ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⴻⵣⵎⴻⵔ ⴰⴷ ⵜⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵎⵄⴰⵡⴻⵏ ⴳⴰⵔ ⵛⵛⵉⵏⵡⴰ ⴷ ⵜⴻⴼⵔⵉⵇⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴻⵣⵣⴰⵢⴻⵔ ⴷ ⵜⴰⵎⵓⵔⵜ « ⵜⴰⵎⴻⴷⴷⴰⴽⴻⵍⵜ » ⵏ ⵛⵛⵉⵏⵡⴰ ⵢⴻⵔⵏⴰ ⴷ ⵜⴰⵎⴰⵙⵍⴰⴹⵜ (ⵄⵓⴹⵡ) « ⵙ ⵡⴰⵣⴰⵍ-ⵏⵏⴻⵙ » ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ, ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵓⴷⵎⴰⵡⴰⵏ ⵏ ⵓⵏⴻⵖⵍⴰⴼ ⴰⵛⵉⵏⵡⴰⵜ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵡⵓ ⵙⵉⴽⴻ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵢⴻⵣⵎⴻⵔ ⴰⴷ ⵢⵉⵍⵉ ⴷ ⴰⴼⴻⵔⴷⵉⵙ « ⵙ ⵡⴰⵣⴰⵍ-ⵏⵏⴻⵙ » ⴷⴻⴳ ⵓⵎⵄⴰⵡⴻⵏ ⴳⴰⵔ ⵛⵛⵉⵡⴰ ⴷ ⵜⴻⴼⵔⵉⵇⵜ.
ⴷⴻⴳ ⵜⵖⵉⵎⵉⵜ ⴰⵢ ⵉⴳⴰ ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ ⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴷⴻⴳ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵛⵉⵏⵡⴰⵜ ⴷ ⴰⴽⴽⴻⵏ ⵢⴻⵍⵍⴰ-ⴷ ⵡⴰⵡⴰⵍ ⵖⴻⴼ « ⵜⵜⴰⵡⵉⵍⴰⵢ ⴰⴷ ⵢⴻⵙⴵⴻⵀⴷⴻⵏ ⴰⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵛⵛⵉⵏⵡⴰ, ⴷ ⵓⵙⵙⴻⴼⵄⴻⵍ ⵏ ⵍⴻⵕⵢⵓⵢ ⴰⵢ ⵢⴻⵜⵜⵡⴰⴷⴷⴻⵏ ⴷⴻⴳ ⵓⵏⵎⴰⴳⴻⵔ (ⵎⵓⵏⵜⴰⴷⴰ) ⵏ ⵓⵎⵄⴰⵡⴻⵏ ⴰⵛⵉⵏⵡⴰⵜ-ⴰⴼⵔⵉⵇⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ ⴷⴻⴳ ⵊⵧⵀⴰⵏⵏⴻⵙⴱⵓⵔⴳ (ⵜⴰⴼⵔⵉⵇⵜ ⵏ ⵓⵏⵥⵓⵍ). »
ⵉⵡⴻⴽⴽⴻⴷ-ⴷ ⵎⴰⵙⵙ ⵡⵓ ⵙⵉⴽⴻ ⴷ ⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⴱⵖⴰ ⴰⴷ ⵜⴻⵙⵏⴻⴼⵍⵉ (ⵜⵓⵟⴰⵡⵡⵉⵔ) ⵢⴻⵔⵏⴰ ⴰⴷ ⵜⴻⵙⵙⴰⵍⵇⴻⵢ ⴰⵎⵄⴰⵡⴻⵏ ⴷ ⵍⴻⵣⵣⴰⵢⴻⵔ ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵇⴻⵔⴷⴻⵛ ⴷ ⵎⴰⵙⵙ ⵎⴻⵙⵙⴰⵀⴻⵍ « ⵜⵉⵎⵙⴰⵍ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵢⴻⵙⵄⴰⵏ ⵏⵏⴼⴻⵄ ⵓⵛⵔⵉⴽ ».
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵎⴰⵙⵙ ⵎⴻⵙⵙⴰⵀⴻⵍ ⴷ ⴰⴽⴽⴻⵏ ⵜⵉⵔⵣⵉ ⵏ ⵓⵎⴰⵙⴰⵢ-ⴰ ⴰⵛⵉⵡⴰⵜ ⵖⴻⴼ ⵍⴻⵣⵣⴰⵢⴻⵔ ⵜⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ « ⵓⵎⵛⵉⵡⴻⵕ ⵢⴻⵜⵜⴽⴻⵎⵎⵉⵍⴻⵏ » ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵖⴻⴼ ⵜⴻⵎⵙⴰⵍ ⵏ ⵏⵏⴼⴻⵄ ⵓⵛⵔⵉⴽ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵣⴰⵍ ⴰⵢ ⵜⵜⴰⴽⴼⴻⵏⵜ ⵙⵏⴰⵜ-ⴰ ⵏ ⵜⵎⵓⵔⴰ ⵉ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⴻⴼⵔⵉⵇⵜ, ⵢⴻⵏⵏⴰ-ⴷ ⵎⴰⵙⵙ ⵎⴻⵙⵙⴰⵀⴻⵍ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⴷ ⵛⵛⵉⵏⵡⴰ ⴰⴷ ⵎⵄⴰⵡⴰⵏⴻⵏⵜ ⴷⴻⴳ ⵡⴰⵀⵉⵍ ⵏ 3 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⴷⴻⴳ ⵜⵇⴰⵛⵓⵛⵜ ⵏ ⵓⵏⵎⴰⴳⴻⵔ ⴰⵛⵉⵏⵡⴰⵜ-ⴰⴼⵔⵉⵇⵉ.
ⵢⴻⵍⵍⴰ-ⴷ ⴷⴰⵖ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵡⴰⵙⵙⴰⵖⴻⵏ ⵉⵣⴰⴷⴻⵏ ⴰⵢ ⵉⵛⴻⵔⴽⴻⵏ ⵍⴻⵣⵣⴰⵢⴻⵔ ⴷ ⵛⵛⵉⵏⵡⴰ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⴰⵎⴰ ⴷⴻⴳ ⵜⵙⴻⵔⵜⵉⵜ, ⴰⵎⴰ ⴷⴻⴳ ⵜⴷⴰⵎⵙⴰ ⵏⴻⵖ ⴷⴻⴳ ⵜⵖⴻⵍⵍⵉⵙⵜ (ⴰⵎⵏ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵡⴰⵡⴰⵍ ⵖⴻⴼ ⵜⵙⴻⵎⵎⴻⵙⴽⴻⵍⵜ (ⵉⵚⵍⴰⵃ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵛⵛⵉⵏⵡⴰ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵜⴻⴼⵔⵉⵇⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ.
