ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 39.000 ⵏ ⵜⵏⴻⵣⴷⵓⵖⵉⵏ ⵜⵉⵏⵎⴻⵜⵜⵉⵢⵉⵏ ⴰⵢ ⵢⴻⵜⵜⵡⴰⴼⴻⵔⵇⴻⵏ ⴷⴻⴳ ⵓⵣⴳⴻⵏ ⵡⵉⵙ ⵙⵉⵏ ⵏ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ 39.743 ⵏ ⵜⵏⴻⵣⴷⵓⵖⵉⵏ ⴰⵢ ⵢⴻⵜⵜⵡⴰⴼⴻⵔⵇⴻⵏ ⴷⴻⴳ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵜⴰⵏⴰⴳⴷⵓⴷⵜ ⵙ ⵍⴻⴽⵔⴰ (ⵍⵒⵍ) ⴷⴻⴳ ⵓⵣⴳⴻⵏ ⵡⵉⵙ ⵙⵉⵏ ⵏ 2015.

ⵉⵅⴻⴱⴱⴻⵔ-ⴷ ⵎⴰⵙⵙ ⴱⴻⴷⵧⵓⵉ ⵙ ⵡⴰⵢⴰ ⴷⴻⴳ ⵜⵔⵉⵔⵉⵜ ⵉ ⵢⵉⵡⴻⵜ ⵏ ⵜⵓⵜⵜⵔⴰ ⵙⵖⵓⵔ ⵢⵉⵡⴻⵏ ⵏ ⵓⵎⴰⵣⴰⵏ (ⵏⴰ’ⵉⴱ) ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵢ ⵢⴻⵙⵙⴻⵍⵡⵉ ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⴰⵙⴻⵍⵡⴰⵢ ⵏ ⵓⴳⵔⴰⵡ, ⵢⴻⵔⵏⴰ ⵢⴻⵏⵏⴰ-ⴷ ⵎⴰⵙⵙ ⴱⴻⴷⵧⵓⵉ ⴷ ⴰⴽⴽⴻⵏ 39.743 ⵏ ⵜⵏⴻⵣⴷⵓⵖⵉⵏ ⴰⵢ ⵢⴻⵜⵜⵡⴰⴼⴻⵔⵇⴻⵏ ⴷⴻⴳ ⵓⴽⴰⵜⴰⵔ ⵏ ⵜⵏⴻⵣⴷⵓⵖⵜ ⵜⴰⵏⴰⴳⴷⵓⴷⵜ ⵙ ⵍⴻⴽⵔⴰ, ⴰⵎ ⵡⴰⴽⴽⴻⵏ ⴰⵢ ⵍⴰ ⵜⵜⵡⴰⴼⵔⴰⵇⴻⵏⵜ, ⵓⵙⵙⴰⵏ-ⴰ, 11.700 ⵏ ⵜⵏⴻⵣⴷⵓⵖⵉⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ.

ⵏⵏⵉⴳ ⵡⴰⵢⴰ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵎⴰⵙⵙ ⴱⴻⴷⵧⵓⵉ « ⴰⵄⴻⵡⵡⴻⵍ » ⵏ ⵢⵉⴷⵓⴱⴰ (ⵙⵓⵍⵓⵟⴰⵜ) ⴰⴽⴽⴻⵏ ⴰⴷ ⴼⵔⵓⵏ ⵙⴻⴳ ⵍⵇⴰⵄⴰ ⵜⴰⵍⵓⴼⵜ ⵏ ⵜⵏⴻⵣⴷⵓⵖⵜ ⵙ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

ⴷⵖⴰ ⵉⵃⴻⵜⵜⴻⵜ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵢⵉⵍⵉ ⵚⵚⴼⴰ » ⴷⴻⴳ ⵓⴼⵔⴰⵇ ⵏ ⵜⵏⴻⵣⴷⵓⵖⵉⵏ, ⵢⴻⵔⵏⴰ ⵜⵜⵡⴰⴷⴷⵎⴻⵏ ⴰⵟⴰⵙ ⵏ ⵢⵉⵃⴻⵣⵣⵉⴱⴻⵏ ⵉ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵓⴼⵔⴰⵇ-ⴰ, ⴰⵎ ⵡⴰⴽⴽⴻⵏ ⵜⴰⵙⴻⵇⵇⴰⵎⵓⵜ ⵏ ⵜⵏⴻⵣⴷⵓⵖⵜ ⵏ ⵜⴷⴰⵕⴰ ⴷ ⵜⵙⴻⵇⵇⵇⴰⵎⵓⵜ ⵏ ⵓⵛⵛⴻⵜⴽⵉ ⵍⴰ ⵜⵜⵓⵔⴰⵔⴻⵏⵜ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵡⴰⵏⴻⵛⵜ-ⴰ.

ⵢⴻⵙⵎⴻⴽⵜⵉ-ⴷ ⵎⴰⵙⵙ ⴱⴻⴷⵧⵓⵉ ⵙ ⵜⴻⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵢⴻⵎⴳⴻⵔⵔⴰⴷⴻⵏ ⵏ ⵓⴼⵔⴰⵇ ⵏ ⵜⵏⴻⵣⴷⵓⵖⵜ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵜⵓⴽⴽⵙⴰ ⵏ ⵜⵏⴻⵣⴷⵓⵖⵉⵏ ⵉⵅⵓⵚⵚⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵍⵍⴰⵏⵜ ⴰⵟⴰⵙ ⵏ ⵜⵡⴰⵛⵓⵍⵉⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵡⴰⵢⴰ. ⵏⵏⵉⴳ ⵡⴰⵢⴰ, ⵜⵓⴽⴽⵙⴰ ⵏ ⵜⵏⴻⵣⴷⵓⵖⵜ ⵉⵅⵓⵚⵚⴻⵏ ⵜⴻⴵⴵⴰ ⴰⵡⴰⵏⴰⴽ (ⴷⴰⵡⵍⴰ) ⴰⴷ ⴷ-ⵢⴻⵔⴱⴻⵃ ⴰⵟⴰⵙ ⵏ ⵡⴰⴽⴰⵍ.