ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵔⵔⴰⵣ ⵏ ⵜⵖⴰⵔⴰ ⵢⴻⵜⵜⵓⵏⴻⴼⴽ ⵉ ⵉⴼⵔⴰⵔⴰⵉⵍ ⴷ ⵜⴽⴻⴱⴱⴰⵏⵉⵜ ⵏ ⵠⴻⵏⵓⵙ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵜⵜⵓⵏⴻⴼⴽ ⵡⴰⵔⵔⴰⵣ ⴰⴷⵣⴰⵢⵔⵉ ⵏ ⵜⵖⴰⵔⴰ (ⵏⴰⵡⵄⵉⵢⵢⴰ) ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵉ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⵉⵏⴼⵔⴰⵔⴰⵉⵍ (ⴷ ⵜⴰⴼⵓⵔⴽ ⵙⴻⴳ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ – ⵙⵏⵜⴼ) ⴷ ⵜⴻⵕⵎⵉⵙⵜ ⵏ ⵢⵉⴼⴰⵔⵉⵙⴻⵏ ⵏ ⵓⵛⴻⴱⴱⴻⵃ ⵏ ⵠⴻⵏⵓⵙ. ⴰⵔⵔⴰⵣ-ⴰ ⵜⵜⴰⴽⴼⴻⵏ-ⵜ ⵉ ⵜⴻⵕⵎⵉⵙⵉⵏ ⴰⵢ ⵢⴻⵜⵜⵇⴰⴷⴰⵔⴻⵏ ⵉⵍⵓⴳⴰⵏ ⵏ ⵓⵎⵙⵉⵣⵡⴻⵔ ⴷ ⵓⵙⵙⴻⴼⵔⴻⴽ.
ⴷ ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵍⵎⵉⵏⴰⵜ ⴰⵢ ⴷ-ⵉⴹⴻⴱⴱⵔⴻⵏ ⵖⴻⴼ ⵓⵙⵏⵓⵍⴼⵓ ⵏ ⵡⴰⵔⵔⴰⵣ-ⴰ ⵉ ⵓⴵⴰⵣⵉ ⴷ ⵜⵉⴳⵉⵏ ⵏ ⵢⵉⴼⴰⴷⴷⴻⵏ ⵉ ⵜⴻⵕⵎⵉⵙⵉⵏ ⴰⴽⴽⴻⵏ ⴰⴷ ⵙⴵⴻⵀⴷⴻⵏⵜ ⵍⴻⵛⵖⴰⵍ-ⵏⵙⴻⵏⵜ, ⵢⴻⵔⵏⴰ ⴰⵔⵔⴰⵣ-ⴰ ⵏ ⵜⴻⵥⵔⵉⴳⵜ ⵜⵉⵙ (ⵟⴰⴱⵄⴰ) 13 ⴱⴹⴰⵏⵜ-ⵜⵜ ⵙⵏⴰⵜ ⵏ ⵜⴻⵕⵎⵉⵙⵉⵏ ⴰⵙⴻⴳⴳⴰⵙ-ⴰ. ⵢⴰⵍ ⵢⵉⵡⴻⵜ ⵙⴻⴳ-ⵙⴻⵏⵜ ⵜⴻⴹⴹⴻⴼ-ⴷ ⴰⵔⵔⴰⵣ-ⵏⵏⵉ ⵙⵖⵓⵔ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ, ⴰⴱⴷⴻⵙⵍⴰⵎ ⴱⵧⵓⵛⵀⵧⵓⴰⵔⴻⴱ, ⵙ ⵜⵉⵎⵎⴰⴷ-ⵏⵏⴻⵙ ⴷⴻⴳ ⵜⵎⴻⵖⵔⴰ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵙⵙⴰⴳⵏⵓ (ⵜⴰⵇⵢⵉⵙ).
ⴷⴻⴳ ⵜⴻⵥⵔⵉⴳⵜ-ⴰ (ⵟⴰⴱⵄⴰ), 31 ⵏ ⵜⴻⵕⵎⵉⵙⵉⵏ ⵜⵉⵏⴰⴳⴷⵓⴷⵉⵏ (ⵄⵓⵎⵓⵎⵉⵢⵢⴰ) ⴷ ⵜⵓⵙⵍⵉⴳⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵙⵉⵣⵡⴻⵔ ⵉ ⵡⴰⵔⵔⴰⵣ-ⴰ, ⵢⴻⵔⵏⴰ ⵢⴻⵜⵜⵓⵏⴻⴼⴽ ⵖⴻⴼ ⵍⴻⵃⵙⴰⴱ ⵏ ⵜⵖⴰⵔⴰ ⵏ ⵙⵙⴻⵍⵄⴰ, ⴰⵙⵏⴻⴼⵍⵉ ⵏ ⵜⴻⵖⴱⵓⵍⴰ ⵜⵉⵍⵙⴰⵏⵉⵏ (ⵉⵅⴻⴷⴷⴰⵎⴻⵏ) ⴷ ⵓⵙⵙⴻⵍⵀⵓ ⵢⴻⵜⵜⴽⴻⵎⵎⵉⵍⴻⵏ ⵏ ⵓⴽⴰⵍⴰ ⵏ ⵓⴼⴰⵔⴻⵙ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵔⵔⴰⵣ ⵏ ⵓⵙⵙⴻⴱⵖⴻⵙ (ⵜⴰⵛⴵⵉⵄ) ⵢⴻⵜⵜⵓⵏⴻⴼⴽ ⵉ ⵜⴻⵕⵎⵉⵙⵜ ⵏ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵢⵉⵎⴻⵥⵍⴰ ⴷ ⵜⴷⵓⵎⵚⵓⴽⵉⵡⵉⵏ ⵏ ⵢⵉⵏⴰⴼⴰⴳⴻⵏ (ⵙⴳⵙⵉⴰ) ⵖⴻⴼ ⵍⴵⴰⵍ ⵏ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ-ⵏⵏⴻⵙ ⵉ ⵢⵉⵎⵙⵉⴽⵍⴻⵏ ⴷⴻⴳ ⵓⵏⴰⴼⴰⴳ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵓⵙⵙⴰⴳⵏⵓ ⴰⴷ ⴷ-ⵢⴻⵜⵜⵡⴰⵇⴻⴷⴷⴻⵎ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵉ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.
ⵍⵇⴰⵏⵓⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴷ ⵡⵉⵏ ⴰⵢⴷⴻⴳ ⴰⴷ ⵜⴻⵜⵜⵡⴰⵄⴰⵡⴻⴷ ⵜⵎⵓⵖⵍⵉ ⵖⴻⴼ ⵜⵙⴻⵔⵜⵉⵜ ⵜⴰⵖⴻⵍⵏⴰⵡⵜ ⵏ ⵜⵖⴰⵔⴰ ⵢⴻⵍⵍⴰⵏ ⴷ « ⴰⵃⵔⵉⵛ ⵏ ⵍⵍⵙⴰⵙ » ⴷⴻⴳ ⵜⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵜⴰⵖⴻⵍⵏⴰⵡⵜ ⵏ ⵓⵙⵏⴻⴼⵍⵉ ⴰⵎⴳⵓⵔⴰⵏ (ⵜⴰⵏⵎⵉⵢⴰ ⵚⵉⵏⴰⵄⵉⵢⵢⴰ) ⵏ ⵜⵎⵓⵔⵜ.
