ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵏⵧⵓⵔⴻⴷⴷⵉⵏⴻ ⴱⴻⵏⴰⵔⵉⴻⵙ ⵢⴻⵣⵎⴻⵔ ⴰⴷ ⵢⴻⴱⴷⵓ ⵓⵔⴰⵔ ⴷⴻⴳ ⵎⵧ ⴱⴳⴰⵢⴻⵜ

ⵍⴻⵣⵣⴰⵢⴻⵔ ⵜⴰⵎⴰⴻⵖⵜ – ⵢⴻⵣⵎⴻⵔ ⵍⵃⴰⵍ ⴰⴷ ⵢⴻⴱⴷⵓ ⵏⵧⵓⵔⴻⴷⴷⵉⵏⴻ ⴱⴻⵏⴰⵔⵉⴻⵙ ⵓⵔⴰⵔ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵜⴻⵖⵍⴰⵎⵜ ⵏ ⵎⵧ ⴱⴳⴰⵢⴻⵜ (ⵜⴰⵎⵖⵓⵏⵜ ⵜⴰⵎⴻⵣⵡⴰⵓⵔⵜ ⵜⴰⴷⵣⴰⵢⵔⵉⵜ) ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⴰⵙⵙ ⵏ ⵍⴰⵕⴻⴱⵄⴰ ⵜⵎⴻⵀⵍⴰ ⵏ ⵜⴻⵖⵍⴰⵎⵜ-ⴰ. ⴱⴻⵏⴰⵔⵉⴻⵙ ⵍⴰ ⵢⴻⵜⵜⵓⵔⴰⵔ ⵉⵎⵉⵔ-ⴰ ⴷ ⴰⵍⴻⵎⵎⴰⵙ ⵏ ⵓⵏⵔⴰⵔ ⴰⵎⴻⵏⵟⴰⴳ ⴷⴻⴳ ⵜⴻⵖⵍⴰⵎⵜ ⵜⴰⴼⵕⴻⵏⵙⵉⵙⵜ ⵏ ⵠⵉⵔⵢ-ⵛⵀⴰⵜⵉⵍⵍⵧⵏ (ⵛⴼⴰ/ⵜⴰⵥⵓⵏⵜ ⵜⴰⴼⵕⴻⵏⵙⵉⵙⵜ ⵜⵉⵙ 4 ⵏ ⵜⵛⵉⵔⵜ ⵏ ⵓⴹⴰⵔ).

ⴱⴻⵏⴰⵔⵉⴻⵙ (26 ⵏ ⵢⵉⵙⴻⴳⴳⴰⵙⴻⵏ) ⵢⵓⵔⴰⵔ 8 ⵏ ⵜⴻⵎⵍⵉⵍⵉⵢⵉⵏ ⴷ ⵜⴻⵖⵍⴰⵎⵜ-ⵏⵏⴻⵙ ⴷⴻⴳ ⵓⵃⵔⵉⵛ ⴰⵎⴻⵣⵡⴰⵔⵓ ⵏ ⵜⵙⴻⵎⵀⵓⵢⵜ (ⵎⴰⵡⵙⵉⵎ), ⵢⴻⵔⵏⴰ ⵢⴻⵙⵙⴰⴷⴻⴼ ⴰⵍⴰ ⵢⵉⵡⴻⵏ ⵏ ⵢⵉⵙⵡⵉ.

ⴰⵎⴰⵔⵉⵔ-ⴰ ⴰⴷ ⵜ-ⵄⴻⵔⴹⴻⵏ ⵢⵉⵅⴻⴷⴷⴰⵎⴻⵏ ⵉⵜⵡⵉⵍⴰⵏⴻⵏ (ⵜⵉⵇⵏⵉⵢⵢⵉⵏ) ⵏ ⵎⵧ ⴱⴳⴰⵢⴻⵜ ⴰⴽⴽⴻⵏ ⴰⴷ ⵥⵔⴻⵏ ⵎⴰ ⵜ-ⵉⴷ-ⵙⵙⵉⴷⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⵀⵍⴰ (ⵉⴷⴰⵔⴰ) ⵏ ⵜⴻⵖⵍⴰⵎⵜ-ⴰ.

ⵎⴻⵏⵖⵉⵔ ⴱⴻⵏⴰⵔⵉⴻⵙ, ⵜⴰⵖⵍⴰⵎⵜ-ⴰ ⵏ ⴱⴳⴰⵢⴻⵜ ⵍⴰ ⵜⴻⵙⵙⴻⴼⵔⴰⵢ ⴷⴰⵖ ⴰⴷ ⴷ-ⵜⴻⵙⵙⵉⴷⴻⴼ ⴰⵍⴻⵎⵎⴰⵙ ⵏ ⵓⵏⵔⴰⵔ ⴰⴷⵣⴰⵢⵔⵉ-ⴰⵞⴰⴷⵉ ⵎⵧⵔⴳⴰⵏ ⴱⴻⵜⵧⵔⴰⵏⴳⴰⵍ.

