ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ ⵜⴻⵔⵥⴻⵎ ⵜⵉⵡⵡⵓⵔⴰ-ⵏⵏⴻⵙ ⵉ ⵢⵉⴼⵕⴻⵏⵙⵉⵙⴻⵏ

ⵒⴰⵔⵉⵙ – ⵜⴻⵔⵥⴻⵎ ⵜⵎⴻⵙⴳⵉⴷⴰ ⵏ ⵒⴰⵔⵉⵙ ⵜⵉⵡⵡⵓⵔⴰ-ⵏⵏⴻⵙ ⴰⵙⵙ ⵏ ⵍⵃⴻⴷⴷ ⵉ ⵢⵉⴼⵕⴻⵏⵙⵉⵙⴻⵏ, ⵖⴻⵔ ⵢⵉⴷⵉⵙ ⵏ ⵡⴰⵟⴰⵙ ⵏ ⵜⵎⴻⵙⴳⵉⴷⵉⵡⵉⵏ ⵏⵉⴹⴻⵏ ⵏ ⴼⵕⴰⵏⵙⴰ, ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⵉ ⵢⵉⵏⴻⵔⵣⴰⴼⴻⵏ « ⵓⴷⴻⵎ ⵏ ⵜⵉⴷⴻⵜ » ⵏ ⵍⵉⵙⵍⴰⵎ.

ⵉ ⵍⵎⴻⵏⴷ ⵏ ⵡⴰⵢⴰ, ⵉⴳⴰ ⴼⵔⴰⵏçⵧⵉⵙ ⵀⵧⵍⵍⴰⵏⴷⴻ ⵜⵉⵔⵣⵉ ⵏ ⵜⴰⴽⵓⵏⵜ (ⵎⵓⴼⴰⴵⵉ’ⴰ) ⵖⴻⴼ ⵜⵎⴻⵙⴳⵉⴷⴰ-ⴰ ⴷⴻⴼⴼⵉⵔ ⵎⴰ ⵢⴻⵃⴷⴻⵕ, ⵜⴰⵚⴻⴱⵃⵉⵜ-ⵏⵏⵉ, ⵢⵉⵡⴻⵜ ⵏ ⵜⴼⵓⴳⵍⴰ (ⵉⵃⵜⵉⴼⴰⵍ) ⴰⵢ ⵢⴻⵔⵔⴰⵏ ⵜⴰⵊⵎⵉⵍⵜ ⵉ ⵡⵉⴷ ⵢⴻⵎⵎⵓⵜⴻⵏ ⴷⴻⴳ ⵜⵅⴰⵣⵣⴰⴱⵉⵢⵉⵏ ⵏ ⵢⴻⵏⵏⴰⵢⴻⵔ ⴷ ⵏⵡⴻⵎⴱⴻⵕ ⵏ 2015.

ⴰⵙⴻⵍⵡⴰⵢ ⵀⵧⵍⵍⴰⵏⴷⴻ ⵢⴻⵎⵎⵓⴳⴻⵔ-ⵉⵜ ⵓⵙⴻⵍⵡⴰⵢ ⵏ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ, ⴷⴰⵍⵉⵍ ⴱⵧⵓⴱⴰⴽⴻⵓⵔ, ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ, ⴰⵏⵧⵓⴰⵔ ⴽⴱⵉⴱⴻⵛⵀ, ⵢⴻⵔⵏⴰ ⵢⴻⵔⵔⴰ ⵢⴻⵙⵜⴻⵕⵃⴻⴱ ⵓⵙⴻⵍⵡⴰⵢ ⴰⴼⵕⴻⵏⵙⵉⵙ ⵙ ⵢⵉⵏⴻⵔⵣⴰⴼⴻⵏ ⴰⵢ ⴷ-ⵢⴻⵔⵣⴰⵏ ⵖⴻⴼ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴰⵡⴻⵍ ⴰⵣⴰⵍ ⵏ ⵓⵣⴳⴻⵔ ⵏ ⵜⵙⴰⵄⴻⵜ ⴷ ⵢⵉⴳⴻⵏⵙⴰⵙⴻⵏ ⵏ ⴷⴷⵉⵏ ⵉⵏⴻⵙⵍⴻⵎ ⴷⴻⴳ ⴼⵕⴰⵏⵙⴰ.

