷⵉⵔⴰⵙⴰ), ⵢⵉⵍⵉ, ⴷⴻⴳ ⵢⵉⵣⵔⵉ, ⵜⴻⵍⵍⴰ ⵜⴻⵜⵜⴰⴹⴹⴰⴼ-ⴷ ⴰⵍⴰ 2 ⵏ ⵢⵉⵙⵙⵓⵜⵔⴻⵏ ⴷⴻⴳ ⴷⴷⵓⵕⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ ⴰⵏⵏⴻⵔⵏⵉ-ⴰ ⵢⴻⴵⴵⴰ ⵜⴰⵙⴻⵇⵇⴰⵎⵓⵜ-ⴰ ⴰⴷ ⵜⴻⵜⵜⴻⴳ ⵜⵉⵎⵍⵉⵍⵉⵜ ⵢⴰⵍ ⴷⴷⵓⵕⵜ « ⴰⴽⴽⴻⵏ ⴰⴷ ⴷ-ⵜⴻⵍⵀⵓ ⵙ ⵢⵉⵙⵙⵓⵜⵔⴻⵏ-ⴰ ».

ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ ⵏ ⵓⵖⵍⵉⴼ, ⵜⵉⴷⴷⵉⵜ-ⴰ ⵉⴵⴻⵀⴷⴻⵏ ⵜⴻⵍⵍⴰ-ⴷ ⴷ « ⵍⵖⴻⵍⵍⴰ ⵏ ⵜⵙⴻⵔⵜⵉⵜ ⵏ ⵓⵏⴰⴱⴰⴹ ⴰⵢ ⴷ-ⵉⴱⴻⴷⴷⴻⵏ ⵉ ⵍⵎⴻⵏⴷ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⴷⴻⴳ ⵡⴰⴽⴽ ⵉⵃⵔⵉⵛⴻⵏ ⵏ ⵍⴻⴱⵏⵉ ⵏ ⵓⵙⴻⵏⴼⴰⵔ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⵉⴼⵙⵓⵙ ⵜⵙⴻⵔⵜⵉⵜ-ⴰ ⵍⴻⵛⵖⴰⵍ ⴰⴽⴽⴻⵏ ⴰⴷ ⵜⴻⴳ ⵉⴼⴰⴷⴷⴻⵏ ⵉ ⵜⴻⵕⵎⵉⵙⵉⵏ, ⴷⵖⴰ ⴰⵍⴰ 3 ⵏ ⵍⴻⴽⵡⴰⵖⴻⴹ ⴰⵢ ⴰⵙⴻⵏⵜ-ⴷ-ⵙⵙⵓⵜⵓⵔⴻⵏ ⴷⴻⴳ ⵓⴱⴷⵉⵍ ⵏ 7 ⵍⴻⴽⵡⴰⵖⴻⴹ-ⵏⵏⵉ ⵏ ⵣⵉⴽ, ⵢⴻⵔⵏⴰ ⵜⴰⵎⵓⵖⵍⵉ ⴷⴻⴳ ⵓⴽⴰⵔⴰⵎ-ⵏⵏⴻⵙ (ⵎⵉⵍⴰⴼ) ⴰⴷ ⵜⴻⵇⵇⵉⵎ 7 ⵏ ⵡⵓⵙⵙⴰⵏ ⴷⴻⴳ ⵓⴱⴷⵉⵍ ⵏ ⵡⴰⵢⵢⵓⵔ ».

ⴷ ⴰⵢⴰ ⴷⴰⵖ ⵓⵎⵉ ⴷ-ⵉⴳⴻⵔ ⵜⴰⵎⴰⵡⵜ ⵓⵏⴻⵎⵀⴰⵍ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⵏ ⵓⵙⴻⵏⴷⵓⵇ ⵏ ⵜⴻⴹⵎⴰⵏⵜ ⵏ ⵢⵉⵙⵎⴰⴷⴻⵏ ⵉ ⵜⴻⵕⵎⵉⵙⵉⵏ ⵜⵉⵍⴻⵎⵎⴰⵙⵉⵏ ⴷ ⵜⵎⴻⵥⵢⴰⵏⵉⵏ (ⴼⴳⴰⵔ) , ⵍⵧⵓⵏⴻⵙ ⵣⵧⵀⵉⵔ, ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ 25 ⵏ ⵢⵉⵙⴻⵏⴼⴰⵔⴻⵏ ⵉⵎⴻⵔⵔⴰⵢⴰⵏⴻⵏ ⴰⵢ ⵢⴻⴹⵎⴻⵏ ⵓⵙⴻⵏⴷⵓⵇ-ⴰ ⵢⵉⵍⵉ, ⴷⴻⴳ ⵡⴰⵢⴻⵏ ⴰⴽⴽⴰ ⵢⴻⵣⵔⵉⵏ ⵢⴻⵔⵏⴰ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⵏⵏⵓⵍⴼⴰ, ⴷⴻⴳ 2004, ⴰⵍⴰ 2 ⵏ ⵢⵉⵙⴻⵏⴼⴰⵔⴻⵏ ⴰⵢ ⵢⴻⴹⵎⴻⵏ.