ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵏ 2016: ⴷ ⴰⵞⵉⴽⵉ ⵊⴰⵏⵧⵓⵜ ⴰⴷ ⵢⵉⵍⵉⵏ ⴷ ⴰⵙⴻⵍⵡⴰⵢ ⵏ ⵢⵉⵎⵡⴻⴽⴽⵍⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ ⵜⵙⴻⵎⵎⴰ-ⴷ ⴰⵞⵉⴽⵉ ⵎⵉⵔⵧⵙⵍⴰⵠ ⵊⴰⵏⵧⵓⵜ ⴷ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵢⵉⵎⵡⴻⴽⴽⵍⴻⵏ ⴰⴷ ⵉⴹⴻⴼⵔⴻⵏ 10-ⵏⵏⵉ ⵏ ⵜⴻⵎⵙⵉⵣⵣⵍⵉⵏ ⴰⴷ ⴷ-ⵢⵉⵍⵉⵏ ⴷⴻⴳ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵏ ⵓⵙⵏⴰⵙⵖⴻⵍ ⵏ 2016 ⴰⴷ ⴷ-ⵢⵉⵍⵉⵏ ⴳⴰⵔ 4 ⴷ 28 ⵎⴻⵖⵔⴻⵙ 2016, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⵢⵉⵎⵙⵓⴷⴷⵙⴻⵏ (ⵎⵓⵏⴰⴹⴹⵉⵎⵉⵏ).

ⵎⵉⵔⵧⵙⵍⴰⵠⴻ ⵊⴰⵏⵧⵓⵜ ⵢⴻⵙⵄⴰ 67 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⴰ ⵢⴻⵜⵜⴻⴽⴽⴰ ⴷⴻⴳ ⵜⴼⵉⴷⵉⵕⴰⵍⵉⵜ ⵜⴰⵞⵉⴽⵉⵜ ⵏ ⵓⵙⵏⴰⵙⵖⴻⵍ, ⴰⵎ ⵡⴰⴽⴽⴻⵏ ⴰⵢ ⵍⴰ ⵉⵅⴻⴷⴷⴻⵎ ⴷ ⵉⵎⵡⴻⴽⴽⴻⵍ ⴰⴳⵔⴰⵖⵍⴰⵏ ⵙⴻⴳ 1988. ⵢⵉⵡⴻⵜ ⵙⴻⴳ ⵜⵖⴰⵡⵙⵉⵡⵉⵏ ⵢⴻⵍⵀⴰⵏ ⴰⵢ ⵢⴻⵙⵄⴰ ⵏⴻⵜⵜⴰⵜ ⴷ ⵜⴰⵎⵓⵙⵙⵏⵉ ⵏ ⵡⴰⵟⴰⵙ ⵏ ⵜⵓⵜⵍⴰⵢⵉⵏ, ⴷⵖⴰ, ⵎⴻⵏⵖⵉⵔ ⵜⴰⵞⵉⴽⵉⵜ, ⵊⴰⵏⵧⵓⵜ ⵢⴻⵙⵙⴻⵏ ⴷⴰⵖ ⵜⴰⵔⵓⵙⵉⵜ, ⵜⴰⵍⵎⴰⵏⵉⵜ, ⵜⴰⵏⴳⵍⵉⵣⵉⵜ ⴷ ⵜⴻⴼⵕⴻⵏⵙⵉⵙⵜ.

ⴷⴻⴳ ⵓⵎⴻⵛⵡⴰⵕ-ⵏⵏⴻⵙ ⴷⴻⴳ ⵜⴻⴷⴱⴻⵍⵜ, ⵊⴰⵏⵧⵓⵜ ⵢⴻⵜⵜⴻⴽⴽⴰ ⴷⴻⴳ ⵜⵏⴰⵔⵉⵜ ⵜⴰⵙⵍⴻⴽⵎⴰⵏⵜ (ⵎⴰⴽⵜⴰⴱ ⵜⴰⵏⴼⵉⴷⵉ) ⵏ ⵜⴼⵉⴷⵉⵕⴰⵍⵉⵜ ⵜⴰⵞⵉⴽⵉⵜ (2003-2007), ⵢⴻⵅⴷⴻⵎ ⴷ ⴰⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵜⴰⵜⵡⵉⵍⴰⵏⵜ ⵏ ⵜⴼⵉⴷⵉⵕⴰⵍⵉⵜ ⵜⴰⵞⵉⴽⵉⵜ (2003-2007), ⵢⴻⵜⵜⴻⴽⴽⴰ ⴷⴻⴳ ⵜⵙⴻⵇⵇⴰⵎⵓⵜ ⵏ ⵓⵙⵉⴽⵍⵓⴽⵕⵓⵙ ⵏ ⵜⴼⵉⴷⵉⵕⴰⵍⵉⵜ ⵜⴰⵞⵉⴽⵉⵜ (2007), ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⴻⴽⴽⴰ ⴷⴻⴳ ⵓⵙⴻⵇⵇⴰⵎⵓ ⵏ ⵢⵉⵎⵡⴻⴽⴽⵍⴻⵏ ⵏ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ (2010-2013).