ⴼⵔⴰⵏçⵧⵉⵙ ⵀⵧⵍⵍⴰⵏⴷⴻ ⵢⴻⵔⵣⴰ-ⵜ ⵖⴻⴼ ⵜⵎⴻⵙⴳⵉⴷⴰ ⵏ ⵒⴰⵔⵉⵙ ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⴱⴻⵔⵏⴰⵔⴷ ⵛⴰⵣⴻⵏⴻⵓⵠⴻ, ⴰⵢ ⴷ-ⵢⴻⵍⵀⴰⵏ ⴷⴰⵖ ⴷ ⵜⵖⴰⵡⵙⵉⵡⵉⵏ ⵏ ⴷⴷⵉⵏ.

ⵙ ⵜⴻⵖⵔⵉ ⵏ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ, ⴳⴰⵏⵜ ⵜⵎⴻⵙⴳⵉⴷⵉⵡⵉⵏ ⵏ ⴼⵕⴰⵏⵙⴰ ⵓⵙⵙⴰⵏ ⵏ ⵙⵙⴻⴱⵜ ⴷ ⵍⵃⴻⴷⴷ ⴷ ⵓⵙⵙⴰⵏ ⵏ ⵜⴻⵡⵡⵓⵔⴰ ⵉⵔⴻⵥⵎⴻⵏ ⴰⴽⴽⴻⵏ ⴰⴷ ⴷ-ⵎⵎⴻⴽⵜⵉⵏ ⵜⵉⵅⴰⵣⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⵏ ⵢⴻⵏⵏⴰⵢⴻⵔ ⵏ 2015 ⴰⵢ ⵉⵃⵓⴽⵕⴻⵏ ⴰⵖⵎⵉⵙ ⵏ ⵛⵀⴰⵔⵍⵉⴻ ⵀⴻⴱⴷⵧ ⴷ ⵙⵙⵓⵇ ⵏ ⵀⵢⵒⴻⵔ ⵛⴰⵛⵀⴻⵔ ⴷⴻⴳ ⵒⴰⵔⵉⵙ.

ⵙ ⵜⴻⴷⵢⴰⵏⵜ-ⴰ, ⵢⴻⴱⵖⴰ ⵓⵙⴻⵇⵇⴰⵎⵓ-ⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵎⵎⴻⴽⵜⵉ ⵏ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⴰⴽⴽⴻⵏ « ⴰⴷ ⴷ-ⵢⴻⵙⵙⴽⴻⵏ ⵓⴷⴻⵎ ⵏ ⵜⵉⴷⴻⵜ ⵏ ⵍⵉⵙⵍⴰⵎ ⴷⴻⴳ ⴼⵕⴰⵏⵙⴰ, ⵢⴻⵍⵍⴰⵏ ⴷ ⵓⴷⴻⵎ ⵏ ⵜⴰⵍⵡⵉⵜ ⴷ ⵓⵎⵙⵓⵔⴻⴼ (ⵜⴰⵙⴰⵎⵓⵃ) ».

ⴷ ⵜⵉⵎⴻⵔⵡⵉⵏ (ⵄⴰⵔⴰⵛⴰⵜ) ⵏ ⵢⵉⴼⵕⴻⵏⵙⵉⵙⴻⵏ, ⴷ ⵉⵍⴻⵎⵥⵉⵢⴻⵏ ⴷ ⵢⵉⵎⴻⵇⵔⴰⵏⴻⵏ, ⴰⵢ ⴷ-ⵢⵓⵙⴰⵏ ⴰⵙⵙ ⵏ ⵍⵃⴻⴷⴷ ⵜⴰⵚⴻⴱⵃⵉⵜ ⵖⴻⵔ ⵜⵎⴻⵙⴳⵉⴷⴰ ⴰⴽⴽⴻⵏ ⴰⴷ ⵙⵙⵏⴻⵏ ⴰⵎⴽⴰⵏ-ⴰ ⵏ ⴷⴷⵉⵏ ⵉⵏⴻⵙⵍⴻⵎ ⵢⴻⵍⵍⴰⵏ ⴷ ⴰⵣⴰⵎⵓⵍ ⴷⴻⴳ ⴼⵕⴰⵏⵙⴰ. ⵉ ⵓⵙⵎⴻⴽⵜⵉ, ⴷ ⴰⴳⵔⴰⵡ ⴰⴼⵕⴻⵏⵙⵉⵙ ⴰⵢ ⵢⴻⴼⴽⴰⵏ ⵜⵜⴻⵙⵔⵉⵃ ⵉ ⵍⴻⴱⵏⵉ ⵏ ⵜⵎⴻⵙⴳⵉⴷⴰ-ⴰ ⴷⴻⴳ 1922.

