ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵙⵜⴻⵕⵃⴻⴱ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵙ ⵜⴻⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵎⵏⴰⴹⵜ
ⵛⵀⴰⵀⵉⴷ ⴻⵍ ⵀⴰⴼⴻⴷ (ⴰⴳⵔⵓⵔ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⵜⴻⵙⵜⴻⵕⵃⴻⴱ ⵜⵎⴰⵔⵉⵜ (ⴰⵎⴰⵏⴰ) ⵜⴰⵎⴰⵜⵓⵜ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵙ ⵜⴻⵔⵣⵉ ⴰⴷ ⵢⴻⴳ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵎⵏⴰⴹⵜ, ⵢⴻⵔⵏⴰ ⵜⴻⵙⵙⴰⵔⴻⵎ ⴷ ⴰⴽⴽⴻⵏ ⵜⵉⵔⵣⵉ-ⴰ ⴰⴷ ⵜⴻⴵⴵ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⴷ ⴷ-ⵢⴻⵜⵜⴻⴽⴽⵉ ⵙ ⵍⴵⴻⵀⴷ ⵉ ⵓⵄⴰⵡⴻⵏ ⵏ ⵎⵉⵏⵓⵔⵙⵧ ⴰⴽⴽⴻⵏ ⴰⴷ ⵜⴻⴳ ⵛⵛⵖⴻⵍ-ⵏⵏⴻⵙ ⴰⴳⴻⵊⴷⴰⵏ, ⵡⵉⵏ ⵏ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ).
ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴷⴻⴼⴼⵉⵔ ⵜⴻⴷⵡⵉⵍⵜ ⵜⴰⵎⴻⵣⵡⴰⵔⵓⵜ ⴰⵢ ⵜⴳⴰ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⵙⵙ ⵏ ⵙⵙⴻⴱⵜ ⴷⴷⴰⵡ ⵕⵕⴰⵢ ⵏ ⵓⵙⴻⵍⵡⴰⵢ ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ, ⵜⴻⵏⵏⴰ-ⴷ ⵜⵎⴰⵔⵉⵜ ⵜⴰⵖⴻⵍⵏⴰⵡⵜ ⴷ ⴰⴽⴽⴻⵏ « ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⴱⵖⴰ ⵙⴻⴳ ⵡⵓⵍ ⴰⴷ ⵜⴻⵎⵄⴰⵡⴰⵏ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⵜⴻⵙⵙⴻⴹⵍⴻⵎ ⴰⵡⴰⵏⴰⴽ ⵏ ⵜⵓⴹⴹⴼⴰ ⴰⵎⴻⵕⵕⵓⴽⵉ ⵖⴻⴼ ⵓⵔⴳⴰⵍ ⵏ ⵓⴱⵔⵉⴷ ⴷ ⵓⵙⴱⴰⴽ ».
ⴷⵖⴰ ⵜⴻⵏⵏⴰ-ⴷ ⵜⵎⴰⵔⵉⵜ ⵜⴰⵖⴻⵍⵏⴰⵡⵜ ⴷ ⴰⴽⴽⴻⵏ « ⵓⵙⵙⵉⵙⴻⵏ ⵏ ⵓⵏⵎⴰⴳⴻⵔ ⵏ ⵛⵔⴰⵏⵙ ⵎⵧⵏⵜⴰⵏⴰ ⵉ ⵓⵀⴻⵢⵢⵉ ⵏ ⵜⴻⵎⵍⵉⵍⵉⵜ-ⵏⵏⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⴻⴳⴷⴰⵢⵜ, ⴷⴻⴼⴼⵉⵔ ⵎⴰ ⵜⴻⵅⵚⴻⵔ ⵜⴻⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ, ⵢⴻⵍⵍⴰ-ⴷ ⴷ ⴰⵔⴽⴰⴹ ⵓⴼⴹⵉⵃ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵢⴻⵔⵏⴰ ⴷ ⴰⵃⵇⴰⵔ ⵉ ⵓⵔⴽⴰⵡⴰⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».
ⴷⵖⴰ ⵉⴳⴻⵔ-ⴷ ⵜⵉⵖⵔⵉ ⵉ « ⵡⴰⴽⴽ ⵜⵉⵎⵓⵔⴰ, ⵉⵏⴰⴱⴰⴹⴻⵏ, ⵓⴷⵎⴰⵡⴻⵏ ⴷ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵜⵉⴱⴰⵏⴽⴰⵏⵉⵏ ⴷ ⵜⴻⴷⵔⵉⵎⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴰⴽⴽⴻⵏ ⵓⵔ ⵜⵜⴻⴽⴽⴰⵢⴻⵏⵜ ⴰⵔⴰ ⴷⴻⴳ ⵛⵛⵖⴻⵍ-ⴰ ⵏ ⵜⴻⵣⵏⵉⵡⵜ (ⴷⵉⵄⴰⵢⴰ) ⴰⵢ ⵢⴻⴱⵖⴰⵏ ⴰⴷ ⵜⵜⴻⴽⴽⵉⵏⵜ ⵜⵎⵓⵔⴰ, ⵜⵉⵕⵎⵉⵙⵉⵏ ⴷ ⵡⵓⴷⵓⵙⴻⵏ ⵉⴳⵔⴰⵖⵍⴰⵏⴻⵏ ⴷⴻⴳ ⵜⵓⴽⴻⵔⴹⴰ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵜⴱⵓⵖⴰⵔ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ».
ⴰⵍⵖⵓ-ⴰ ⵉⴳⴻⵔ-ⴷ ⵜⵉⵖⵔⵉ ⵉ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ « ⴰⴷ ⵜⴻⵙⵄⵓ ⴰⴷⴷⵓⴷ ⵉⴱⴰⵏⴻⵏ ⵢⴻⵔⵏⴰ ⴰⴷ ⴷ-ⵜⴳⴻⵔ ⵉⵎⴰⵏ-ⵏⵏⴻⵙ ⵙ ⵜⵉⴷⴻⵜ ⵉ ⵓⵃⴱⴰⵙ ⵏ ⵜⴻⵎⵍⵉⵍⵉⵜ-ⴰ ⴰⴷ ⴷ-ⵢⵉⵍⵉⵏ ⴷⴻⴳ ⵡⴰⴽⴰⵍ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵓⵙⵔⵉⴷ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵙ ⵢⵉⵙⴻⵎ-ⵏⵏⴻⵙ ⴷ ⴰⴽⴰⵍ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ) ⵢⴻⵔⵏⴰ ⵍⴰ ⵢⴻⵜⵜⵕⴰⵊⵓ ⴰⴷ ⵢⴻⵜⵜⵡⴰⴽⴽⴻⵙ ⵙⴻⴳ-ⵙ ⵓⵙⵙⴻⵀⵔⴻⵙ ⵙ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».