ⴷⴻⴳ ⵓⵅⴻⴷⴷⵉⵎ-ⵏⵏⴻⵙ ⵏ ⵢⵉⵎⵡⴻⴽⴽⴻⵍ ⴰⴳⵔⴰⵖⵍⴰⵏ, ⵢⴻⴹⴼⴻⵔ ⵊⴰⵏⵧⵓⵜ 650 ⵏ ⵜⴻⵎⵙⵉⵣⵣⵍⵉⵏ (ⴰⵙⵏⴰⵙⵖⴻⵍ ⵏ ⵓⴱⵔⵉⴷ, ⴰⵙⵉⴽⵍⵓⴽⵕⵓⵙ), ⴰⵎ ⵡⴰⴽⴽⴻⵏ ⴰⵢ ⵢⴻⵅⴷⴻⵎ ⴷⴻⴳ ⵙⵏⴰⵜ ⵏ ⵜⴻⵥⵔⵉⴳⵉⵏ (ⵟⴰⴱⵄⴰⵜ) ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ (ⵓⵔⴰⵔⴻⵏ ⵏ ⴱⴰⵔⵛⴻⵍⵧⵏⴰ ⵏ 1992 ⴷ ⵡⵓⵔⴰⵔⴻⵏ ⵏ ⵒⵉⴽⵉⵏ ⵏ 2012), 6 ⵏ ⵜⵓⵣⵣⵢⵉⵡⵉⵏ ⵜⵉⵎⴻⵇⵔⴰⵏⵉⵏ (3 ⵏ ⵜⴻⵥⵔⵉⴳⵉⵏ ⵏ ⵜⵓⵣⵣⵢⴰ ⵏ ⵙⵒⴻⵏⵢⵓⵍ, 2 ⵏ ⵜⴻⵥⵔⵉⴳⵉⵏ ⵏ ⵜⵓⵣⵣⵢⴰ ⵏ ⵟⵟⴰⵍⵢⴰⵏ, ⴷ ⵢⵉⵡⴻⵜ ⵏ ⵜⵓⵣⵣⵢⴰ ⵏ ⴼⵕⴰⵏⵙⴰ), 25 ⵏ ⵜⴻⵍⵖⵓⵖⵉⵡⵉⵏ ⵏ ⵓⵎⴰⴹⴰⵍ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ (ⴰⴱⵔⵉⴷ, ⴰⵙⵉⴽⵍⵓⴽⵕⵓⵙ) ⴷ 15 ⵏ ⵜⴻⵍⵖⵓⵖⵉⵡⵉⵏ ⵜⵉⵎⴻⵏⵥⴰⵡⴰⵏⵉⵏ (ⵇⴰⵔⵔⵉⵢⵢⴰ).

ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵜⴻⵜⵜⵡⴰⵎⵎⴻⵕⴽⴰ ⴷⴻⴳ ⵡⴰⵀⵉⵍ ⵏ ⵜⵓⵣⵣⵢⴰ ⵏ ⵜⴻⴼⵔⵉⵇⵜ ⵏ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ, ⵢⴻⵔⵏⴰ ⵜⵓⵣⵣⵢⴰ-ⴰ ⵜⴰⴷⵣⴰⵢⵔⵉⵜ ⵜⴻⵜⵜⴻⴷⴷⵓ ⵙ ⵢⵉⵍⵓⴳⴰⵏ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵙⵏⴰⵙⵖⴻⵍ ⴷ ⵡⵉⴷ ⵏ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ.

ⵜⵓⵣⵣⵢⴰ-ⴰ ⴰⴷ ⵜⵜ-ⵢⴻⴹⴼⴻⵔ ⵢⵉⵎⵡⴻⴽⴽⴻⵍ ⵏ ⵜⴻⵎⵙⵉⵣⵣⴻⵍⵜ ⴷ ⵓⵎⴰⵙⵡⴰⴹ (ⵎⵓⴼⴰⵜⵜⵉⵛ) ⵏ ⵓⵃⴰⵕⴻⴱ ⵏ ⵢⵉⵙⵙⴻⴵⵀⴰⴷⴻⵏ.