ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵃⵔⵉⵛ ⵏ ⵍⵎⵉⵏⴰⵜ ⴰⴷ ⵢⴻⵏⵏⴻⵔⵏⵉ ⵎⵍⵉⵃ ⴷⴻⴳ 2016 (ⴱⵧⵓⵛⵀⵧⵓⴰⵔⴻⴱ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵍⵎⵉⵏⴰⵜ, ⴰⴱⴷⴻⵙⵙⴻⵍⴰⵎ ⴱⵧⵓⵛⵀⵧⵓⴰⵔⴻⴱ, ⴰⵙⵙ ⵏ ⵍⴻⵜⵏⵉⵢⴻⵏ ⴷ ⴰⴽⴽⴻⵏ ⴰⵃⵔⵉⵛ ⵏ ⵍⵎⵉⵏⴰⵜ ⴰⴷ ⵢⴻⵏⵏⴻⵔⵏⵉ ⵙ ⵍⴵⴻⵀⴷ ⵙⴻⴳ 2016 ⴷ ⴰⵙⴰⵡⴻⵏ ⵙ ⴱⴻⴷⴷⵓ ⵏ ⵢⵉⵙⴻⵏⴼⴰⵔⴻⵏ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⴻⵎⴳⵔⵓⵉ ⵏ ⵍⵎⵉⵏⴰⵜ ⵏ ⵜⵉⴷⴻⵜ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵓⵙⵙⴻⵏⵇⴻⵙ ⵏ ⵡⴰⴵⴰⵡ.
ⵎⵉ ⴷ-ⵢⴻⵙⵙⴰⵡⴻⵍ ⴷⴻⴳ ⵕⵕⴰⴷⵢⵓ ⵜⴰⵖⴻⵍⵏⴰⵡⵜ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴷ ⴰⴽⴽⴻⵏ ⴰⵙⴻⴳⴳⴰⵙ ⵏ 2016 ⴰⴷ ⵢⵉⵍⵉ ⴷ « ⴰⵙⴻⴳⴳⴰⵙ ⵏ ⵍⵎⵉⵏⴰⵜ » ⵙ ⴱⴻⴷⴷⵓ ⵏ ⵓⵖⴻⵍⵍⴻⵜ ⵏ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⴼⵜⵉ ⴰⵢ ⴷ-ⵢⴻⴱⴷⴰⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵓⴼⵓⵙⴼⴰⵜ, ⵓⵣⵣⴰⵍ, ⴰⵔⵅⴰⵎ, ⴰⵎⴻⵏⴳⴰⵏⵉⵣ, ⴰⵠⴰⵏⴰⴷⵢⵓⵎ ⴷ ⵓⵣⴻⵏⴳⵉⵡ. ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵜⴰⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵏ ⵓⵃⵔⵉⵛ ⵏ ⵍⵎⵉⵏⴰⵜ ⵜⴻⵜⵜⵡⴰⵡⴻⵀⵀⴰ ⵖⴻⵔ ⵓⵙⵙⵉⴵⴻⵡ ⵏ ⵢⵉⵣⴰⵔⴰⵜⴻⵏ-ⴰ (ⵎⴰⵄⴰⴷⵉⵏ).
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴼⵓⵙⴼⴰⵟ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵀⵉⵍ ⵏ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵓⴼⴰⵔⴻⵙ (ⵉⵏⵜⴰⴵ) ⴰⵖⴻⵍⵏⴰⵡ ⵢⴻⵙⵙⴻⴼⵔⴰⵢ ⴰⴷ ⵢⴰⵡⴻⴹ ⵖⴻⵔ 6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ ⵙⴻⴳ-ⴰ ⵖⴻⵔ 2018, ⴷ 10 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵙⴻⴳ-ⴰ ⵖⴻⵔ 2010. ⴰⵙⵙ-ⴰ, ⵍⴻⵣⵣⴰⵢⴻⵔ ⵜⴻⵙⵙⴻⴽⴼⴰⵍ-ⴷ ⴰⵍⴰ 1,2 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ ⵢⴻⵔⵏⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵉ ⵍⵎⴻⵏⴷ ⵏ ⵜⵎⴻⵔⵏⵉⵡⵜ ⵏ ⵓⴼⴰⵔⴻⵙ, ⴰⴷ ⵔⵏⵓⵏ ⴰⴷ ⴱⵏⵓⵏ ⵙⵏⴰⵜ ⵏ ⵍⵍⵓⵣⵉⵏⴰⵜ ⵏ ⵓⴼⵓⵙⴼⴰⵟ, ⵢⵉⵡⴻⵜ ⴷⴻⴳ ⵡⴰⴷ ⵍⴽⴻⴱⵔⵉⵜ (ⵙⵙⵓⵇ ⴰⵀⵕⴰⵙ), ⵎⴰ ⴷ ⵜⴰⵢⴻⴹ ⴷⴻⴳ ⵍⴻⵄⵡⵉⵏⴰⵜ (ⴷⴻⴳ ⵜⵡⵉⵍⴰⵢⵜ ⵏ ⴳⴰⵍⵎⴰ).
