ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

2.524 ⵏ ⵢⵉⴽⴰⵔⴰⵎⴻⵏ ⵏ ⴰⴰⴷⵍ ⴰⵢ ⵢⴻⵜⵜⵡⴰⴳⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 1.167 ⵏ ⵢⵉⴽⴰⵔⴰⵎⴻⵏ (ⵎⵉⵍⴰⴼⴼⴰⵜ) ⵏ ⵓⵄⴰⵡⴻⴷ ⵏ ⵓⵙⵙⴻⵣⴷⴻⵖ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ 2.524 ⵏ ⵢⵉⴽⴰⵔⴰⵎⴻⵏ ⵏ ⴰⴰⴷⵍ ⴰⵢ ⵢⴻⵜⵜⵡⴰⴳⵉⵏ ⴷⴻⴳ 2015 ⴷⴻⴼⴼⵉⵔ ⵎⴰ ⵜⵜⵡⴰⵙⴼⴻⵇⴷⴻⵏ ⵡⵓⵎⵓⵖⴻⵏ (ⵇⴰⵡⴰ’ⵉⵎ) ⵏ ⵡⵉⴷ ⴰⵢ ⵢⴻⵜⵜⵡⴰⵎⵎⴻⵕⴽⴰⵏ ⴷⴻⴳ ⵓⴼⴰⵢⵍⵓ ⴰⵖⴻⵍⵏⴰⵡ ⵏ ⵜⵏⴻⵣⴷⵓⵖⵜ, ⵢⴻⵔⵏⴰ ⵓⴼⴰⵏ-ⴷ ⴷ ⴰⴽⴽⴻⵏ ⵉⵎⴰⵡⵍⴰⵏ ⵏ ⵢⵉⴽⴰⵔⴰⵎⴻⵏ-ⵏⵏⵉ ⵙⴼⴰⵢⴷⵉⵏ-ⴷ ⵢⴰⴳⵧ ⵙⴻⵀ ⵍⴻⵎⵄⴰⵡⵏⴰ ⵏⴻⵖ ⵙⴻⴳ ⵜⵏⴻⵣⴷⵓⵖⵜ ⴷⴻⴳ ⵡⴰⵀⵉⵍⴻⵏ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵓⵖⵍⵉⴼ ⵏ ⵜⵏⴻⵣⴷⵓⵖⵜ.

ⴰⵙⵙ ⵏ 31 ⴷⵓⵊⴻⵎⴱⴻⵕ 2015, ⵜⵜⵡⴰⵙⴼⴻⵇⴷⴻⵏ 35.000 ⵏ ⵢⵉⴽⴰⵔⴰⵎⴻⵏ ⵏ ⵜⵡⴰⵛⵓⵍⵉⵏ ⴷⴻⴳ ⵓⴼⴰⵢⵍⵓ ⴰⵖⴻⵍⵏⴰⵡ. ⵜⵉⵡⴰⵛⵓⵍⵉⵏ-ⴰ ⵙⵙⴻⵔⵙⴻⵏⵜ ⵉⴽⴰⵔⴰⵎⴻⵏ ⵏ ⵓⵄⴰⵡⴻⴷ ⵏ ⵓⵙⵙⴻⵣⴷⴻⵖ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵢⴻⵔⵏⴰ ⴰⵙⵙⴻⴼⵇⴻⴷ-ⴰ ⵢⴻⵙⵙⴰⵡⴻⴹ ⵖⴻⵔ ⵓⴽⵛⴰⴼ ⵏ 1.167 ⵏ ⵢⵉⴽⴰⵔⴰⵎⴻⵏ ⵏ ⵜⵡⴰⵛⵓⵍⵉⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵢⴰⴳⵉ ⵙⴻⴳ ⵍⴻⵎⵄⴰⵡⵏⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ.

ⴳⴰⵔ ⵢⵉⴽⴰⵔⴰⵎⴻⵏ-ⴰ, ⵍⵍⴰⵏⵜ 216 ⵏ ⵍⵉⵃⴰⵍⴰⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵜⴰⴽⴻⵍⵍⴰⵅⵜ ⵢⴻⵔⵏⴰ ⵉⵎⴰⵡⵍⴰⵏ-ⵏⵙⴻⵏⵜ ⵜⵛⵓⵕⴻⵄ-ⵉⵜⴻⵏⵜ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, 212 ⵏ ⵍⵉⵃⴰⵍⴰⵜ ⴰⵢⵖⴻⴼ ⵍⴰ ⴷ-ⵜⴻⵜⵜⵉⵍⵉ ⵜⵙⴻⵙⵜⴰⵏⵜ (ⵜⴰⵃⵇⵉⵇ), 132 ⵏ ⵍⵉⵃⴰⵍⴰⵜ ⴰⵢ ⵢⴻⴼⵔⴰⵏ ⴷⴻⴳ ⵛⵛⵕⴻⵄ ⵢⴻⵔⵏⴰ ⵜⵜⵡⴰⵄⴰⵇⴱⴻⵏ ⵢⵉⵎⴰⵡⵍⴰⵏ-ⵏⵙⴻⵏⵜ ⵙ ⵍⴻⵅⴹⴻⵢⵢⴰ ⵏ ⵜⴻⴷⵔⵉⵎⵜ ⵏⴻⵖ ⵙ ⵍⵃⴻⴱⵙ.

