ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴽⴰⵢⴰⴷⴻⵏ ⵏ ⵓⵙⴻⴳⴳⴰⵙ ⴰⵏⴻⴳⴳⴰⵔⵓ ⵏ ⵜⴻⵙⵏⴰⵡⵉⵜ ⴰⴽⴽⴻⴷ ⵡⵉⴷ ⵏ ⵓⵖⴻⵔⴱⴰⵣ ⴰⵍⴻⵎⵎⴰⵙ ⴰⴷ ⵉⵍⵉⵏ ⵇⴱⴻⵍ ⴰⵢⵢⵓⵔ ⵏ ⵔⴻⵎⴹⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⵜⵛⴰⵔ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⴱⴻⵍⵍⵉ ⵉⴽⴰⵢⴰⴷⴻⵏ ⵏ ⵓⵙⴻⴳⴳⴰⵙ ⴰⵏⴻⴳⴳⴰⵔⵓ ⵏ ⵜⴻⵙⵏⴰⵡⵉⵜ ⴰⴽⴽⴻⴷ ⵡⵉⴷ ⵏ ⵓⵖⴻⵔⴱⴰⵣ ⴰⵍⴻⵎⵎⴰⵙ ⴰⴷ ⵉⵍⵉⵏ ⵇⴱⴻⵍ ⴰⵢⵢⵓⵔ ⵏ ⵔⴻⵎⴹⴰⵏ.

ⵜⴻⵖⵜⴻⵙ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⴰⴽⴽⴻⵏ ‘’ⴰⴷ ⵜⴱⴻⴷⴷⴻⵍ ⵜⴰⵙⵡⴰⵙⵜ ⵏ ⵢⵉⴽⴰⵢⴰⴷⴻⵏ, ⴷⵖⴰ ⵡⵉⴷ ⵏ ⵍⴱⴰⴽ ⴰⴽⴽⴻⴷ ⵡⵉⴷ ⵏ ⵏ ⵓⵍⵎⴰⴷ ⴰⵍⴻⵎⵎⴰⵙ’’ ⵉ ⴷ-ⵜⴻⵙⵙⴻⴷⴷⵉ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴰⵎⵙⴰ ⵖⴻⵔ ⵜⴰⵎⴰ ⵏ ⵜⴻⵎⵍⵉⵍⵉⵜ ⴰⴽⴽⴻⴷ ⵢⵉⵏⵎⵓⵍⴰ ⵏ ⵓⵃⵔⵉⵛ-ⵉⵙ, ⵜⴻⴹⵎⴻⵏ-ⴷ ⴷⴰⴽⴽⴻⵏ ⵉⴽⴰⵢⴰⴷⴻⵏ ‘’ⴰⴷ ⵉⵍⵉⵏ ⵇⴱⴻⵍ ⴰⵢⵢⵓⵔ ⵏ ⵔⴻⵎⴹⴰⵏ’’.

ⵜⴰⵏⴻⵖⵍⴰⴼⵜ ‘’ⵜⴻⵙⵙⴰⵔⴻⵎ ⴰⴷ ⵜⴻⴼⵔⴻⵏ ⵉⵣⴻⵎⵣⴻⵏ ⵏ ⵢⵉⴽⴰⵢⴰⴷⴻⵏ ⴰⴽⴽⴻⴷ ⵢⵉⵛⵔⵉⴽⴻⵏ ⵉⵎⴻⵜⵜⴰⵏⴻⵏ ⴰⴽⴽⴻⴷ ⵜⴷⵓⴽⵍⵉⵡⵉⵏ ⵏ ⵢⵉⵎⴰⵔⵔⴰⵡⴻⵏ ⵢⵉⴱⴰⵍⵎⵓⴷⴻⵏ ⵙ ⵓⵙⵖⵉⵎⵉ ⵏ ⵜⴻⴳⵔⴰⵡⵜ ⵏ ⵓⵎⴰⵀⵉⵍ ⴰⵔⴰ ⵙⵙⴻⴷⴷⵓⵏ ⵡⵉⴷ ⵉⵡⵓⵍⵎⴻⵏ ⵙⴻⴳ ⵡⴰⵙⵙ-ⴰ (ⵍⴻⵅⵎⵉⵙ) ⴷ ⴰⴼⴻⵍⵍⴰ’’, ⵉ ⴷ-ⵜⴷⴻⵔⵔⴻⵔ ⵜⵏⴻⵖⵍⴰⴼⵜ.

‘’Izemzen n yikayaden ad ten-id-ncir sya ɣer mraw wussan’’, i d-tenna Massa Benghebrit, tesseddi-d belli isumar d-fkan i waya ad ten-nezrew deg ukatar n tegrawt n umahil.

ⵜⴻⵙⵙⴰⵡⴻⵍ ⵜⵏⴻⵖⵍⴰⴼⵜ ⵉ ⵢⵉⵙⴻⵍⵎⴰⴷⴻⵏ ⴰⴽⴽⴻⴷ ⵢⵉⵛⵔⵉⴽⴻⵏ ⵉⵎⴻⵜⵜⴰⵏⴻⵏ ‘’ⴰⴷ ⵄⴰⵙⵙⴻⵏ ⴰⴽⴽⴻⵏ ⴰⴷ ⵜⴻⴷⴷⵓ ⵜⵎⴻⵖⵔⵉⵜ ⴰⴽⴽⴻⵏ ⵢⴻⵙⵙⴻⴼⴽ ⴷⴻⴳ ⴽⵔⴰⴹ ⵡⴰⵢⵢⵓⵔⴻⵏ ⵉⵎⴻⵏⵣⴰ ⴰⴽⴽⴻⴷ ⴽⵔⴰⴹ ⵏⵏⵉⴹⴻⵏ ⴰⵔⴰ ⵜⴻⵏ-ⵉⴷ-ⵉⴹⴻⴼⵔⴻⵏ ⴰⴽⴽⴻⴷ ⴽⴻⴼⴼⵓ ⵏ ⵡⴰⵀⵉⵍ ⴷⴻⴳ ⴰⴽⴽ ⵉⵖⴻⵔⴱⴰⵣⴻⵏ’’.

ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵙⵙⴻⴷⴷⵉ ⴷⴰⴽⴽⴻⵏ ⴰⵖⵜⴰⵙ-ⴰ ⵢⵓⵙⴰ-ⴷ ⴷ ⵜⵉⵔⵉⵔⵉⵜ ⵉ ⵢⵉⵙⵓⵜⵔⴻⵏ ⵉ ⴷ-ⵢⴻⵜⵜⵓⵖⴰⵍⴻⵏ ⴰⴽⴽⴰⵙ ⵙⴻⴳ ⵜⴰⵎⴰ ⵏ ⵡⵉⴷ ⵉ ⵢⴻⵙⵄⴻⴷⴷⴰⵢⴻⵏ ⵉⴽⴰⵢⴰⴷⴻⵏ ⵏ ⵍⴱⴰⴽ.

ⴰⴽⴰⵢⴰⴷ ⵏ ⴱⴻⵎ ⴷⴻⴳ ⵜⴰⵣⵡⴰⵔⴰ ⵏⵏⵉⵇⴰⵍ ⴰⴷ ⴷ-ⵢⵉⵍⵉ ⵙⴻⴳ 7 ⵖⴻⵔ 9 ⵢⵓⵏⵢⵓ 2016 ⵎⴰ ⴷ ⵡⵉⵏ ⵏ ⵍⴱⴰⴽ ⵙⴻⴳ 12 ⵖⴻⵔ 16 ⵢⵓⵏⵢⵓ 2016.