ⵉⵙⵙⴻⴼⵜⵉⵢⴻⵏ-ⴰ ⴰⴷ ⴵⴵⴻⵏ ⵍⴻⵣⵣⴰⵢⴻⵔ ⴰⴷ ⵜⴻⵃⴽⴻⵎ ⴷⴻⴳ ⵓⵃⵔⵉⵛ ⵏ ⵜⴻⵎⴳⵓⵔⵉ ⵏ ⵜⵎⴰⵇⵇⵓⵙⵉⵏ (ⴰⵙⵎⵉⴷⴰ), ⵢⴻⵔⵏⴰ ⴷ ⴰⵢⴰ ⴰⴷ ⵜⵜ-ⵢⴻⴵⴵⴻⵏ ⴰⴷ ⵜⴻⴹⴹⴻⴼ ⴰⵎⴽⴰⵏ ⵙⴻⴳ ⵢⵉⵎⴻⵣⵡⵓⵔⴰ ⴷⴻⴳ ⵓⵙⵙⵉⴵⴻⵡ ⵏ ⵢⵉⴼⴰⵔⵉⵙⴻⵏ-ⴰ ⴷⴻⴳ ⵓⵎⴰⴹⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⴳⵓⵔⵉ ⵏ ⵡⵓⵣⵣⴰⵍ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴷ ⴰⴽⴽⴻⵏ ⵜⴻⵍⵍⴰ-ⴷ ⵜⵉⴷⴷⵉⵜ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵣⵔⴰⵡⵜ (ⴷⵉⵔⴰⵙⴰ) ⵜⴰⴷⴰⵎⵙⴰⵏⵜ ⵢⴻⵇⵇⵏⴻⵏ ⵖⴻⵔ Ɣⴰⵔ ⴵⴱⵉⵍⴰⵜ (ⵜⵉⵏⴷⵓⴼ), ⵢⴻⵔⵏⴰ ⵜⴰⵣⵔⴰⵡⵜ ⵜⴰⵎⴻⵣⵡⴰⵔⵓⵜ ⵖⴻⴼ ⵡⴰⵢⴰ ⵜⴻⵔⵣⴰ ⵉⴷⵉⵙ ⴰⵜⵡⵉⵍⴰⵏ (ⵜⵉⵇⵏⵉ) ⵏ ⵓⵙⴻⵏⴼⴰⵔ. ⵜⴰⵣⵔⴰⵡⵜ-ⴰ ⵜⴻⵍⵀⴰ-ⴷ ⵢⵉⴷ-ⵙ ⵢⵉⵡⴻⵜ ⵏ ⵜⵏⴰⵔⵉⵜ ⵏ ⵜⴻⵣⵔⴰⵡⵉⵏ ⵜⴰⴽⴰⵏⴰⴷⵉⵜ.
ⵜⴰⵏⴰⵔⵉⵜ-ⴰ ⵏ ⵜⴻⵣⵔⴰⵡⵉⵏ ⵜⴻⴼⵔⴻⵏ ⵜⴰⵔⵔⴰⵢⵉⵏ (ⵟⵓⵔⵓⵇ) ⵜⵉⵎⵅⴻⵢⵢⵔⵉⵏ ⴰⴽⴽ ⵉ ⵓⵙⴻⴽⴽⴻⵔ (ⵎⵓⵄⴰⵍⴰⴵⴰ) ⵏ ⵡⵓⵣⵣⴰⵍ ⴰⴷ ⴷ-ⵢⴻⵜⵜⵡⴰⵙⴽⴻⵍⴼⴻⵏ ⵙⴻⴳ Ɣⴰⵔ ⴵⴱⵉⵍⴰⵜ, ⴷ ⵜⴰⵔⵔⴰⵢⵜ ⵉ ⵓⵙⵙⴻⵏⵇⴻⵙ ⵏ ⵓⴼⵓⵚⴼⵓⵔ ⴷⴻⴳ ⵡⵓⵣⵣⴰⵍ ⵙⴻⴳ 0,8 ⵖⴻⵔ 0,3%.
ⵜⴰⵣⵔⴰⵡⵜ-ⴰ ⵜⴻⴽⵛⴻⴼ-ⴷ ⴷ ⴰⴽⴽⴻⵏ ⵜⴻⵍⵍⴰ ⵍⵄⵓⵍⴰ ⴷ ⵜⴰⵎⴻⵇⵔⴰⵏⵜ ⵏ ⵡⵓⵣⵣⴰⵍ ⴷⴻⴳ ⵍⵎⵉⵏⴰ-ⵏⵏⵉ, ⵢⴻⵔⵏⴰ ⵜⴰⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵡⵓⵣⵣⴰⵍ ⵢⴻⵍⵍⴰⵏ ⴷⵉⵏ ⵜⴻⵡⵡⴻⴹ ⵖⴻⵔ 63%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