607 ⵏ ⵍⵉⵃⴰⵍⴰⵜ ⴰⵢ ⴷ-ⵢⴻⵇⵇⵉⵎⴻⵏ ⵎⴰⵣⴰⵍ ⵍⴰ ⴷ-ⵙⵙⵓⴽⴽⵓⵢⴻⵏ ⴼⴻⵍⵍ-ⴰⵙⴻⵏⵜ ⵜⵉⵟ ⵙⴻⴳ ⵍⴻⵄⴹⵉⵍ ⴰⴷ ⵜⵜⵓⵏⴻⴼⴽⴻⵏⵜ ⵉ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵛⵛⵕⴻⵄ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⵉⵍ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ ⴰⵢⵢⴻⵙ ⴷ-ⵜⴻⵍⵀⴰ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵍⵀⵓ ⴷ ⵓⵙⵏⴻⴼⵍⵉ ⵏ ⵜⵏⴻⵣⴷⵓⵖⵜ (ⴰⴰⴷⵍ), ⵢⴻⴽⵛⴻⴼ-ⴷ ⵓⴼⴰⵢⵍⵓ ⴰⵖⴻⵍⵏⴰⵡ ⴷ ⴰⴽⴽⴻⵏ ⵍⵍⴰⵏⵜ 2524 ⵏ ⵍⵉⵃⴰⵍⴰⵜ ⴰⵢⴷⴻⴳ ⵉⵎⴰⵡⵍⴰⵏ-ⵏⵙⴻⵏⵜ ⵙⴼⴰⵢⴷⵉⵏ-ⴷ ⵙⴻⴳ ⵍⴻⵎⵄⴰⵡⵏⴰ ⵏⴻⵖ ⵙⴻⴳ ⵜⵏⴻⵣⴷⵓⵖⵜ ⵙⴻⴳ ⴳⴰⵔ ⵓⵊⴰⵎⵎⴰⵍ ⵏ 104.790 ⵏ ⵢⵉⴽⴰⵔⴰⵎⴻⵏ ⴰⵢ ⵢⴻⵜⵜⵡⴰⵙⴼⴻⵇⴷⴻⵏ ⴷⴻⴳ 2015.

ⴳⴰⵔ ⵍⵉⵃⴰⵍⴰⵜ-ⴰ, 1309 ⵏ ⵍⵉⵃⴰⵍⴰⵜ ⵔⵣⴰⵏⵜ ⵉⵎⴷⴰⵏⴻⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵏⴻⵣⴷⵓⵖⵉⵏ ⵏ ⵓⴷⵉⵡⴰⵏ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ (ⵧⵒⴳⵉ), 644 ⵏ ⵍⵉⵃⴰⵍⴰⵜ ⵔⵣⴰⵏⵜ ⵡⵉⴷ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵏⴻⵣⴷⵓⵖⵜ, 42 ⵏ ⵍⵉⵃⴰⵍⴰⵜ ⵔⵣⴰⵏⵜ ⴰⵀⵉⵍ ⵏ ⵜⵏⴻⵣⴷⵓⵖⵜ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⵙⴻⴳⴷⵓ ⵏ ⵢⵉⵎⴻⵥⵍⴰ ⵉⵏⵎⴻⵜⵜⵉⵢⴻⵏ (ⴼⵏⵒⵧⵙ), 408 ⵏ ⵍⵉⵃⴰⵍⴰⵜ ⵔⵣⴰⵏⵜ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍⴻⵏ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵜⴰⵖⴻⵍⵏⴰⵡⵜ ⵏ ⵓⵙⵎⴰⵍ ⴰⵚⵓⴽⴰⵏ (ⴻⵏⵒⵉ) ⴷ 121 ⵏ ⵢⵉⴽⴰⵔⴰⵎⴻⵏ ⵔⵣⴰⵏ ⵡⵉⴷ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵜⴻⵙⵔⵉⵃ ⵏ ⵍⴻⴱⵏⵉ.

ⴰⵙⵙⴻⴼⵇⴻⴷ ⵏ ⵢⵉⴽⴰⵔⴰⵎⴻⵏ ⴰⴷ ⵉⴽⴻⵎⵎⴻⵍ ⴰⵔⵎⴰ ⵜⵜⵡⴰⵙⵙⵉⵣⴻⴷⴳⴻⵏ ⴰⴽⴽ ⵡⵓⵎⵓⵖⴻⵏ (ⵇⴰⵡⴰ’ⵉⵎ) ⵏ ⵡⴰⵀⵉⵍⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵏⴻⵣⴷⵓⵖⵜ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵓⵃⵔⴰⵣ ⵏ ⵡⴰⴽⴰⵍ ⵎⴰⵣⴰⵍ ⵍⴰ ⵜⵜⴽⴻⵎⵎⵉⵍⴻⵏ ⴰⵙⵙⴻⴼⵇⴻⴷ ⵏ ⵡⵉⴷ ⴰⵢ ⵢⴻⵙⵙⵓⵜⵔⴻⵏ ⵜⴰⵏⴻⵣⴷⵓⵖⵜ ⵢⵉⵍⵉ ⵏⵉⵜⵏⵉ ⵙⴼⴰⵢⴷⵉⵏ-ⴷ ⵙⴻⴳ ⵜⵏⴻⵣⴷⵓⵖⵜ ⵏⴻⵖ ⵙⴻⴳ ⵡⴰⴽⴰⵍ.