ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵣⴰⵍ ⵍⵃⴰⵍ ⴰⴽⴽⴻⵏ ⴰⴷ ⴷ-ⵏⵉⵏⵉ ⵜⴻⵍⵍⴰ ⵜⴰⴽⴻⵡⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵏ ⵡⴰⵎⴰⵏ, ⴰⴱⴷⴻⵍⵧⵓⴰⵀⴰⴱ ⵏⵧⵓⵔⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵎⴰⵣⴰⵍ ⵍⵃⴰⵍ ⴰⴽⴽⴻⵏ ⴰⴷ ⴷ-ⵏⵉⵏⵉ ⵜⴻⵍⵍⴰ ⵜⴰⵖⴻⵔⵜ ⴷⴻⴳ ⵜⵎⵓⵔⵜ, ⴰⵛⴽⵓ ⴰⴽⵜⵉⵍⵉ ⵏ ⵓⵙⵡⵉⵔ ⵏ ⵡⵓⴳⴳⵓⴳⴻⵏ (ⵙⵓⴷⵓⴷ) ⵢⴻⵜⵜⵉⵍⵉ-ⴷ ⴷⴻⴳ ⵢⴻⵏⵏⴰⵢⴻⵔ.
« ⵓⵔ ⵏⴻⵣⵎⵉⵔ ⴰⵔⴰ ⴰⴷ ⴷ-ⵏⵉⵏⵉ ⵜⴻⵍⵍⴰ ⵜⴰⴽⴻⵡⵜ ⵉⵎⵉⵔ-ⴰ. ⴷ ⵜⵉⴷⴻⵜ ⵉⵅⵓⵚⵚ ⵓⴳⴻⴼⴼⵓⵔ ⴷⴻⴳ ⵡⴰⵢⵢⵓⵔⴻⵏ ⵏ ⵏⵡⴻⵎⴱⴻⵕ ⴷ ⴷⵓⵊⴻⵎⴱⴻⵕ, ⵎⴰⵛⴰ ⵉⵡⴻⵜ-ⴷ ⵓⴳⴻⴼⴼⵓⵔ ⴷⴻⴳ ⵛⵜⴻⵎⴱⴻⵕ ⴷ ⵜⵓⴱⴻⵕ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⵧⵓⵔⵉ ⴷⴻⴳ ⵢⵉⵊⵉⴼⴻⵕ ⵏ ⵓⵙⵜⴻⵏⵢⵉ ⵏ ⵙⵉⵏ ⵏ ⵢⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⴳⴰⵔ ⵍⴻⵣⵣⴰⵢⴻⵔ ⴷ ⴱⵉⵍⵊⵉⴽ ⵖⴻⴼ ⵓⵃⵓⴷⴷⵓ ⵏ ⵜⵡⴻⵏⵏⴰⴹⵜ.
« ⵙ ⵡⴰⵢⴰ, ⵎⴰⵣⴰⵍ ⵍⵃⴰⵍ ⴰⴽⴽⴻⵏ ⴰⴷ ⴷ-ⵏⴻⵙⵙⵉⵡⴻⵍ ⵖⴻⴼ ⵜⴰⴽⴻⵡⵜ ⴷ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵜⵓⵄⵊⵉⵍⵉⵏ ⵉ ⵓⵙⵙⵓⴽⴽⴻⵙ ⵏ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⵜⴼⴻⵍⵍⴰⵃⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵙⵡⵉⵔ ⵏ ⵜⴰⵛⴻⵕⵜ ⵏ ⵡⵓⴳⴳⵓⴳⴻⵏ ⴰⴷ ⴷ-ⵉⵇⴰⵎ, ⵢⴻⵔⵏⴰ « ⵜⴻⵡⵡⵉ-ⴷ ⴰⴷ ⵢⴻⵔⵏⵓ ⵓⵙⵡⵉⵔ-ⴰ ⴷⴻⴳ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