ⵉⵏⴻⵔⵣⴰⴼⴻⵏ ⵎⵎⵓⴳⵔⴻⵏ-ⵜⴻⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵜⵎⴻⵙⴳⵉⴷⴰ-ⴰ ⵢⴻⵔⵏⴰ ⴱⴻⴷⴷⴻⵏ-ⴰⵙⴻⵏ-ⴷ ⵉ ⵍⵎⴻⵏⴷⴰⴷ ⴰⴽⴽⴻⵏ ⴰⴷ ⴷ-ⵔⵔⴻⵏ ⵖⴻⴼ ⵜⵓⵜⵜⵔⵉⵡⵉⵏ ⴰⵢ ⵙⵄⴰⵏ ⵖⴻⴼ ⵍⵉⵙⵍⴰⵎ, ⴷⴷⵓⵕ ⵏ ⵜⵎⴻⵙⴳⵉⴷⴰ, ⵍⴻⵇⵔⴰⵏ ⴷ ⵓⵙⵙⴻⵅⵍⴻⴹ ⵢⴻⵍⵍⴰⵏ ⴳⴰⵔ ⵍⵉⵙⵍⴰⵎ ⴷ ⵔⵔⴻⴱⵔⴰⴱ. ⴼⴻⵕⵕⴵⴻⵏ ⴷⴰⵖ ⵍⵖⴰⵛⵉ, ⵙⴻⴳ ⵜⵣⴻⵖⵖⴰ ⵜⴰⵎⴻⵇⵔⴰⵏⵜ ⵏ ⵜⵎⴻⵙⴳⵉⴷⴰ, ⵉ ⵜⵥⴰⵍⵍⵉⵜ ⵏ ⴹⴹⵀⵓⵔ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵎⴻⵙⴳⵉⴷⴰ-ⵏⵏⵉ.

ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ, ⵢⴻⵙⵎⴻⴽⵜⵉ-ⴷ ⵓⵙⴻⵍⵡⴰⵢ ⵏ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ ⴷ ⴰⴽⴽⴻⵏ ⴷⴻⴳ ⵜⴰⵍⵍⵉⵜ ⵏ ⵓⵏⵀⴰⵍ (ⵏⵉⴹⴰⵎ) ⵏ ⵠⵉⵛⵀⵢ, ⵜⵓⵔⴰⵔ ⵜⵎⴻⵙⴳⵉⴷⴰ-ⴰ ⴷⴷⵓⵕ ⴰⴽⴽⴻⵏ ⴰⴷ ⴷ-ⵜⴻⵙⵙⵓⴽⴽⴻⵙ ⵓⴷⴰⵡⵢⴻⵏ ⵙⴻⴳ ⵢⵉⴼⴰⵙⵙⴻⵏ ⵏ ⵢⵉⵙⴻⵔⴷⴰⵙⴻⵏ ⵉⵏⴰⵣⵉⵢⴻⵏ ⵙ ⵜⵓⴽⵛⵉ ⵏ ⵍⴻⴽⵡⴰⵖⴻⴹ ⵏ ⵜⴽⴻⵍⵍⴰⵅ ⴷ ⵜⵓⴼⴼⵔⴰ ⵏ ⵡⵓⴷⴰⵢⴻⵏ ⴷⴻⴳ ⵢⵉⵎⵓⴽⴰⵏ ⵓⴼⴼⵉⵔⴻⵏ.