ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⴳⴰⵔ ⵓⵖⵍⵉⴼ ⵏ ⵜⵎⴻⵔⵔⵉⵜ ⴷ ⵡⵉⵏ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵏⵢⴰ ⵓⵖⵍⵉⴼ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ) ⴰⵎⵜⴰⵡⴰ (ⵉⵜⵜⵉⴼⴰⵇ) ⵏ ⵓⵎⵄⴰⵡⴻⵏ ⴷ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵉ ⵍⵎⴻⵏⴷ ⵏ ⵓⵙⵎⴰⵍ ⵏ ⵜⵎⴻⵔⵔⵉⵜ ⵢⴻⵇⵇⵏⴻⵏ ⵖⴻⵔ ⴷⴷⵉⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.
ⴰⵎⵜⴰⵡⴰ-ⴰ ⵙⵜⴻⵏⵢⴰⵏ-ⴷ ⵓⵏⴻⵖⵍⴰⴼ ⵏ ⵜⵎⴻⵔⵔⵉⵜ, ⴰⵎⴰⵔ ⴳⵀⵧⵓⵍ, ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⵢⴻⵔⵏⴰ ⵉⵙⵡⵉ-ⵏⵏⴻⵙ ⵏⴻⵜⵜⴰ ⴷ « ⴰⵃⵔⴰⵣ ⵏ ⵢⵉⴷⴻⴳⴳⴻⵏ (ⵎⴰⵡⴰⵇⵉⵄ) ⴷ ⵢⵉⵎⴻⴷⵔⵓⵣⴻⵏ ⵏ ⴷⴷⵉⵏ ⴷ ⵓⵄⴰⵡⴻⵏ ⵏ ⵓⵙⵙⴻⴼⵜⵉ ⴷⴻⴳ ⵜⵎⴻⵔⵔⵉⵜ ⵢⴻⵇⵇⵏⴻⵏ ⵖⴻⵔ ⵢⵉⵎⵓⴽⴰⵏ-ⴰ ».
ⵉⵙⵡⵉ ⵏ ⵓⵎⵜⴰⵡⴰ-ⴰ ⴷ « ⴰⵇⴻⵢⵢⴻⵎ ⴷ ⵓⵙⵎⴰⵍ ⵏ ⵜⴻⵏⴹⵉ (ⵚⵉⵏⴰⵄⴰ ⵜⴰⵇⵍⵉⴷⵉⵢⵢⴰ) ⴷ ⵚⵚⴻⵏⵄⴰⵜ, ⴰⵀⴻⵢⵢⵉ ⵏ ⵡⴰⵀⵉⵍⴻⵏ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷ ⵓⵀⴻⵢⵢⵉ ⵏ ⵢⵉⵎⵏⴻⵏⵏⵉⴹⴻⵏ ⵏ ⵜⵎⴻⵔⵔⵉⵜ ⵢⴻⵇⵇⵏⴻⵏ ⵖⴻⵔ ⴷⴷⵉⵏ ».
ⴰⵢⴰ ⵢⴻⵔⵣⴰ ⴷⴰⵖ « ⴰⵖⴻⵍⵍⴻⵜ ⵏ ⵢⵉⴽⴰⵍⴻⵏ ⵢⴻⵇⵇⵏⴻⵏ ⵖⴻⵔ ⵍⵃⵓⴱⵓⵙ ⵉ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴷⴻⴳ ⵢⵉⴷⴻⴳⴳⴻⵏ ⵢⴻⵇⵇⵏⴻⵏ ⵖⴻⵔ ⴷⴷⵉⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵃⵔⴰⵣ ⵏ ⵜⴳⴻⵎⵎⵉ (ⵜⵓⵔⴰⵜ) ⴷ ⵜⵙⴻⴳⴷⴰ ⵜⴰⴷⵉⴳⴰⵏⵜ ».
ⵙ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ, « ⴰⴷ ⵢⴻⵜⵜⵡⴰⵙⵙⴻⵇⴷⴻⵛ ⵓⵃⵔⵉⵛ ⵙⴻⴳ ⵢⵉⴷⵔⵉⵎⴻⵏ ⵏ ⵣⵣⴰⴽⴰⵜ ⵉ ⵓⵄⴰⵡⴻⵏ ⵏ ⵢⵉⵍⴻⵎⵥⵉⵢⴻⵏ ⴰⵢ ⵢⴻⴱⵖⴰⵏ ⴰⴷ ⴷ-ⵙⴱⴻⴷⴷⴻⵏ ⵉⵔⵎⵓⴷⴻⵏ (ⵏⴰⵛⴰⵟⴰⵜ) ⵏ ⵜⴻⵏⴹⵉ ».
ⵉⵡⴻⴽⴽⴻⴷ-ⴷ ⵎⴰⵙⵙ ⴳⵀⵧⵓⵍ ⴷ ⴰⴽⴽⴻⵏ ⴰⵎⵜⴰⵡⴰ-ⴰ ⴰⴷ ⵢⴻⵙⵙⴻⴵⵀⴻⴷ ⴰⵎⵄⴰⵡⴻⵏ ⴷ ⵜⵉⵛⵛⵓⵔⴽⴰ ⴳⴰⵔ ⵢⵉⵃⵔⵉⵛⴻⵏ ⵏ ⵜⵎⴻⵔⵔⵉⵜ ⴷ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⵉ « ⵓⵙⵎⴰⵍ (ⵜⴰⵔⵇⵉⵢⴰ) ⵏ ⵢⵉⴷⴻⴳⴳⴻⵏ ⴷ ⵢⵉⵎⴻⴷⵔⵓⵣⴻⵏ ⵏ ⴷⴷⵉⵏ ⴰⵢ ⵢⴻⵜⵜⴻⴽⴽⴰⵢⴻⵏ ⴷⴻⴳ ⵓⵙⵙⴻⵔⴱⴻⵃ ⵏ ⵜⵎⴻⵔⵔⵉⵜ ».