ⴰⴳⵔⴰⵖⵍⴰⵏ-ⴰ ⴰⵞⴰⴷⵉ ⵢⴻⵙⵄⴰⵏ 27 ⵏ ⵢⵉⵙⴻⴳⴳⴰⵙⴻⵏ ⵢⵓⵔⴰⵔ ⵜⴰⵙⴻⵎⵀⵓⵢⵜ ⵢⴻⵣⵔⵉⵏ ⴷⴻⴳ ⵜⴻⵖⵍⴰⵎⵜ ⵏ ⵔⵛ ⵍⴰⵕⴻⴱⵄⴰ (ⵜⴰⵎⵖⵓⵏⵜ 1ⵓⵜ) ⵙⴰⴽⴽⵉⵏ, ⵢⴻⴼⴼⴻⵖ ⵙⴻⴳ ⵜⴻⵖⵍⴰⵎⵜ-ⴰ ⴷⴻⴳ ⵜⴰⵍⵍⵉⵜ ⵏ ⵜⴳⴻⵔⵙⴻⵎⵀⵓⵢⵜ. ⵉⵎⵉⵔ-ⴰ ⴰⵜⴰⵏ ⵢⴻⵇⵇⵉⵎ ⵡⴰⵔ ⵜⴰⵖⵍⴰⵎⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵎⴻⵀⵍⴰ ⵏ ⵜⴻⵖⵍⴰⵎⵜ ⵓⵔ ⵜⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵜⵜ-ⵉⴷ-ⵜⴻⴼⵔⵓ ⵎⴰ ⵢⴻⵍⵍⴰ ⴰⴷ ⵜⴻⵊⵎⴻⵄ ⴰⵎⴻⵏⵟⴰⴳ (ⵎⵓⵀⴰⴵⵉⵎ) ⵧⴽⴰⵛⵀⴰ ⵀⴰⵎⵣⴰⵧⵓⵉ, ⵏⴻⵖ ⵓⵀⵓ. ⵢⴻⵣⵎⴻⵔ ⵍⵃⴰⵍ ⴰⴷ ⵜ-ⵜⴻⴵⴵ ⴰⴷ ⵢⴻⴷⴷⵓ.

ⵜⴰⵖⵍⴰⵎⵜ ⵏ ⵎⵧ ⴱⴳⴰⵢⴻⵜ ⵜⴻⵙⵕⵓⵃ ⴷⴰⵖ ⵎⴻⵍⵉⴰⵏⵉ, ⵜⴻⴷⵊⴰⵔ, ⵀⴰⴷⵊⵉ, ⵎⴻⴱⴰⵔⴽⵉ ⴷ ⵎⴰⴰⵎⴰⵔ ⵢⵧⵓⵛⴻⴼ.

ⵎⵧ ⴱⴳⴰⵢⴻⵜ ⵜⴻⵙⵙⴰⵡⴻⴹ ⴰⴷ ⵜⵄⴻⴷⴷⵉ ⵖⴻⵔ ⵜⵉⵙ 16 ⵏ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵍⴷⵣⴰⵢⴻⵔ ⴷⴻⴳ ⵜⴻⵎⵍⵉⵍⵉⵜ ⴰⵢ ⵜⵓⵔⴰⵔ ⴰⵙⵙ ⵏ ⵙⵙⴻⴱⵜ ⵎⴳⴰⵍ ⵎⵛ ⵡⴻⵀⵕⴰⵏ ⴰⵢ ⵉⴼⵓⴽⴻⵏ ⵙ 2 ⵖⴻⵔ 1.

ⵜⴰⵖⵍⴰⵎⵜ ⵏ « ⵜⴼⵉⵔⵄⴻⵇⵇⴰⵙ » ⴰⴷ ⵜⴻⵎⵇⴰⴱⴰⵍ ⴰⵙⵙ ⵏ ⵍⵊⴻⵎⵄⴰ ⴷ ⵏⴰ ⵃⵓⵙⵉⵏ ⴷⴰⵢ ⴷⴻⴳ ⵡⴰⵙⵙ ⵡⵉⵙ 15 ⵢⴻⵔⵏⴰ ⴷ ⴰⵏⴻⴳⴳⴰⵔⵓ ⵏ ⵓⵃⵔⵉⵛ ⵏ ⵜⵡⴰⴷⴷⴰ (ⵕⵕⵡⴰⵃ) ⵏ ⵜⴻⵎⵖⵓⵏⵜ 1ⵓⵜ.